[Dr.PeRO]

• سؤال هاااام جداااا للجميع .. بعد اذنك قول رأيك الشخصى بدون ما تسأل حد او تدور فى كتب او عالنت ..

• يا ترى انت حاسس ان القيامة مش قريبة ومتطمن عشان انت فى انتظار احداث معينة هتحصل وبعديها ممكن القيامة تيجي ؟؟ ومعنى كده ان القيامة مرتبطة بأحداث تسبقها اولا.

• يا ترى رأيك ان الاحداث دي حصلت من زمان، ولا لسه هتحصل ولا بتحصل دلوقتى .. ؟؟
• شارك برأيك حتى وإن كانت اجابتك انك متعرفش اي اجابة على كل الاسئلة ديه والموضوع بالنسبالك مبهم ..
• رأيي هقوله فى الآخر خالص

المصدر: †† ارثوذكس †† - من قسم: مناقشات دينية وروحية

[emmmy]

مينفعشى اقول مجرد احساس حاسة بية فى موقف زى دة
سفر الرؤيا شرح واتكلم كتيررر كتيرر
وفى نفس الوقت مهما تخيلنا الكلام المكتوب مش هنقدر نوصفة
صعب جدا جدا جدا لان المسيح نفسة قالة ما لم تراة عينان وما لم تسمع بة اذنان وما لم يخطر على قلب بشر ما اعدة اللة للذين يحبونة
ومع ذلك !!!
انا فعلا حاسة ان القيامة قربت بس مش مطمنة خااالص خاااالص
وطبعا فى احداث كتير من اللى هتحصل قبل اليوم دة حصلت بالفعل
زى الزلازل والاوبئة والمجاعات والحروب وانتشار الانجيل فى العالم كلة
اعتقد ان المسيح دخل كل بيت تقريبا وتوبة بعض اليهود وايمانهم بالمسيح - وسقوط النجوم
اعتقد فاضل الارتداد العام الذى سيكون بسبب الاضطهاد العنيف على اولاد اللة واللى بسببة قال المسيح طوبى لمن يصبر الى المنتهى فهذا يخلص
وفاضل بقى ظهور ايليا واخنوخ والمسيح الدجال وعلامة ابن الانسان
فى حاجة معينة انا بتخلها بخيالى المحدود
وبحبها وبعشقها اوى
الابواق السبعة شفتها فى فيلم يوحنا الاهوتى ومش فاكرة غيرها
رائعة
بصراحة يا بيتر طلبك صعب جدا وكل اللى قلناة وهيتقال مش هيوصف حاجة خالص والمعانى اللى اتذكرت فى سفر الرؤيا شرحها الاباء وفسروها باشكال واراء كتير كتير وكلها مختلفة وكتير منها تأملات

[aymonded]

سؤال بسيط للجميع أين يوجد لفظة
المسيح الدجال ، أو حتى كلمة دجل أو دجال
في الكتاب المقدس ، ممكن الشاهد !!!

[emmmy]

سؤال بسيط للجميع أين يوجد لفظة
المسيح الدجال ، أو حتى كلمة دجل أو دجال
في الكتاب المقدس ، ممكن الشاهد !!!

دة على اساس انك اول مرة تسمع اللفظ دة ؟؟
غريب بالنسبة لك يعنى ؟؟
مش قلتلك يا بيتر ان تفسرات الاباء كانت كتير جدا وكل واحد كتب بشكل مختلف وتفسير مختلف
الدجال هو الوحش اللى اتذكر فى سفر الرؤيا اصحاح 13 يا استاذ ايمن
انا جبت رقم الاصحاح بس صعب كتابة النص بقى لانة طويل
ودة على حسب ما قريت من شروحات وتفسيرات ولقيت لية معانى كتير
المسيح الدجال هو الشيطان نفسة فى شبة الانبياء الكذبة والذين ياتوننا بثوب الحملان وهم ذئاب خاطفة
سفر الرؤيا متاهة من الصعب جدا جدا جدا فهمة لانة مش واضح ومباشر
وكل واحد هيقول كلام بحسب مفهومة وتفسيرة هو لكن قصد اللة بصورة واضحة ومبسطة ومفهومة لأ مش ممكن معتقدتش بدليل تعدد الاراء بالشكل دة وللسفر دة تحديدا دونا عن اى سفر تانى

[Dr.PeRO]

كل اللى انتى قلتيه شكراا عليه، طبعاً احنا هنا بنأخذ الآراء بدون ما نناقشها لسه عشان نتعرف اكتر على آراء كل الناس على حاجة مصيرية زى ديه .. بس للاسف ناس كتير دخلت من غير ما تقول حاجة .. كعادة المصريين .. عموماً أتمنى التفاعل فى الموضوع لأنه حساس

الدجال هو الوحش اللى اتذكر فى سفر الرؤيا اصحاح 13 يا استاذ ايمن انا جبت رقم الاصحاح بس صعب كتابة النص بقى لانة طويل

طبعاً يا ايمي ده رأيك الخاص وفئة هى اللى فسرت الوحش بأنه هو المسيح الدجال، لكن مفيش سند كتابي ولا تقليد كنيسي أقر كده .. فده يعتبر اجتهاد تفسيري وليس تفسير معتمد وتمت الموافقة عليه بالاجماع .. وطبعاً ياريت الكل يخش يقول رأيه ونسمع باقى الآراء

تنويه: يا جماعة عشان اللى مستصعب الموضوع، انا مش طالب انك تفسر السفر انا بس عاوز اعرف سؤال واحد وممكن حتى الاجابة عليه بكلمة: (يا "نعم"، يا "لا"):

يا ترى انت حاسس ان القيامة مش قريبة ومتطمن عشان انت فى انتظار احداث معينة هتحصل وبعديها ممكن القيامة تيجي ؟؟ ومعنى كده ان القيامة مرتبطة بأحداث تسبقها اولا

[aymonded]

طبعاً موضوع المسيح الدجال لا يوجد في الكتاب المقدس كله ، وليس له أي إشاره أو سند لا كتابي ولا آبائي إطلاقاً ، ولكنه مجرد اجتهاد تفسيري بعيد كل البعد عن سفر الرؤيا والقصد منه ، وأول من ذكره هو الأب يوحنا الدمشقي في القرن السابع تقريباً ، واعتبرته الكنيسة رأي شخصي جداً مع انه لم يتحدث على أن الوحش هو المسيح الدجال إطلاقاً ، فلم ولن يوجد مسيح اسمه دجال ولكن يوجد من هو ضد المسيح كما قال الرسول يوحنا :
أيها الأولاد هي الساعة الأخيرة وكما سمعتم أن ضد المسيح يأتي قد صار الآن أضداد للمسيح كثيرون ، من هنا نعلم أنها الساعة الاخيرة (1يو 2 : 18)
من هو الكذاب إلا الذي يُنكر أن يسوع هو المسيح هذا هو ضد المسيح الذي ينكر الآب والابن (1يو 2 : 22)
و كل روح لا يعترف بيسوع المسيح انه قد جاء في الجسد فليس من الله وهذا هو روح ضد المسيح الذي سمعتم أنه يأتي والآن هو في العالم (1يو 4 : 3)

يعني وجود أضداد للمسيح موجودين من أيام الرسل أنفسهم ، وهناك فعلاً شرح لسفر الرؤيا الكنيسة اتفقت عليه من أزمان كثيرة ولكن للأسف الشرح والتفسير حبيس اللغة اليونانية القديمة للآباء في القرون الأولى ولم يتم ترجمته للغة العربية إلى الآن ، لذلك ظل سفر الرؤيا حديث اجتهادي بسبب عدم معرفة أصوله اللغوية وعلم الثيمورا ، أي علم تحوير الألفاظ لمعاني أخرى لكي لا يفهمها غير المسيحي وحده فقط ، كما شرحنا سابقاً في موضوع كيفية شرح الكتاب المقدس ، وكل لفظة تحورت لتناسب معناها الخاص لكي لا يتعرف عليها غير المؤمنين ، والذي بسبب عدم المعرفة للناس لأصول الأدب الرؤيوي اليوم وعدم فهم مفتاح ألفاظة تسبب في البلبلة وعدم فهم المقصود والخروج عن كل نصوصه في شكل تأملات اجتهادية أدت لتعاليم غير منضبطة ومفايهم خاطئة ، وكلها اعتمدت على شروحات الكنائس الغير تقليدية والتي خرجت عن مضمون السفر لتقلبه لمعنى حرفي غير منضبط قط وأخرج منه الكثيرين افكار لا تتفق مع مشيئة الله ولا وحدة الكتاب المقدس ككل وقالوا أنها تأملات ...

عموماً هذا ليس بموضوعنا ولا موضوع نقاشنا الأساسي ، ولكن أحببت فقط أن أكتب لمحة صغيرة بسبب اللخبطة الحادثة في تفسير هذا السفر من خدام وكهنة كثيرين جداً غير معتمدين على الأصول في الشرح والتفسير من جهة الأدب الرؤيوي ومعرفة مفتاح ألفاظ السفر .... النعمة معكم آمين

[Dr.PeRO]

شكراا يا استاذ ايمن على مشاركتك ..

وأتمنى تفاعل الناس مع الموضوع وبلاش يقرأوا ويمشوا بالذات فى المواضيع اللى فيها مناقشة وآراء مسيحية .. بصراحة ديه حاجة تنرفز يعنى ان المواضيع اللى فيها لعب ومسابقات وأسئلة عن الحب والعواطف يبقى فيها مشاركات بالآلاف ولما نتناقش فى موضوع حساس زى ده ويخصنا كلنا يبقى مفيش غير اتنين اللى شاركوا بعد 3 ايام !!!!!!!!!!!!!!

[aymonded]

هههههههههههههههه لا تيأس يا محبوب الله الحلو
ده الطبيعي يعني مش حاجة جديدة خالص
لم يعد كثيرين يهتمون بالأقسام التعليمية
أو الموضوعات اللاهوتية أو الدراسية والتي تهم حياتهم الأبدية
عموماً قادر إلهنا القدوس أن يعطي نعمة للجميع
وانفتاح البصيرة ومعرفة شخصه الحي
النعمة تملأ قلبك سلام ومسرة دائمة
آمين فآمين

[رويس]

المشاركة الأصلية كتبت بواسطة emmmy سؤال بسيط للجميع أين يوجد لفظة المسيح الدجال ، أو حتى كلمة دجل أو دجال في الكتاب المقدس ، ممكن الشاهد !!!

لو عاوز الشاهد من الاحاديث النبوية أجيبهولك لأن مفيش في القرآن (أصله مقلهاش في الانجيل فمجاش على باله ياخدها زي الحاجات الباقية) .. اما من الانجيل فمفيش
It's your choice

[buffon italy]

أنا شخصيا كنت مقتنع بحوار المسيح الدجال ده موووووت و متخيل أنه لازم هيجى و هيفضل 3 سنين يخدم و يظهر نفسه زى المسيح بالظبط فكنت دايما مقتنع أن المجىء التانى مش هيجى قبل 3 سنين على الأقل عشان الدجال لسه ما ظهرش.
وااااااااااااااااااو بصراحه بعد ما قريت ردودك يا أستاذ أيمن أكتشفت أنى كنت عايش الوهم و مصدق أكبر كدبه فى حياتى و الحمد الله أنى دخلت الموضوع و قريت ردودك لأنى بكره الثقافه المتخلفه اللى أحنا عايشين فيها و نفسى أتحرر من كل المعتقدات و الخزعبلات و العادات و التقاليد و الأمثال الشعبيه و كل الهجص اللى دخل فى تكويننا الثقافى فشكرا أنك عملت كده.
هو التفسير اللى عليه أجماع ده فى منه ترجمه أنجليش؟لو فيه يا ريت تنزلها عشان أقراها و شكرا