[كراكيب]

ازايكم كلكم
دي ياجماعة دعوة ورجاء بطلبه من كل الأعضاء وكل القراء إحنا يمكن معظمنا خدام والبعض الآخر ظروفه لاتسمح لكن تقريبا وبلا استثناء علي قدر كبير من المعرفة والحكمة ولذا فأنا برجوكم جميعا ياريت ياجماعة بندأ نوعي الناس الغلبانة ونفهمهم علي قدر استطاعتنا وعلي قدر فهمهم يعني ايه سياسة ويعني ايه انتخابات لازن نعرفهم ان اكيد من ضمن الناس اللي هيرشحوا نفسهم هيبقي فيه الكويس والوحش والوحش ده اكيد هيحاول يشتري الأصوات بالفلوس والناس الغلابة دول مش فاهمين قوي يعني ممكن يقولولهم ده راجل كويس وبيوزع كمان لحمة و و و لازم نعرفهم ان اللي بيعمل كدة قبل الانتخابات يبقي اكيد هيسرقنا بعد مايمسك الحكم اذا كان رئيس او عضو مجلس شعب لازم نوعيهم ولازم احنا برده نبقي مدققين ف اختياراتنا ونتناقش ونبحث ونقرا كل شيء يخص المرشح قبل ان نعطيه صوتنا قداسة البابا اكد اننا لازم ننتخب واحنا فعلا لازم ننتخب لان صوتنا مهم جدا ولو صوتنا مش هيكسب شخص معين فهو ممكن يسقط شخص معين واكيد كلامي مفهوم
ياريت محدش يكسل
ياريت الكل يوعي
ياريتنا كلنا نبقي ايجابيين
ربنا يحفظ مصر والكنيسة والعالم كله

المصدر: †† ارثوذكس †† - من قسم: المنتدى العام

[magdy totti]

يارب يا ميلاد
وده مطلوب دولقتى فعلنا عايز نوعى الناس ونوعى انفسنا ونفهم اكتر فى السياسة
ونشوف مين اللى ها يقدر يخدمنا ويساعدنا واحنا كمان نساعده علشان خاطر بلدنا
ومستقبلنا
دهى خطوة فعلنا الكل يبتدى يفكر وينفذها حتى ع الاقل نتابع ونفهم اللى مطلوب مننا
وعايزين تناقش فى نوع التوعية وكيفيه توعية الاخرين
ممكن نعمل اية الفترة الجاية ده اللى محتاجين نفكر فيه
كفاية لعب وكسل

[كراكيب]

• اشكرك يامجدي واللي المفروض نعمله اننا زي ماقال استاذ ابراهيم عيسي رئيس تحرير جريدة الدستور الاصلي في برنامج مصر النهاردة المفروض منصدقش اي حد حتي ولو كان قداسة البابا طبعا انا مقدش البابا لشخصه لكن مااقصده ان احنا نبطل شغل سمعا وطاعة وياريت نشغل عقلنا شوية ونبدا نتابع الاخبار لان في ناس قالت لي انها مبقتش تتابع الاخبار غير ساعة الاحداث الاخيرة بس وده طبعا غلط وطبعا ياريت ياريت قسم الاخبار اللي عندنا في ارثوذكس يغطي المواضيع دي ويجيبلنا اهم الاحداث ويبعتها للاعضاء ويعمل انتعاشة ويحسسنا بوجوده ولازم نتناقش في كل شيء والفاهم يفهم اللي مش فاهم وربنا يدبر

[twaty]

واحنا فعلا لازم ننتخب لان صوتنا مهم جدا


موضوع مهم ولازم كلنا يكون لينا دور وصوت علشان نختار الافضل
علشان نقدر نعيش لازم نكون ايجابيين
وميرسى على الموضوع

[كراكيب]

• شكرا ياتويتي

[emmmy]

صح -- تمام
ياااريت - ياااريت نبقى ايجابين بقى
موضوع جميل ومهم وجة فى وقتة يا ميلاد
اؤيد صوتك وكلامك ربنا يقدم اللى فيى الخير لمصر

[طالبة المغفرة]

ش والوحش ده اكيد هيحاول يشتري الأصوات بالفلوس والناس الغلابة دول مش فاهمين قوي يعني ممكن يقولولهم ده راجل كويس وبيوزع كمان لحمة و و و لازم نعرفهم ان اللي بيعمل كدة قبل الانتخابات يبقي اكيد هيسرقنا بعد مايمسك الحكم اذا كان رئيس او عضو مجلس شعب


طبعا ده أكيد
انا معاك في النقطه دي
و عايزة أزود حاجة كمان
ان اللي بيعي للسلطة و النفوذ عموما الأغلبية مش بيبقي كويس لأنهم بيبقي همهم الفلوس و المناصب و بس
و ربنا يهدينا كلنا
أشكرك علي الموضوع مع ان ردي كان متأخر
بس معلش لظروف إنشغالي

[Malak sokar]

طيب بالنسبة للي عايش خارج مصر هل اساسا هيبقي لة حق في الانتخابات

[فرح®]

اوكي و انا هشارك و ادلي بصوتي ...
بس قولي انا من النوع الجاهل بس احاول اكون ايجابية ...اصوت لمين ؟؟؟

[كراكيب]

بالنسبة للي خارج مصر انا سمعت لكن غير مؤكد انهم هيعملوا مكاتب هناك للاقتراع بالنسبة للانتخابات الرئاسية وعامة انا شايف ان الموضوع يستاهل اننا نحاول نيجي مصر مخصوص لان صوتنا غالي
شكرا لكل الردود