[Malak sokar]

ازيكو ياكل اخواتي بجد وحشتوني اوي
وانا عارفة انكو هتوحشوني اكتر

بس رجاء محبة بطلب منكم تسمحوني لاني مش قادرة ادخل المنتدي
وابقي بينكو. بمر بظروف وحشة مخلياني اهرب منكو
بقي عندي حالة تخبط معدتش حاسة بمحبة من اي حد هنا
معدتش قادرة ادخل المنتدي
ارجوكو صلولي صدقوني دموعي مش بتفرقني ليل ولا نهار
لاني بجد محبطة اوي
قبل كدة حصلت حاجات وانا مادتش اي تفسر ولا اتكلمت لكن الظاهر ان صمتي اتاخد ضدي
انا
ملاحظة انة معدتش مترحب بيا بينكو ولا بين الاعضاء عشان كدة انا
هبعد شوية
بامانة انا عنيا كلها دموع
لكن سمحوني وصلولي انا معرفش انا هبعد قد اية
لكن بجد ارجوكو صلولي

لان دموعي مش بتفارق عيوني
ياريت الي بيجرح الناس يحاول يتعلم المحبة وان جرح الناس
بجد
مش هين
ازكروني قي صلاتكو

المصدر: †† ارثوذكس †† - من قسم: صندوق مناقشات الاعضاء

[نبيل نصيف جرجس]

لية بتقولى كدة انتى اختنا يا بنت ابوكى وكلنا بنعزك صحيح مش اعرفكم كويس بس انت بنت الملك يسوع واكيد ليكى كرامة ومكانة عند كل اخواتك وبعدين عايز افكرك يا بنت ابوكى اللى بيعطى محبة مش بينظر مقابل اوعى تمشى خليكى وسط خدمتك واخواتك ربنا يباركك ويحافظ عيليكى

[elphilasouf]

محدش قال ان احنا مش عاوزينك هنا او مش مرحبين بيكى
وارثوذكس جسد واحد واذا تالم عضو فيه كلنا بنتالم معاه
ولو المنتدي كله مش عاوزك انا عاوزك مع انى اشك فى ان حد عاوز كده
فتره وهتعدي...... وسعات الانسان يبص يلاقى الدنيا كلها حوليه وحشه ومش حلوه وحبه كده يبص فى نفس المكان بعد شويه يلاقى ان الدنيا زي الفل وورد مفتحه...... فتره وهتعدي وهترجعى تانى فله مفلفله وسكر المنتدي

[kamer14]

ايه ياسكر الكلام ده صدقينى فى ناس كتير هنا بتحبك ومبعدناش عنك ولاحاجة والموقف ده مخلناش لحظه وحده نبعد عنك لان احنا عارفينك كويس صدقينى مش عشان كام عضو او عضوه اخدو منك موقف او حصلت بينكو مشاكل يبقى معناه ان باقى المنتدى يبعد عنك فى ناس كتير اوى بتحبك وياريت تفضلى معانا ومتسيبيناش ربنا معاكى

[عماد حسنى]

مش عارف اقولك ايه يا ملاك
وانا مقدر حالتك دى جدا جدا
بس عايز اقولك ياريت ماتبصيش على نص الكوب الفارغ بل الممتلاء
انتى محبوبه بالفعل وليكى اخوات كتير اوى بتعزك اخواتك البنات والولاد
وكلنا بنحب وجودك وسطينا
وبعدين صدقينى عدم وجودك مش حل انتى بتخدمى الملاك ومارجرجس فى قسمك
وبتقدمى موضوعات مفيده لاخواتك
يبقى ازاى تسيبى الخدمه دى
وان كان فى بعض المشاكل اللى بتواجهك او بتعترضك فصدقينى كلها بمحبتك وصلواتك ووقوف اخواتك معاكى هتعدى كلها
وان حتى فضلت المشاكل دى يبقى تسيبك من الكل وتخليكى فى قسمك وموضوعاتك وتعتبرى نفسك موجوده لخدمه الملاك ومارجرجس بس واعتقد الملاك ومارجرجس يخلوكى ماتمشيش وتسيبى المنتدى وكمان ماتبصيش لاى تعب من اى نوع
خليكى موجوده يا ملاك وفى كتير بيعزوكى من اخواتك
ربنا معاكى ويساعدك وتعدى المرحله دى على خير وسلام

[MICKEY]

لو ملاك سكر خرجت من المنتدي
انا هخرج ومش هرجع تاااااااااااااااااااااااا ااااااني



وجودي متوقف علي ملاك سكر



وعلي فكرة ياملاك انتي كل الناس بيحبك هنا ومن غير ماقول دي حاجه معروفه
واشكرك
ولو طلعتي انا هطلع قبليكي

[مايكل عبد الشهيد]

انا ماكنش ليا شرف معرفتك شخصيا بس اجبر رد هايكون مش مني ولا من اللى يعرفك بس هاتعرفي مقدار محبتك قريبا بس تابعي المنتدي شويه

[miso]

طيب انا بجد مش فاهمة موقف ايه اللى بتحكى عنه
يعنى انا واحدة من الناس اللى فالمنتدى بعملك عادى
ليه بقى مش حاسة بالمحبة
وكمان فى ناس كتيييييييير اتعرضت لمشاكل ولسة موجودة فالمنتدى
ياريت تخليكى واثقة فنفسك شوية
وتعملى زى ما قالك عماد انتى بتخدمى الملاك ومارجرجس
وقسمك بسم الصليب اى نعم انجليزى وانا ههههههههه مفيش خالص بس نشيط وعاملة فيه مجهود جباااااااار بجد
ياريت تبقى الفترة دى مجرد فترة عادية زى اللى بتمر على اى حد
ومش علشان واحد او اتنين حسيتو انهم مش بيحبوكو ولو انى اشك يبقى تقولى هسيب المنتدى
ههههههههههههههههه هتفطشى المنتدى وراكى يابنتى اهو ميكى اول واحد قال مش هدخل لو مدخلتيش
هههههه وانا كدة كدة مش بدخل اوى اتلكك بقى واقول لو ملاك مدخلتش مش هدخل
فكرى تانى فقرارك واللى انتى بتمرى بيه ده مش هياخد اكتر من يومين تلاتة اسالى مجرب

[ELMAGEK]

لا يا ملاك كلنا هنا بنحبك وانتى اختنا كلنا
وصدقينى محبتنا ليكى مش ممكن تقل ابدا باى حال
من الاحوال بل بالعكس صدقينى بتزيد يوم عن يوم
بمواضيعك بمشاركاتك بكلامك بردودك كلنا بنحبك يا ملاك
وصدقينى المنتدى مش هيبقى حلو من غير مدرسة
الانجليزى بتاعتنا متبقيش تيت بقى
كلنا بنحبك بجد يا احسن اخت

[SAMOOOOO]

مفيش حد هنا بيكرهك ياملاك سكر

بالعكس انتى محبوبه من الكل

لكن معلش اى انسان بيمر بوقت ضيق

لكن هصليلك ان الوقت ده يعدى بسرعه وترجعى زى الفل

لانك اكيد انتى من الاعمده الاساسيه فى المنتدى وبتعملى خدمات كتير

وبركه الملاك ميخائيل ترجعلك لينا بالف سلامه