[مرموره]

انا عارفة هتعبكم بس هو سؤال مهم بالنسبة ليا ضخصيا جدا

ايه الشروط الى لازم تبقى موجوده للقبول فى الرهبنه ؟
و ايه السن المناسب للرهبنه ؟
و ايه الى ممكن يمنع الرهبنه ؟

ارجو الرد
واسفه لتعبكم معايا

المصدر: †† ارثوذكس †† - من قسم: سؤال وجواب

[كيرو رافت]

من اهم شروط الرهبنه هى الاراده الكامله للانسان يعنى يكون فعلا من جواه عايز يترهبن ومتشوق انه يكون راهب
يعنى موش لاذم علشان ان الانسان ممكن يخفق فى شئ ما انه يفكر فى الرهبنه للهروب من مشكله معينه او قصه حب فاشله ،،، المهم هى ارادة القلب والفكر والعقل تكون كلها موجهه للرهبنه
الاسباب اللى بتمنع الرهبنه :
لوفيه رفض عائلى او لو كنت وحيدة لعائلتك ولا يوجد من يعولهم غيرك
لو تقدم العمر الى حد معين يعنى موش يبقى الانسان عايش حياته بالطول وبالعرض ولما زهق بدأ يفكر فى الرهبنه
بالنسبه للعمر بالظبط انا موش عارف بيقبلوا من سن ايه ممكن اسأل واقولك

[جاسيكا]

بصراحة مش عارفة قوى
بس زى ما الاستاذ رافت قال ان لازم تكون عندك ارادة

[مرموره]

ميرسى جدا جدا جدا جدا جدا جدااااااااااااااااااااااا ااااااااااااااااااااااااا ااااااااااااااااااااا
لردكوا
بس معلش ارجو ان حد يسئلى من سن كام سنه
مش عارفه اشكركوا ازاى

[كيرو رافت]

اوكى يا مرمورة انا لى قريبتى راهبه هاحاول فى اقرب وقت اسئالها اوكى

[cat girl]

افتكر من سن صغير يعنى تقريبا فوق العشرين وتحت التلاتين ده تقريبا يعنى بس اسالى حد يعرف اكتر وميرسى ليكى

[lawyer]

ردا على سوألك بالنسبة لشوط الرهبنة
الفقر و الطاعة و العفة (زي ما سمعت)
و باتسبة للسن هسأل و اقوا لك
ربنا يبارك حياتك و يكون معاك

[احفظنى فى رضاك]

اختنا الغاليه ..
بالاضافه الى كلام اخوتى عن الرغبه الحقيقيه للرهبنه وعدم اللجوء اليها للهروب من المشاكل فهى ليست رحله استجمام موقته ولكنها حياه دائمه .
نصيحتى لكى ان تزهبى الى الدير مرات عديده وتاخدى خلوات لفترات طويله فى الدير قبل ان تتخذى هذا القرار حتى ترى الحياه ما هى داخل اسوار الدير وهل ستستطيعين الاستمرار بها او لا .
اما من ناحيه السن المفروض انه لا قيود للسن من ناحية الرهبنه لان لا يوجد سن معين للخلوه مع الله ولكن تم تحديد موضوع السب بالنسبه للبنات خصوصا حيث انه بعض الفتيات التى لم يصبها الدور فى الزواج فتنجه الى الدير بالنسبه للرجال لا يشترط سن معين .
اذكرونى فى صلواتكم
اخوكم الخاطئ
كوكو

[مرموره]

أشكركوا جدا
و شكرا جدا يا كوكو
بس الحقيقه هى مش مشكلة جواز انا عندى 16 سنه معتقدش ان ليها علاقة
بس ناس كتير قلولى انها لازم تكون مخلصة درستها خالص عشان تقدر تترهبن
ارجو حد يسئلى فى الحكاية ديه
واسفه جدا انتى تعباكم معايا
صلولى

[sawsaw]

بصى يا عسل
من ناحيه الرهبنه فهى حياة توبه وانسحاق امام الله باستمرار
وحياه فقر اختيارى
وحياه اكتساب الفضائل والتداريب الروحيه لتنقيه القلب
حتى الوصول لحياه الكمال
وحياه شركه ومحبه دائمه لله
بس اهم حاجه الرهبنه دى تكون نابعه من القلب
مش هروب من مشاكل
او هروب بسبب التعقيد من الزواج
عشان فى بعض الناس بتتعقد من الجواز بسبب وجود مشاكل اسريه
لازم تكون نابعه من الداخل
تعبير عن حب لله
وقولى لاب اعترافك وهو هيساعدك وهيقولك اذا كنت تنفعى راهبه ولا لا
واذا كان على السن
ففى اديره الراهبات
مش بيقبلوا
اكبر من 24 سنه
لكن المفروض تبقى مخلصه تعليمك
مش هربانه من المزاكره للرهبنه
وربنا معاكى يا مرموره ويدبر حياتك