[ميلاد صدقى]

هذا الزجل بالغة الصيعدية العامية

لساك فاكر

لساك جاعد بتتحددت مع روحك ونفسك بتحاول تخرج من يأسك
وتجول اللى بيحصل مش معجول ومستنى الوجع ايزول
ياك مخبول انت جوم واسكت وخليك شاكر ...لساك فاكر

لساك مستنى الشر يبعد عنك وعنى لساك عاوز تسمع اعتذار
عن هذا العطل الفنى لساك بتفرد فى صوابعك وتنى لساك بتفرد
فى يدك اقفل خشمك واكتم صوتك وخليك صابر ...لساك فاكر

لساك حاسب اللى فات ايعود ويجى وقت جميل دلوق وتنضر بعنيك
اوجات المحبة اللى جلت وبجت حبة وبكرة تختفى وتموت وجبر
يلمها والدود يشمها لية جاعد اتحرر وغادر ...لساك فاكر

لساك عاوز تنجح او ياخوى تفلح وانت محاط بجانون مطاط وخشمة
غلاط اياك بتفكر تخرج من الخلاط انت اهبل ولا عبيط ولا حويط
صدج ان البحر غويط لية تتعب وتذاكر ...لساك فاكر

لساك فاهم اياك ولا واهم ان هناك حرس داهم وجروحك مش علاجها
مراهم وتشتم ريحة تباطئ وتواطئ وضهرك محنى ومجدرش تجف
ودواك عدل ورحمة ومش دراهم خيط بجك العاثر ...لساك فاكر

لساك ناوى تعمل حاوى وتصرخ وتنادم على خلج طرشة والنفس بجت
قرشة ومش عدبها الحاصل وتعبت يابوى واصل من الطناش والخرس
اللواش .ونتجابل بعد الفاصل اوعاك تسافر ...لساك فاكر

بقلمى ...ميلاد ...5/12/2010

منتظر مشاركتكم وصلوا من اجلى

المصدر: †† ارثوذكس †† - من قسم: القسم الادبي

[aymonded]

أشكرك حقيقي على تعبك الحلو ولو اني بليد جداً في الصعيدي
فمش فهمت كلام كتير ، وطالب تفسير ، معلشي بقى انا مش شاطر خالص في الصعيدي، مع أني أساساً صعيدي
بس عموما الموضوع بمجمله رائع والمعنى وصل رغم أن هناك بعض الكلمات التي لم أفهمها يا صديقي الحلو والرائع
أقبل مني كل حب وتقدير لشخصك الرائع والمحبوب في ربنا يسوع
النعمة تغمر قلبك سلام وحرية

[marmargogo]

انا فى بعض الكلمات مش فاهمها ياريت توضحلنا اكتر الكلام وشكرا كتير ربنا يعوض تعب محبتك

[اشرف وليم]

مجهود رائع
الرب يبارك حياتك

[عماد نابليون]

غلاط اياك بتفكر تخرج من الخلاط انت اهبل ولا عبيط ولا حويط
صدج ان البحر غويط لية تتعب وتذاكر ...لساك فاكر

لساك فاهم اياك ولا واهم ان هناك حرس داهم وجروحك مش علاجها
مراهم وتشتم ريحة تباطئ وتواطئ وضهرك محنى ومجدرش تجف
فكرة جديدة وجميلة
تسلم يا غالى
بس ياريت بعض التوضيح انا اسف لبعض الكلامات

مقجول
على خلج طرشة
اللواش

بسسسسسسسس عشرة على عشرة فى الفكرة
يافنان
واكيد العيب فيا عشان ضعيف فى اللغة الاصيلة (الصعيدى)

[عماد حسنى]

الفكره حلوه
والكلمات بتقول حاجات فى منتهى الصراحه والاهميه
بس واضح ان فى بعض الكلمات محتاجه توضيح
فياريت تدخل يا ميلاد تكتبها تانى بالعاميه هتبان اكتر الكلمات اللى مش واضحه وبرده تخلى نفس القصيده بنفس لهجتها واسلوبها .. الاتنين هايبينوا بعض اكتر

شكرا لموضوعاتك وافكارك المتميزه دايما
ربنا معاك ويفرح قلبك وحياتك

[ميلاد صدقى]

اقدم شكرى وامتنانى للجميع بصفة عامة
وبصفة خاصة اللذين تواجدوا فى الكلمات
انا متقبل نقدكم الذى يعنى ان بعض الكلمات غير مهفومة
انها بالغة الصعيدى اصل اللغات ....ولكن كما طلب منى مشرف القسم
سوف اقوم بكتابتها مرة اخرة بالغة العامية علا وعسى يصل المعنى الذى اقصدة
وشكرا لكل من دخل هنا ....تقبلوا تحياتى ودمتم بود كل الايام

[aymonded]

ربنا يخليك يا جميل وبأمانة الفكرة جديدة ورائعة صدقني وجميلة للغاية
بس تقول ايه بجى عايزين كورس في اللغة معلهشي
النعمة تغمر قلبك سلام وفرح دائم يا أروع أخ حلو
أقبل مني كل حب وتقدير ؛ النعمة معك كل حين