[Jesuslittlegirl]

لانك ان سكتّ سكوتا في هذا الوقت يكون الفرج والنجاة لليهود من مكان آخر واما انت وبيت ابيك فتبيدون.ومن يعلم ان كنت لوقت مثل هذا وصلت الى الملك. (استير 4 : 14)

الرب عايز خطوات الايمان عايز أننا نتخيل أن الله يستطيع أن يفعل ما لا يخطر على البال، هي دي عقدتنا، مشكلتنا لما بنتزنق بنصلي وبنثق إن الرب هيخلص وده جميل قوي ده كده كويس قوي لكننا بنرجع نقول طب هيخلصني ازاي؟ ونفكر ممكن يخلصني كده أو كده أو كده، قدامه حل من الثلاثة ممكن يخلصني بثلاث حلول، نناقش الحل الأول متقفلة بالضبة والمفتاح، طب الحل الثاني مقفولة تماما، نناقش الثالث مفيهاش خرم ابره يبقى كده خلاص ملهاش حل أنا كنت واثق ان الرب يقدر بس كده مش هيخلص لأن الحلول اللي أنا فكرت فيها متنفعش، وأنت مش واخد بالك إن في حال رابع وخامس وسادس . . .
مبيوقفش على حل واحد مبيقفش على باب واحد لو اتقفل 100 باب عنده الباب 101 هو دايما بيجيب باب أخر. عند السيد الرب للموت مخارج مش مخرج، وعنده لمشكلتك مش حل لكن حلول كتيرة.

يارب . . .
سامحني أنا مصدق إنك تستطيع كل شئ لكن مخي شغال وبافكر في الحلول المتاحة لكن أنت دايما بتبهرني بحلول وأبواب ومخارج لا على البال والخاطر . أشكرك يارب

المصدر: †† ارثوذكس †† - من قسم: التأملات الروحية والخواطر الفكرية

[nana222]

شكرا للموضوع الجميل

[نبيل نصيف جرجس]

تامل رائع عن جد
مرسى اوى ليكى يا تاسونى