[بنت الراعي]

سين و جيم مع نفسى و اللى بيسال انا و اللى بيجاوب برده انا
سين و جيم و بكل صراحة و وضوح مع نفسى هنا
فى عرش نعمتك و بنور كلمتك بأسال انا
و اجاوب بكل صراحة على اللى مخزون جوايا هنا..........
فى قلب مليان باسئلة مش كل اجابتها عندى انا
يلا يانفسى ابتدى و اسألى يمكن نوصل لإ جابة انت و انا

س1- أنت مين؟؟

انا حد باضحك و بابكى. باتكلم و باسكت. بازعل و بافرح. باغلط و باتعلم. باتضايق و بنجرح وساعات باضايق و بجرح. بافتكر و بانسى و بفكر وساعات مابفكرش.باختار و ساعات مابختارش. بقبل و بارفض. بقاوم و بتقاوم .. بتألم و بسلم و بستسلم. بنجح و بفشل.
انا حد بحب و ما بحبش بتحب و ما بتحبش. بخاف و بطمن. بدور و بالاقى و ساعات ادور و مالاقيش. باهتم و مابهتمش. باتنكر و باتخفى و بظهر بحقيقتى. بصاحب و باتصاحب... و بقابل و بودع و انا دلوقتى عايش و فى اى وقت هاودع.... يبقى انا كل ده فى حد واحد.. انا كل دول بس انا واحد... يعنى انا .. انســـــــــان

س2- محتاج لإيه؟؟؟؟

محتاج لحب محتاج لحنان . محتاج حد يقبلنى بكل اللى هيكون و كل اللى كان لانى ....انسان
محتاج حد يحبنى من غير شروط و قوانين محتاج قلب يضمنى و ينسينى الانين. محتاج احس بالامان و العطف . محتاج اودع الاحزان و اعدى الصعب. محتاج حد يملا القلب بس... مش فلان او علان لانهم فى الاول و فى الاخر حد زيى 000 انسان
انا محتاج حد مختلف عنى. حد يكون اقوى منى علشان من ضعفى يرفعنى و
اقدر منى علشان من الصعب يطلعنى و كمان يكون بيحبنى من غير حدود من غير شروط علشان فى كل وقت يقبلنى.. و لازم و اكيد يكون قدوس بلا خطية علشان من خطيتى و قيودى يحررنى ..
يبقى انا محتاج لاله 00 ايوة محتاج لاله يقدر يعمل كل ده لى و فى و بى. بس المشكلة انى كمان محتاج انسان يقدر يحس بالامى البشرية.. يكون مر بكل اللى انا مريت بيه.. يعرف يقدر يعنى ايه الام انسانية لكن.. ازاى انسان بلا خطية بلا موت بلا طبيعة ساقطة بشرية


س3- طب ايه الحل؟؟؟؟؟

الحل... الحل كان فى ملء الزمان لما اتولد من القديسة العذراء مريم يسوع الانسان المولود بلا خطية ماهو الاله هو ابن الله و رضى ينزل لارضنا كانسان علشان بيحب الانسان.. علشان يجول يصنع خير للانسان.. و يشفى الانسان و يهزم ليه الشيطان و الشر و الاحزان.... و اتألم زينا و اتألم قبلنا.. بيحبنا.. و عاش حياتنا و داق انسانيتنا.. بيحبنا.. لكنه كان الوحيد اللى ما عرفش خطيتنا.. القدوس ابن الله .. بيحبنا.
و جه الوقت الرهيب وقت الصليب و صار البار جانى و صارالقدوس خطية لاجلنا و حمل عقابى و نجانى و ادانى الحرية و لما فى قلبى قبلته ملانى بالحياة.... ادانى الحياة.
يبقى انا عرفت اجابات الاسئلة
انا حد غالى قوى على قلب ربنا انا ابنه اسمى منقوش على كفه
واللى انا محتاجه انى اعيش حياتى لشخصه و يعيش شخصه فى حياتى
و الحل كان من قبل الازمان فى صليب يسوع ابن الانسان

م
ن
ق
و
ل

المصدر: †† ارثوذكس †† - من قسم: مناقشات دينية وروحية

[نبيل نصيف جرجس]

الله بجد يا بنت الراعى موضوع يجنن ربنا يباركك ويزيدك نعمة يا رب حلو اوى بجد الموضوع دا ربنا يبارك حياتك

[الناى الحزين]

انا حد غالى قوى على قلب ربنا انا ابنه اسمى منقوش على كفه

روووووووووووووووووعه يا بنت الراعى
بجد موضوع معزى جدا وكلام جميل جدا جدا

ربنا يفرح قلبك واشكرك على الموضوع الجميل

[نايف ميدع]

الحرية و لما فى قلبى قبلته ملانى بالحياة.... ادانى الحياة.
والعمر الطويل لكي مع أسئله وأجوبه جديده

[جاسيكا]

انا محتاج حد مختلف عنى. حد يكون اقوى منى علشان من ضعفى يرفعنى و
اقدر منى علشان من الصعب يطلعنى و كمان يكون بيحبنى من غير حدود من غير شروط علشان فى كل وقت يقبلنى.. و لازم و اكيد يكون قدوس بلا خطية علشان من خطيتى و قيودى يحررنى ..
يبقى انا محتاج لاله 00

ميرسى كتير كتير مريم

[كيرو رافت]

محتاج لحب محتاج لحنان . محتاج حد يقبلنى بكل اللى هيكون و كل اللى كان لانى ....انسان
محتاج حد يحبنى من غير شروط و قوانين محتاج قلب يضمنى و ينسينى الانين. محتاج احس بالامان و العطف . محتاج اودع الاحزان و اعدى الصعب. محتاج حد يملا القلب بس... مش فلان او علان لانهم فى الاول و فى الاخر حد زيى 000 انسان
انا محتاج حد مختلف عنى. حد يكون اقوى منى علشان من ضعفى يرفعنى و
بجد بجد انا موش عارف انتى جيبتى الموضوع الرائع ده منين
الله على التسلسل الجميل بدايه من معرفتنا لانفسنا
مرورا باحتياجنا لاله قوى
الى ان جاء متجسدا ولبي النداء
الله بجد على الفكرة عجبتنى قوى قوى بجد
افكارك وموضوعاتك رائعه حتى وان كانت منقوله
جهدك فيها جبار وبتنتقى المواضيع
بجمال واقتدار
ربى الهى البار يحفظك من الوقوع فى يد الاشرار
ويحفظك
فهو الساهر عليكى ليل ونهار
ميرسى جدا جدا يا اغلى واطيب ايمى فى الدنيا

[بنت الراعي]

انا بجد مش عارفه اشكركم ازاي يااجمل اخوات
ميرسي كتير علي المرور وعلي الردود
ربنا يعوضكم ويفرح قلوبكم

[كراكيب]

الله الله الله عليكي يابنت الراعي ايه الجمال ده جميل قوي الاسلوب والاجمل هو التسلسل في سرد الموضوع عاوزين من ده كتير انا تخيلت نفسي برد علي الاسئلة دي لقيت اني مش معقول هرد برد احلي واعمق من ردودك دي
هو ربنا معانا وجنبنا بس المشكلة ان احنا اللي بنسيبه

[roma29]

ممكن استأذن بنت الراعى انى اعرضه ف اجتماع الشباب

[يحنا1975]

ياااااااااه بجد ابدعتي شكرا" جزيلا" موضوع جميل و اعتقد انه له تتمه اتميه !