تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



الطقس الكنسي الارثوذكسي شروحات لطقس الكنيسة

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


طقسيات لاطفال ابتدائي جـ 1

ازايكم يااحلي اعضاء وخدام في منتدي افا ارثوذكس يارب كلكم تكونوا تمام وفي احلي صحة انا انهاردة بنعمة ربنا بناء علي طلب بعض الاعضاء هبدا في كتابة طقس كنيستنا القبطية

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية كراكيب
كراكيب
ارثوذكسي بارع
كراكيب غير متواجد حالياً
 
رقم العضوية : 14367
تاريخ التسجيل : Jan 2008
مكان الإقامة : في بيتنا
عدد المشاركات : 1,663
عدد النقاط : 12
قوة التقييم : كراكيب is on a distinguished road
RG6 طقسيات لاطفال ابتدائي جـ 1

كُتب : [ 10-09-2009 - 03:24 AM ]


ازايكم يااحلي اعضاء وخدام في منتدي افا ارثوذكس يارب كلكم تكونوا تمام وفي احلي صحة
انا انهاردة بنعمة ربنا بناء علي طلب بعض الاعضاء هبدا في كتابة طقس كنيستنا القبطية الارثوذكسية اللي بيتهمني البعض اني مش منتمي ليها لكن بشكل هيكون مبسط بحيث يناسب سن اطفال ابتدائي وطبعا انا مش هقدر اكتب لمرحلة اولي وتانية شيء ولباقي المراحل شيء عشان كدة انا هكتب بصفة عامة وياريت الخادم بقي هو اللي يراعي سن المخدوم وماهي الاشياء التي تصلح له
انا هبدا بقي من الاول لاني هبدا بالكنيسة وشكلها ومحتوياتها وهكذا لكن لازم في اي فقرة نديها لولادنا يكون في مقدمة او تعريف انا هبدا بالتعريف وبعدين هخش علي حتة صغيرة وهي اشكال الكنيسة وياريت اي استفسار او تعليق او تقصير في الشرح من ناحيتي تكتبوه عشان كلنا نستفاد
بسم الاب والابن والروح القدس اله واحد امين ازايكم ياولاد عاملين ايه انا انهاردة ياولاد عاوز اتكلم معاكم شوية عن موضوع ..... لا بصوا انا هخليكم انتوا اللي تقولولي انا هكلمكم عن ايه في الاول انا عاوز اسالكم تفتكروا ليه ياولاد انتوا كلكم قاعدين جنب بعض ومش متفرقين كل شوية في مكان ( الاجابة المتوقعة سيكون من ضمنها عشان نكون قاعدين بنظام ) طيب تفتكروا ياولاد لو انتوا قاعدين كل واحد في حتة انا هعرف اديكم الدرس لا طبعا ياانكل ( او ميس او استاذ او طاسوني مشوها انكل ) طب ولو انا مدتكمش الدرس وانتوا مفهمتوش يبقي انا هكون كدة انسان ناجح وكويس ولا انسان فاشل طبعا انتوا عاوزين تقولولي فاشل بس انتوا مكسوفين طيب لو انتوا بقي قاعدين كويسين يبقي انا هبقي اكون انسان ناجح وانتوا كمان هتستفادوا وايه السبب في كدة السبب في كدة هو انكم قاعدين بنظام وترتيب وده الموضوع الي عاوز اكلمكم فيه انهاردة هو ايه النظام ياانكل بالظبط ياولاد والنظام ده في كنيستنا له اسم تاني يوناني اسمه طاكسيس وبالعربي طقس ومعناه زي ماقلنا نظام او ترتيب طب تفتكروا نظام ايه؟؟؟؟؟؟ اي نظام في الكنيسة ياولاد نقدر نقول عليه طقس زي مثلا النظام في الصلاة او نظام القداس او نظام القعدة جوة الكنيسة او النظام اللي بتتبني عليه الكنيسة كل ده ياولاد اسمه نظام او طقس طيب لو عاوزين نتكلم عن طقس الكنيسة يبقي لازم في الاول نتكلم عن الكنيسة نفسها ولما نيجي نتكلم عن الكنيسة يبقي لازم نتكلم عن الكنيسة من برة وبعد كدة هنخش جواها حد فيكم يسالني ويقولي هو الكنيسة ليها نظام كمان من برة اقوله اه لان الكنيسة مينفعش تتبني كدة وخلاص زيها زي البيوت لا لازم يكون لها شكل معين طيب حد ياولد يقدر قوللي احنا كنيستنا علي شكل ايه _( طبعا ده بالنسبة للخدام اللي عندهم كنايس مش جمعيات ) هه محدش عارف انا هقولكم بقي بس خدوا بالكم معايا عشان هسال في الاخر واكتر حد هيبقي مركز الانكل هيديله صفة بصوا ياولاد ( مهم جدا هنا يكون في وسائل ايضاح رسم او ماكيتات حسب الامكانيات او حتي صور ) الكنيسة ليها تلت اشكال كم شكل علوا صوتكم شوية تلت اشكال اول شكل معانا ياولاد زي مااحنا ماشيفين هو شكل...... تفتكروا ده شكل ايه برافو عليكم شكل السفينة طب حد شاطر كدة وبيفكر يقوللي ليه سفينة؟؟؟؟؟؟هه كلكم هتجاوبوا ( ابداوا تخلوا عقل الاولاد يشتغل حتي ولو غلط وخدوا اجابات من كل العيال ) طيب جدعان ياولاد انا هقولكم بقي علي الاجابة كاملة وكلكم ركزوا معايا دلوقتي لو انتوا ياولاد ماشيين في وسط البحر وفجاة رحتوا نطيتوا من السفينة اللي انتوا راكبينها هيحصلكم ايه هتقعوا في المية وهتموتوا طب والناس اللي مرميتش نفسها هيحصلها ايه هتفضل عايشة صح؟؟؟؟؟؟؟؟
طيب انسوا بقي السفينة خاااااااااالص وقولولي لو واحد علي طول بيجي الكنيسة ومات تفتكروا هيروح السما ولا حتة تانية طيب لو مبيجيش الكنيسة خالص وسابها ومات هيحصله ايه هيروح حتة تانية طيب ايه علاقة بقي السفينة بالكنيسة انا هقولكم بصوا ياولاد السفينة دي عاملة زي الكنيسة لانها هي اللي بتحمي الركاب من الغرق والموت زي مالكنيسة مابتحمي اولادها من الموت الابدي وعدم دخول السما طيب حد يفكرني بسرعة كدة بناس غرقوا عشان كانوا برة السفينة وناس تانية مغرقوش عشان فضلوا جوة السفينة هه اللي عارف يرفع ايده وهياخد صفتين برافو عليك يا .... صح سفينة نوح او فلك نوح وطبعا كلكم عارفين القصة دي يبقي اول شكل بتتبني عليه الكنيسة هو ايه؟؟؟؟؟؟؟؟؟
طيب تاني شكل بقي ياولاد بتتبني عليه الكنيسة هو ( اعرض الشكل او الرسم ) تفتكروا دي ايه صح دايرة طيب انا عاوز واحد او واحدة شاطرة منكم تقوم تقوللي فين بداية الدايرة دي ايه محدش عارف طب فين نهايتها برده محدش عارف زي مااحنا شايفين ياولاد الدايرة دي ملهاش ولابداية ولانهاية طيب تفتكروا السما ليها بداية لا ياانكل طب ليها نهاية برده لا ياانكل شطار ياولاد واحنا ياولاد بنقول علي الكنيسة انها زي السما عشان كدة ساعات بنعملها علي شكل دايرة يبقي تاني شكل ايه هو ؟؟؟؟؟؟؟؟؟؟
تالت شكل بقي ياولاد واخر شكل هو شكل ايه ( لا تعرضوا الشكل الان لكي تلفتوا نظر الاطفال اكثر ) كله يرفع ايده اليمين ايدك اليمين ايوة هه ايه اللي مرسوم علي ايديكم ده صح الصليب وده ياولاد تالت شكل للكنيسة وهو شكل الصليب لان احنا ياولاد اكتر حاجة بتميزنا هي ايه الصليب صح عشان كدة احنا داقينه علي ايدينا وبنحطه فوق الكنيسة بس ياولاد الشكل ده لانه صعب يتعمل لانه صعب فاحنا معندناش منه لكن اكتر شكل موجود في مصر هو شكل السفينة هه حد بقي يقوللي الاشكال التلاتة
طيب نسال شوية اسئلة ( ياريت خادم غيرك هو اللي يسال ويدي الهدايا وتكون معرف الاولاد قبليها لانهم هيعمل حسابه انه بيراقب تحركاتهم وهيقعدوا كويسين )

بعد انتهاء الاسئلة عرفهم بموضوع المرة الجاية وهو الكنيسة ليها كام باب وكام قبة وليه وياريت تخليهم يسالوا في الموضوع ده وناقشهم لما يجوا المرة الجاية
قوموا نصلي استنوا الحلقة القادمة يوم الخميس القادم



رد مع إقتباس
Sponsored Links
بياناتي
 رقم المشاركة : ( 2 )
magdy totti
ارثوذكسي فضى
رقم العضوية : 46462
تاريخ التسجيل : Jan 2009
مكان الإقامة :
عدد المشاركات : 3,840
عدد النقاط : 24

magdy totti غير متواجد حالياً

افتراضي رد: طقسيات لاطفال ابتدائي جـ 1

كُتب : [ 10-11-2009 - 02:25 PM ]


الله يااكراااكيب شرح جميل جدااا وموضوع رااائع فعلناااا
واتعلمت منه كتير جدااا
والوااحد دااايما بيتعلم منك
وفى انتظاار باااقى السلسه
ربناا يعوض تعب محبيتك ويجعللك سبب ربكة لااااخرين


رد مع إقتباس
بياناتي
 رقم المشاركة : ( 3 )
وردة حزينة
ارثوذكسي ذهبي
رقم العضوية : 8670
تاريخ التسجيل : Dec 2007
مكان الإقامة :
عدد المشاركات : 10,782
عدد النقاط : 28

وردة حزينة غير متواجد حالياً

افتراضي رد: طقسيات لاطفال ابتدائي جـ 1

كُتب : [ 10-15-2009 - 09:48 PM ]


ميرسى خالص على الشرح الجميل والمبسط اوى ده
شكرا خالص لتعبك ياكراكيب

رد مع إقتباس
بياناتي
 رقم المشاركة : ( 4 )
كراكيب
ارثوذكسي بارع
رقم العضوية : 14367
تاريخ التسجيل : Jan 2008
مكان الإقامة : في بيتنا
عدد المشاركات : 1,663
عدد النقاط : 12

كراكيب غير متواجد حالياً

افتراضي رد: طقسيات لاطفال ابتدائي جـ 1

كُتب : [ 10-18-2009 - 01:07 PM ]


  • انا مكنتش ناوي ارفع الجزء التاني عشان مكنشي فر ردود بس طبعا يكفيني توتي والوردة اللي مش حزينة باذن الرب
  • شكرا لردودكم الجميلة

رد مع إقتباس
بياناتي
 رقم المشاركة : ( 5 )
مجدى جوجو
ارثوذكسي بداء يشتغل
رقم العضوية : 53617
تاريخ التسجيل : Mar 2009
مكان الإقامة :
عدد المشاركات : 31
عدد النقاط : 10

مجدى جوجو غير متواجد حالياً

افتراضي رد: طقسيات لاطفال ابتدائي جـ 1

كُتب : [ 11-14-2009 - 10:42 PM ]


ربنا يعوض تعب خدمتك للخدام ياخادم الخادم الامين ومستنى باقى الاجزاء


رد مع إقتباس
بياناتي
 رقم المشاركة : ( 6 )
فيرو2
ارثوذكسي جديد
رقم العضوية : 57692
تاريخ التسجيل : Apr 2009
مكان الإقامة :
عدد المشاركات : 4
عدد النقاط : 10

فيرو2 غير متواجد حالياً

افتراضي رد: طقسيات لاطفال ابتدائي جـ 1

كُتب : [ 11-27-2009 - 01:31 AM ]


سلام ونعمة بجدانتى ممتازة الموضوع جميل جدا ربنا يعوضك


رد مع إقتباس
بياناتي
 رقم المشاركة : ( 7 )
كراكيب
ارثوذكسي بارع
رقم العضوية : 14367
تاريخ التسجيل : Jan 2008
مكان الإقامة : في بيتنا
عدد المشاركات : 1,663
عدد النقاط : 12

كراكيب غير متواجد حالياً

افتراضي رد: طقسيات لاطفال ابتدائي جـ 1

كُتب : [ 11-27-2009 - 02:53 AM ]


  • شكرا لفيرو ومجدي انتوا بتشجعوني اكتب باقي المواضيع باذن ربنا مكسلشي واحضر المنهج الباقي كله
  • صلولي

رد مع إقتباس
بياناتي
 رقم المشاركة : ( 8 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: طقسيات لاطفال ابتدائي جـ 1

كُتب : [ 12-01-2009 - 08:03 PM ]


بجد رائع جدا شرح مبسط وجذاب وحلو اوى
برافوا يا ميلاد مستنين باقى السلسلة المهمة دى
ربنا يعوضك ويثمر خدمتك


رد مع إقتباس
بياناتي
 رقم المشاركة : ( 9 )
كراكيب
ارثوذكسي بارع
رقم العضوية : 14367
تاريخ التسجيل : Jan 2008
مكان الإقامة : في بيتنا
عدد المشاركات : 1,663
عدد النقاط : 12

كراكيب غير متواجد حالياً

افتراضي رد: طقسيات لاطفال ابتدائي جـ 1

كُتب : [ 12-02-2009 - 12:01 AM ]


  • شكرا لتشجيع ياايمي وانشاء الله باقي السلسلة تنزل

رد مع إقتباس
بياناتي
 رقم المشاركة : ( 10 )
بارى
ارثوذكسي متقدم
رقم العضوية : 109066
تاريخ التسجيل : Jun 2010
مكان الإقامة :
عدد المشاركات : 375
عدد النقاط : 10

بارى غير متواجد حالياً

افتراضي رد: طقسيات لاطفال ابتدائي جـ 1

كُتب : [ 09-15-2010 - 12:58 AM ]


شرح جميل شكرا لتعب محبتك ونرجو المزيد


رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
طقسيات لاطفال ابتدائي جـ 2 كراكيب الطقس الكنسي الارثوذكسي 7 09-15-2010 12:59 AM
مهم لخدام ابتدائي وردة حزينة قسم مدارس الاحد خدمة ابتدائى 12 01-06-2010 07:16 PM
حلقة من برنامج طقسيات بعنوان ( إكليل الزواج ) Coptic Adel برامج وفديوهات CTV و AGHAPY و مارمرقس MEsat الخاصة 2 11-17-2009 07:05 AM
حلقة من برنامج طقسيات بعنوان ( الموسيقي القبطية ) Coptic Adel برامج وفديوهات CTV و AGHAPY و مارمرقس MEsat الخاصة 10 10-23-2009 01:57 AM
حلقة من برنامج طقسيات بعنوان ( الموسيقي القبطية ) DvdRip بمساحة 50 ميجا Rss مواضيع منقولة من مواقع اخرى بخدمة Rss 0 09-16-2009 05:20 AM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 11:25 PM.