[نظره رجل]

انا مش من حقك

انا مش من حقك .. أنا حقهً هو
وأن كنت خدعتك .. فمن قلبى جوه

لما أبقى معاه .. أبقى ولع بجاز
تموت ولا تعيش .. لازم أديله الاحساس

لازم يحسنى واحس بيه .. ماانا مش هاموت ولا أموتلك فيه
حبيتك فى يوم يمكن يكون .. لكن لازم فى حضنه أنسى الكون

كنت بشتقالك وبحبك بالكلام .. لكن معاه لازم الأنسجام
صعب عليك تحس بكده .. وانا مش هاكدب واقول غير كده

بروحله بخاطرى وبكل رضايا .. ماهو من حقى وهو معايا
بكون محتاجه انام على صدره .. نسيت حضنك واتعودت على حضنه

وأوعى تسألنى ؟؟ انت روحت فين .. هاقولك يا حبيبى هما كلمتين
انا انسانه ولازم اعيش .. واللى انت طالبه ماينفعش مافيش

انا محتجاله اكتر منه .. ماصدقت بقيت كل ليله فى حضنه
هو طيب وحنين عليا .. بس انت سيبك من الحكايه ديه

ماتتعبش نفسك كل ليله بيه .. مانا مش هاعيش غير دايما ليه
ما انت عارف نقطه ضعفى .. أنت او غيرك المهم راحتى

انت متعود منى على كده .. اتعب فيك معلش جت كده
عارفه ان المرادى كبيره .. لكن اعمل ايه ماباليد حيله

اوعى تقول عليا انانيه .. او كنت خاينه او كدابه
اعتبرنى كنت بتسلى شويه .. مانا كنت من غيره مابعملش حاجه

حقك عليا وماتزعلشى .. الصدمه كبيره وماتتغفرشى
حاجه مش سهله كل حاجه اديك .. ويجى فى ثانيه ياخدنى من ايديك

وانا بوعدك بكل اللى بينا .. لما ابقى لوحدى هافكر فيك
بس اعذرنى وهو معايا .. هانساك طبعا ومش هنادى عليك

يمكن احيانا فى وقت احزانى .. احن لحاجات كانت وخدانى
احن لشكلك ولا لملامحك .. لكن كل يوم هايقل عن التانى

حاول انت يا حبيبى تعيش .. لو قدامك واحده تانيه مايهمنيش
مهما تديها مش هازعل منك .. وهابقى اقولك زى ماهو حقى حقك
.................................
أمضاء واحده مابتحسش غير بنفسها

المصدر: †† ارثوذكس †† - من قسم: القسم الادبي

[كيرو رافت]

يا ربى على الكلااااااااااااااااااااا اااام ده
انا موش عارف ارد واقول ايه
الكلمات فى منتهى القوة والجمال والاسلوب رائع جدااااا
تسلم ايدك يا صاحب النظرة الرائعه فى عالم الشعر والتعبير

[ادروسيس]

أمضاء واحده مابتحسش غير بنفسها
انا معتر ضة على الكلمة دى هو اكيد سبب جرح لك
مش ممكن الكلام دة يطلع من فارغ
هو اكيد انانى ومحبش غير نفسة مش انتى
كلمات طالعة من القلب
ربنا يفرحك يبعد الحزن عن قلبك
ميرسى يارجـــــــــــــــــــــ ـــــــــــــــــــــــــ ـل

[نظره رجل]

المشاركة الأصلية كتبت بواسطة كيرو رافت يا ربى على الكلااااااااااااااااااااا اااام ده انا موش عارف ارد واقول ايه الكلمات فى منتهى القوة والجمال والاسلوب رائع جدااااا تسلم ايدك يا صاحب النظرة الرائعه فى عالم الشعر والتعبير

اشكرك يا استاذ رافت
وصدقنى ده ماكلام بيتكتب ولا تميز فى اسلوب
فى موضوع بيتكتب اتمنى انى الاقى رأيك فيه يهمنى جدا جدا
اشكرك على تعليقك ربنا يعوض محبتك

[نظره رجل]

المشاركة الأصلية كتبت بواسطة ادروسيس أمضاء واحده مابتحسش غير بنفسها انا معتر ضة على الكلمة دى هو اكيد سبب جرح لك مش ممكن الكلام دة يطلع من فارغ هو اكيد انانى ومحبش غير نفسة مش انتى كلمات طالعة من القلب ربنا يفرحك يبعد الحزن عن قلبك ميرسى يارجـــــــــــــــــــــ ـــــــــــــــــــــــــ ـل

انا كمان معترض معاكى على الكلمه دى (امضاء واحده مابتحسش غير بنفسها )
الجمله غير لاقه ادبيا ولا معنويا عيب كمان انها تتقال على واحده مهما كانت .. اكيد جمله مجرد جمله زى دى هاتجرح

انا بشكرك على تعليقك ومرورك
وانشاء الله الاقى تعليقك فى الموضوع القادم
هو فى موضوع المفروض ينزل يبقى انتظر رايك فى الموضوع مابعد القادم لانه الاهم
اشكرك وربنا يعضو محبتك

[ادروسيس]

المشاركة الأصلية كتبت بواسطة نظره رجل انا كمان معترض معاكى على الكلمه دى (امضاء واحده مابتحسش غير بنفسها ) الجمله غير لاقه ادبيا ولا معنويا عيب كمان انها تتقال على واحده مهما كانت .. اكيد جمله مجرد جمله زى دى هاتجرح انا بشكرك على تعليقك ومرورك وانشاء الله الاقى تعليقك فى الموضوع القادم هو فى موضوع المفروض ينزل يبقى انتظر رايك فى الموضوع مابعد القادم لانه الاهم اشكرك وربنا يعضو محبتك

انا باعتذر بامانة ولسة داخلة علشان اعدل من ردى
واحذف كلمة معترضة بس انت سبقتنى
بس ال انا عايزة افهم مين ال غلطان انت ولا اية مين ال باع
انت ولا اية طبعا انا بتكلم على اشخاص القصة
مش شخصك طبعا
سامحنى لو سمحت وباعتذر من كل قلبى على ردى
انا لى اشرف انى اردعلى مواضيعك ال كلها جمال وحيوية

[عماد حسنى]

واضح ان بطل القصيده حب اوى وعلى اد ما حب على اد ما انكسر وانخدع
كلمات مؤلمه طبعا تخرج من حبيبه لحبيبها
شكرا جدا لكلماتك المعبره
وفى انتظار المزيد

[نظره رجل]

المشاركة الأصلية كتبت بواسطة ادروسيس انا باعتذر بامانة ولسة داخلة علشان اعدل من ردى واحذف كلمة معترضة بس انت سبقتنى بس ال انا عايزة افهم مين ال غلطان انت ولا اية مين ال باع انت ولا اية طبعا انا بتكلم على اشخاص القصة مش شخصك طبعا سامحنى لو سمحت وباعتذر من كل قلبى على ردى انا لى اشرف انى اردعلى مواضيعك ال كلها جمال وحيوية

العفو لا اعتذار ولا اى حاجه
وطبعا القصيده بتقول او شخصيات القصيده بتحكى عن بنت بتكلم حبيبها او اللى كان حبيبها وبتقوله انها مش من حقه وباقى الكلمات بتكمل الحوار .... بس كده
وشاكر لحضرتك جدا جدا
وانا فاهم حضرتك تقصدى اشخاص القصه اكيد
اشكرك ويشرفنى بالاكتر تعليقاتك على ما اكتبه

[مريم2009]

[نظره رجل]

المشاركة الأصلية كتبت بواسطة مريم2009

اشكرك يا مريم
ربنا يسوع يحفظ ويرعاكى
اشكرك لتعليقك الطيب