يوميات مينا ومريم ... قصة حب بين الصعيدي الاصيل والبنت الاستيل

Riri_Jackson · كُتب : [ 01-25-2008 - 03:58 PM ]

الله يسعد قلبك يا قمر وما يوريكى حزن فى باقى عمرك
بجد انتى خرجتينى من مود مش كويس كنت فيه ...

kamer14 · كُتب : [ 01-25-2008 - 04:11 PM ]

انا فرحانه بجد انى اسعدتك ربنا يباركك

اللة يرعانى · كُتب : [ 01-25-2008 - 08:09 PM ]

بجد قصة جميلة اوى بس ملهاش جزء تانى عيزين قصص كتر زيها وشكرا

Riri_Jackson · كُتب : [ 01-25-2008 - 10:12 PM ]

ياريت والله يكون ليها اجزاء تانية

مايكل عياد · كُتب : [ 01-26-2008 - 09:15 AM ]

على اية بجد الموضوع جامدددددددددددددددددددددد دددددددددددددددد

kamer14 · كُتب : [ 01-26-2008 - 12:44 PM ]

ميرسى وادى الحلقه الرابعه

الحلقة الرابعة

مينا مأجر شقة مفروشة وساكن فيها فترة الدراسة ....

ظبط المنبه بتاعه على ميعاد الجماعة

جرس الباب بيرن ... بيرن ... خبط جامد .... مينا قام مخضوض وبيفتح الباب وووفجأة

هاي .. انا جارتك اللي ساكنة قصادك

مينا : طيب وانا اعمل ايه يعني جارتي ولا مش جارتي

تؤ ... طيب قول صباح الخير .. قول صباح النور .. قول صباح اللي بتغني

مينا : يا فتاح يا عليم يا رزاق يا كريم ... يادي النيلة .. انتي عاوزة ايه مني دلوقتي

انا ؟ ؟

مينا : امال امي

تؤ تؤ انت عصبي كده ليه ... كل شئ بالتفاهم وبالهدوء ... اعملك نسكافيه يهدي اعصابك

مينا : متشكر يا ستي متشكر خالص انا ... عاوزة ايه مني على الصبح كده انا ورايا جامعة

ايه ده .. انت بتروح الجامعة ... انا بفتكرك في المدرسة

مينا : صبرني يارب صبرني ... جولي عاوزة ايه هتأخر على الجماعة

عندك حبة شطة

مينا : هاا ... جلتي عاوزة ايه

شطة شطة .... اللي بتخلي الاكل يوحوح

مينا : لا انا مش بحب اوحوح عن اذنك ... وقفل الباب ولبس بسرررعة ونزل

ركب الاتوبيس

مينا : الاجرة بكام لو سمحت يا اخينا

رد شاب ستايل ... ههههههههه ايه اخينا دي دي كلمة قديمة موت

مينا : ماشي يا عم الجديد .... بكام الاجرة

الكمثري : بجنيه وبريزة يا كابتن

مينا : اشمعنى وبريزة

الكمثري : حكومة تقدر تتكلم

مينا : خد يا عم ونزلني عند الباب الرئيسي

مينا داااااااااخل بيجرررري .... وهووووووب ... خبط في بنت وقع عليها العصير

انت غبي ... انت مبتشوفش

مينا : هشششششششششش

انت قليل الادب مش محترم كمان

مينا : هسسسسسسسسسس

مينا : انا ورايا محاضرة مش فاضيلك انا خدي منديل

انا هوريك انا لازم ابهدلك

يا عمرو يا وائل يا هيثم

عمرو : مالك بيها يا تحفة

وائل : انت لازم تتربى كويس

هيثم : مش هتروح سليم النهاردة

مريم لمحت الخناقة من بعيد

مريم : مينا مينا في ايه

مينا : ابعدي انتي يا مريم ده تار قديم وهيخلص النهاردة

مريم : مينا دي جامعة انت ممكن تتفصل

مينا : ومحضرش محاضرات تاني ؟

مريم : ايوة ايوة انا هروح انده الامن

مينا : تندهي الامن يشيلوا جثتي ولا ايه

وفجأة الامن جه والمشكلة اتحلت والحمد لله مينا خرج سليم

مع انه كان ادها وادود يعني بس خاف طبعا على مستقبله

مينا : متشكر يا مريم جوي

مريم : ده اقل واجب يعني

مينا : انتي عملتي الواجب صح

مريم : واجب ايه يا مينا هو احنا في مدرسة

مينا : ههههههههههه اصلها فاكراني في المدرسة

مريم : هي مين دي

مينا : اللي عاوزة الشطة

مريم : انا مش فاهمة حاجة يا مينا

مينا : انتي بتحبي توحوحي

مريم : هههههههههههههههههههه

مينا : هههههههههههههههههههه

مريم : تعرف يا مينا ان دمك خفيف اوي

مينا : ربنا يخليكي انا مش بجدر على الكلام ده

مريم : هو انا قلت حاجة يا مينا

مينا : ايوة دمي خفيف وحلو ومسمسم والكلام الكابير ده

مريم : ههههههههههههههههههههههه

مينا : بتضحكي على ايه عاد

مريم : ههههههههههههههههههههههه

مينا : يوه يوه يوه

مريم : المحضارة هتبتدي يا مينا يلا نحضر

مينا : ماتيجي نتمشى شوية في الحديقة وبلاش المحاضرة

مريم : بجد ... طيب يلا

مينا : ال حديقة ال .... يلا يا هانم نلحج المحاضرة انا حاجزلك جنبي

مينا دخل لقى اتنين اعدين مكانه هو ومريم

kamer14 · كُتب : [ 01-26-2008 - 12:45 PM ]

الحلقه الخامسه

مينا دخل لقى اتنين اعدين مكانه هو ومريم

دي كانت نهاية الحلقة اللي فاتت يارب الحلقة دي تعجبكم

مينا : ايه يا كابتن انت وهو انا حاجز المكان ده من بدري

انت حاجز صالة ولا بلكون

مينا : لأ حاجز حمام يا خفيف

هو انت فاكرني شاي ولا ايه

مينا : ايوة شاي ومتاخدش في ايدي غلوة كمان

انت باين عليك متعرفش الكابو هيثم

مينا : وانت باين عليك متعرفش مينا ابن عمدة القرية

ههههههههههههههههههههههههه هه

مينا : بتضحك على ايه؟

ودخل مينا في عراك وكأنه عراك بين الديوك ومريم مش عارفة تعمل ايه

غير انها جابت النوت بوك بتاعها وفضلت تضرب مع مينا

مينا : اي اي ايه يا مريم دي دماغي انا

مريم : سوري يا مينا مكنش قصدي بجد

مينا : اخرجي انتي برا وايه الجلم الرصاص اللي بتضربي بيه ده

مريم : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

مينا : هجطعه

الدكتور : تقطع مين يابني ... احنا في جامعة

مينا : جامعة مش جامعة هجطعه

مريم : ايوة احنا هنجطعه

الدكتور : تعالوا برا انت وهي

مينا : لأ والنبي يا داكتور الجو ساجعة برا جوي

الدكتور : اطلع بقولك

مريم : يلا يا مينا

مينا : يلا ايه وزفت ايه ... هو احنا رايحين نتفسح

وطلعوا يا عيني هما الاتنين ولسوء حظ مينا انه برضه محضرش المحاضرة دي كمان

مينا : انا مروح يا مريم

مريم : لأ خليك اعد معايا شوية

مينا : لأ يا مريم انا مروح

مريم : انا عايزة اتكلم معاك

مينا : بكرا ان شاء الله نتكلم كتير ... ماهو كده كده مش هحضر بكرا برضه

مريم : انت بتحب الماحضرات ليه يا مينا

مينا : انا جاي مصر عشان اتعلم يا مريم مش عشان اتنزه

مريم : انا عارفة انك شاب مش فاضي من جواك

مينا : ربنا يخليكي يا مريم

مريم : اي نعم انت مش مهتم بمظرك ... ومش بتسرح شعرك حلو ... بس حاسة انك وسيم اووي

مينا : ماتجولي معفن احسن يا ست مريم

مريم : انا مش اقصد خالص

مينا : ولا تقصدي ... انا جيت مصر غلط من اساسه دي مش بيئتي ولا دي حياتي

مريم : انا اسفة

مينا : انا اللي اسف .... عن اذنك

وبعد ما مينا مشي مريم مشيت هي كمان وكانت زعلانة جدا من كلامها معاه

ولو انها مكنتش تقصد بس مينا حساس حبتين

مريم حاولت تتصل بمينا عن طريق جارته

مريم : الو ممكن اكلم مينا جار حضرتك

الجارة : مينا مين يا انسة

مريم : مينا جارك

الجارة : اااه تقصدي موني

مريم : انتي مسمياه كده

الجارة : هو بيحبني اووي اقوله كده

مريم : طيب كويس ممكن تناديه

الجارة : مينا مينا مينا مينا

الجارة : مينا مينا مينا مينا

مينا :.. اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا موني .. انا خضيتك ولا ايه ... طيب تعالى في حضن ماما تعالى

مينا : اخلصي يا ست عاوزة ايه مني وليه بتخبطي في وقت زي ده

الجارة : تليفون عاوزك

مينا : والتليفون عاوزني في ايه

الجارة : هههههههههههههههه جتك ايه يا مووني يا سكر

الجارة : اقصد حد عاوزك على التليفون

مينا : ابوووووووويا جراله ايه انطجي قولي

الجارة : لأ لأ ده صوت واحدة

مينا : امي امي اما مالها مالها

الجارة : ده صوت جثة

مينا : ههههههههههههههههههههههه

مينا : والجثة هتتكلم ازاي يا ام مخ تاخين

الجارة : تعالى ورايا يا موووني وانا اخليها تنطق وتتكلم

مينا : طيب يا وش المصايب

مريم : سمعت ضحك مينا وجارته دي ... وقفلت السكة

مينا : الو الو ... الو الو

مينا : ههههههههههههههههههههههههه ه

مينا : الجثة مش راضية تنطق ... ده باين كده الجثة ماتت

ههههههههههههههههههههههههه ههههههههه

rose · كُتب : [ 01-26-2008 - 03:53 PM ]

جامدة اوى يا فيروووووو
ميرسى ليكى ياسكررررررر

عاوزة باقى القصه انا مش ليا دعووووووووووووووووووووووو وه

جوسى · كُتب : [ 01-26-2008 - 04:10 PM ]

تحفه
جميله موووووووووووووووووووووووت
انا مش قادرة امسك نفسى من الضحك
عايزين باقى القصه بليزززززززززززززززززز
يا قمر
يا قمرايه المنتدى

اللة يرعانى · كُتب : [ 01-26-2008 - 07:43 PM ]

اكتبى باقىىىىىى القصة بسرعةة عيزة اعرف الباقىىىىىىىى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يوميات مينا ومريم الصعيدى الاصيل والبنت الاستيل	maro love barbara	الضحك والفرفشة	6	09-13-2010 08:28 AM
من انا ( 20 )	MICKEY	البرامج والخروجات الخاصة بالاعضاء	21	04-25-2009 07:01 PM
من انا ( 7 )	MICKEY	البرامج والخروجات الخاصة بالاعضاء	24	02-20-2009 02:38 PM
يوميات مينا و مريم(ولد صعيدى و بنت استايل)	i+love+jusus	الضحك والفرفشة	0	08-05-2008 04:21 PM

		†† ارثوذكس †† > كل منتدايات الموقع > المنتدى الترفيهى > الضحك والفرفشة
يوميات مينا ومريم ... قصة حب بين الصعيدي الاصيل والبنت الاستيل

	تذكرنــي