[aymonded]

المشاركة الأصلية كتبت بواسطة elphilasouf اممممممممممممم بس يااستاذ ايمن مش كل حب من طرف واحد هيكون حب انانى يعنى مهو ممكن يكون الحب مسالم اكتر من كده ومش بيجبر الى منفضله ده على حبه الا بس انه بيحاول يظهرله اهتمام زي مثلا ربنا مهو ديما بيكون حبه من طرف واحد مش انانيه خالص انه يظهر حبه ده لينا من غير لما يكون فى اجبار ميرسي اوي يا مريم على موضوعاتك السخنه دي ويابختك استاذ ايمن بحاله رد على موضوعك

سلام لنفسك يا محبوب ربنا يسوع / الحب دائماً يعطي بسخاء وببساطة وبذل دائم ، ولا ينتظر مقابل عموماً ، وحب الله لنا فيه حرية ودعوة ومن يقبل فليقبل بكامل إرادتة ورغبته الحرة ، لأن في الحب حرية كاملة غير منقوصة أو ترغم من يحبه على التسليم له ...

أما انا باتكلم عن الحب المنفرد الذي يكبل الآخر ويريد ان يستسلم له باي شكل ، ولا يقبل اي رفض بل يكتفي أنه هو الشخص المحب والذي يعطي ولابد من ان يأخذ دون حرية الآخر ...

فالحب يقدم للآخر لا على أساس أن يأخذ بأنانية وانعزال إنما بارتباط وقبول الآخر ومعرفته بالصدق والحق كما هو في ذاته وكمال شخصيتة ونقائصها ، دون إصباغ اسقاطات شخصية عليه !!!

وحب الله شيء وحبنا نحن شيء آخر ، لأننا دائماً ما نخلط بين الأنانية والاستحواز ، وبين الحب الحقيقي الحر والصادق الذي فيه مكاشفة بين الطرفين ....

أقبل مني كل تقدير بمحبة يا صديقي الرائع في جماله الخاص ؛ النعمة معك

[elphilasouf]

تمام يا استاذ ايمن
كل كلامك صح
بس هو يعنى لازم الحب من طرف واحد يكون حب استحواز وانانى؟؟

[aymonded]

غالباً يا جميل وبخاصة لو مش يعرف الطرف الثاني عن قرب ، فبذلك يكون حب افلاطوني خيالي حالم لا علاقة له بالشخص الآخر إنما حب مع الذات وأحلام اليقظة ، وبذلك يكون خروجاً عن الحب الأصيل الواعي والمدرك الآخر بكل عيوبه وميزاته الحقيقية ، بل يكتفي بأسقاط أحاسيسة وافكاره على الآخر التي غالباً ما تكون وهم أكثر منها حقيقة ...

أقبل مني كل تقدير بمحبة ، النعمة معك

[elphilasouf]

ميرسي جدا لاهتمامك استاذ ايمن

وميرسي جدا ليكى يا مريم تانى مره
على الموضوع الحلو ده

[اللة يرعانى]

مرسى يا فليسوف لدخولك موضوعى دنا موضوعى نور واتشرفت انى استاذ دخل موضوعى ياااااااا كتير عليا كل دة

[aymonded]

النعمة معك يا احلى مريم يا من تمتعينا دائماً بموضوعاتك وأسالتك الجميلة والواقعية التي تفيد الجميع على المستوى العملي والخبرة اليومية ، اقبلي مني كل احترام وتقدير خاص ، وننتظر منك دائماً كل ما هو جديد ...

[روفــــا]

اولا موضوع جميل يا مريم ربنا يباركك
ثانيا الحب من طرف واحد دة شعور كبير اوى لما حد يحب حد ويحس ان اللى بيحبه موش بيفكر فيه بينقلب حياته علشان كان منظم حياته كلها على هذا الشخص وبعد كدة يتغير يبقى شعور قاسى عندما يشعر ان اللى بيحبه مبيحبهوش
انا اسف جدا جدا على ردى لو معجبش حد او موش مفهوم
بس انا اصلا محتاج صلواتكم اوى اوى اذكرونى فى صلوالتكم

[اللة يرعانى]

مرسى ليك يا روفا ربنا معاك

مريم موضوعك فوق الرائع لانه فعلا بيحصل كتير لكن من وجهه نظرى ان الحب د بين طرفين مينفعش الحب من طرف واحد لانه حكم على نفسه بالفشل وكمان انا مقتنعه بكلام استاذ ايمن جدا ميرسى ليه دايما بيفيدنا ونتعلم منه ربنا يعوضه وميرسى ليكى يا مريم على مواضيعك الجامده

[اللة يرعانى]

مرسى يا قمر نورتى موضوعى