[جناح المسيح]

مش هرجعلك

مش هرجعلك ولا هضعف قدام عنيك
انا هبعد وهسيبك وحدك ولا هرجع اسهر لياليك
ده انا كنت بضحى عشانك وبحاول دايما ارضيك
ده انا كنت بعيشلك عمرى وفى الاخر انا هونت عليك

انا علشانك بعت احبابى واتحديت العالم كله
واللى بيجرح قلبك قلبى كان بيجرح فيه ويزله

انا م الاخر كنت ضحيه لا وكمان انا كنت اسير
كل ما كان بيجرح فيا بيرجع تانى بميت تبرير
كنت بسامحه لا وبصالحه لما عليه انا كنت بغير

ده انا لما انت كنت بتزعل كنت بجيلك واتأسفلك
كنت بحاول اجى على نفسى كتير علشانك لا واحلفلك
انى عمرى ما هجرح قلبك مع انى ياما عديتلك

ليه لما انت جرحت فى قلبى سبت الجرح يعيش جوايا
ليه ما حاولتش تيجى تقولى ياللى فاضلى من دنيايا
اى كلام من قلبك ليا قبل عنايا ما تبكى معايا
ياللى بجرحك خلت قلبى يكتب بدموعه النهايا

ده انا علشانك بعت احبابى واتحديت العالم كله
واللى بيجرح قلبك قلبى كان بيجرح فيه ويزله

انا كان متهيالى ان انت عايزنى ابقى انا ليك علطول
وعشان كنت بحبك قلبى كان على قلبك كده مشغول
لكن بعد جرحك ليا قلبى عنك مش مسئول

ليه بقى بعد ده كله تجينى كان علي عينى ان انا ارجعلك
كنت بخاف على قلبك يزعل لما انا كنت زمان بسمعلك
لكن بقى دلوقتى يا عينى عادى على عينى تشوف بقى زعلك

مش هرجعلك ولا هضعف قدام عنيك
انا هبعد وهسيبك وحدك ولا هرجع اسهر لياليك
ده انا كنت بضحى عشانك وبحاول دايما ارضيك
ده انا كنت بعيشلك عمرى وفى الاخر انا هونت عليك

من تاليفى
اذكرونى فى صلاتكم
انطونيوس جرجس

المصدر: †† ارثوذكس †† - من قسم: القسم الادبي