[الوجه الاخر]

مساء الفل على احلى اعضاء

بنعتذر جدا عن غيابنا الفترة اللى فاتت

كانت ظروف خارجة عن ارادتنا





ورجعنلكم تانى بحلقة جديدة

ضيفة حلقتنا النهاردة

عضو معانا فى المنتدى من زمان

اللى عارفها حبها جدا

واللى معرفهاش لو قرب منها هيحبها جدا


ضيفة عزيزة على قلبي جدا لها مكانة خاصة جدا

مش هطول عليكم هسبكم مع الحلقة اتمنى تعجبكم







ضيفة حلقتنا هي







جاسيكا




اهلا وسهلا بيكى يا جاسى منورة برنامجنا

مجدي:- جاسيكا فى البداية نحب نتعرف عليكى من ناحية
الاسم
السن
المؤهل
شفيعك
كنيستك
محافظتك

جاسيكا:- الاسم : جاسيكا
السن

21 ونص
المؤهل
لسة بدرس طالبة فاشلة حاليا
هههههههه
شفيعك
البابا كيرلس والانباكاراس وماما العدرا
كنيستك
مارجرجش
محافظتك
الشرقية

نهي:- ربنا يوفقك ياقمر ايه هى هوايتك يا جاسى؟

جاسيكا:- بحب القراءة
وبحب اعرف اى حاجة معمولة ازاى عندى حب استطلاع واكتشاف الحاجات يعنى بحب اخرب اى حاجة المهم اعرف معمولة ازاى واركبها تانى وفى كل الاوقات مبترجعش زى الاول
ههههههههههه

مجدي:- هههههههه بس على فكرة دى حاجة كويسة انك يكون عندك حب استطلاع
طيب قوللنا ايه هو طموحك فى الحياة؟

جاسيكا:- كان عندى طموحات كتير لكن للاسف مبقاش عندى اى طموح ولا نفس انى اعمل حاجة
بس اهم حاجة تهمنى انى ربنا يكون راضى عنى بس

نهي:- انا عارفه ايه سبب الياس ده بس ربنا مقالش كده واتاكدي ان ربنا مش بيعملنا حاجة وحشة هى مجرد تجربة ربنا بيديها لكل انسان حسب طاقته واكيد انتى عندك طاقة انك تكونى قد تجربة ربنا ليكى وهيرجع تانى الطموح والامل.

جاسيكا اوصفلنا شخصيتك؟



جاسيكا:- شخصيتى امممممممممممم

كنت مدلعة اووووى
حاليا اتغيرت كتيررررررررر
عنيدة عصبية مبنساش بسرعة القسوة
بسامح بس من جوايا بفضل حاسة بالظلم

مجدي:- طيب قوللنا الصفات دى فيكى ولا لا؟
انسانة طموحة
مندفعة
متسرعة

جاسيكا:-كنت طموحة
مندفعة: فالحق وادافع عن اى حد مظلوم
متسرعة اه للاسف

نهي:- جاسى ايه هى الصفة اللى فيكى ونفسك تغيريها؟

جاسيكا:- العصبية والتسرع وطيبتى
بثق فالناس بسرعة وممكن اى حد يضحك عليا بسهولة

مجدي:- جاسيكا انتى شايفة انك ليكى اكتر من وجه؟

جاسيكا:- مكنش ليا كنت دايما بوش واحد
بس حاليا بقيت ليا وش تانى

نهي:- طيب ايه هى صفات الوجه الاخر؟

جاسيكا:-الضحكة والقوة بالرغم من ان جوايا بكون مالينى حزن العالم وضعيفة بس بلبس الوش دة
علشان ابان قدام الكل انى لسة جامدة واقوى الى جنبى

مجدي:- ربنا يديكى ايمان وصبر وقوة يا جاسيكا وترجعلك ضحكتك تكون صافية بدون وجه اخر

ايه هو حلم حياتك يا جاسيكا؟

جاسيكا:- حلمى ارجع بالزمن لوراااااااا وبابا يكون معايا

ربنا يرحمه ويصبركم

مجدي:- لو عندك كلمة نفسك تحذفيها من قاموس حياتك هتكون ايه؟

جاسيكا:- الفــــــــــــــــــراق

نهي:- جاسيكا مين اقرب شخص ليكى فى الدنيا؟



جاسيكا:- بما انك بتسالى عن الدنيا فهو كان بابا اب وصديق وحبيب كمان بس دلوقتى ليا ربنا

مجدي:- ربنا يرحمه مفيش احن من قلب ربنا
جاسيكا ايه اكتر خبر مفرح سمعتيه فحياتك؟

جاسيكا:- نجاحى طبعا

نهي:- سهل حد يشوف دموعك؟



جاسيكا:- لا مش سهل بس ممكن تنزل غصب عنى

مجدي:- امتى ممكن تنزل دموعك؟

جاسيكا:- لما بحس بظلم او بسمع خبر وحش

نهي:- مين هو مثلك الاعلي؟



جاسيكا:- بابا

مجدي:- ايه هى نقطة ضعفك؟

جاسيكا:- حد يتكلم عليا وحش او اشوف الدموع فى عيون حد

نهي:- امتى تقولى كلمة اسفة؟



جاسيكا:- لما اكون غلطانة

مجدي:- سهل تعترفي بغلطك؟

جاسيكا:- اه مش عيب العيب انك تكابر وتقول انك صح وانت غلط

نهي:- لما بتكونى زهقانة بتعملى ايه؟



جاسيكا:- بعيط مع نفسي فى اوضتى وبشتكى لربنا او اخرج وانزل اروح الكنيسة

مجدي:- ايه اهم 3 حاجات فى حياتك؟

جاسيكا:- رضا ربنا
رضا بابا وماما
حب الناس ليا

نهي:- ايه هو هدفك الفترة اللى جاية؟




جاسيكا:- مليشششششش ولا اقولك احرر مصر من السلفيين و........هههههههه

مجدي:- هههههههههه يسمع من بوقك ربنا حلم كل واحد فينا
نفسك ايه فى الدنيا يتغير؟

جاسيكا:- نفسي الناس تحب بعضها كويس اووووي ويبطلوا يحبوا نفسهم وبس وينسوا المصالح ويحبوا بعض بجد مش علشان مصلحة وبس

نهي:- اصحابك بيقولوا عليكى ايه من ناحية شخصيتك؟



جاسيكا:- جد مصدرلنا الوش الخشب هههههههههه

مجدي:- هههههههههه ليكى اصحاب كتير؟

جاسيكا:- لا من خلال الكلية بس غير كده مليش وحدودي معهم فالكلية بس بردو

نهي:- لو ادنالك دعوة لمطعم رومانسي تختارى مين معاكى؟




جاسيكا:- مش هروح لانى معنديش حد اخده معايا ههههههه

مجدي:- ايه معنى الحب من وجهة نظرك؟

جاسيكا:- الحب كلمة ممكن تتقال بس صعب انها تتوصف
بس هو بالنسبالى كل حاجة حلوة

نهي:- ايه احلى حاجة واصعب حاجة فالحب؟



جاسيكا:-

اجمل حاجة لما تلاقى حد بيحبك من قلبة بجد وبيخاف عليكى
واصعب حاجة ان الظروف تحكم بالفراق

مجدي:- ايه هى صفات فتى احلامك؟

جاسيكا:- اولا يكون بيحب ربنا اووووى بجد مش كلام وبس يعنى بيحب فاى حاجة يصلى لربنا قبل ميعملها يعنى دايما يدخل ربنا فكل حاجة فحياتو طيب صريح يخاف عليا ويحسسنى بامان واهممممم حاجة انو يكون قابلنى بكل مافيا من مميزات وعيوب

نهي:- مريتى بتجربة حب قبل كده
ياترى نجحت ولا فشلت؟

جاسيكا:-

حب حب لا ممكن يكون اعجاب موصلتش لحب
او مبحاولش انو يوصل لحب بصدر الوش الخشب
زى مابيقولو عليا هههههههههه

مجدي:- لو معاكى 3 وردات تهديهم لمين؟

جاسيكا:- اول وردة ل ماما والتانية والتالتة لكل اللى فى المنتدى

نهي:- لو حبيتى تقولى كلمة لربنا تقولى ايه؟



جاسيكا:- اقوله حاسة انك معايا بس سامحنى لو يوم عاتبتك وقولتلك انك مش حاسس بيا ومش جنبي

مجدي:- تفتكرى موقف مضحك مريتى بيه؟

جاسيكا:-

اممممم
اللى فاكراه
كننا راييحين لدكتور بابا فمرة
بعدين العربية على قدنا انا وبابا وماما ونرمو واختى الاكبر مننا
جت واحدة قريبتنا شفناها فالطريق فبعدين بابا وقف يوصلها يعنى
فقعدنا على رجل بعض
جينا ننزل من العربية الناس كلها فضلت تبص علينا وتضحك ويقولو دا كلو كان جوة
هههههههههه
بس

نهي:- ههههههه لو معاكى الرسايل دى تديها لمين


رسالة حب
رسالة اعتذار
رسالة اخلاص
رسالة تشجيع
رسالة محبة




جاسيكا:-

رسالة حب
لربنا اولا و
ليكم كلكم
رسالة اعتذار
لربنا لانى بحس انى بزعلو كتيررررر
ولبابا لو كونت زعلتو فحاجة
رسالة اخلاص
لاى حد حسيت انو بيحبنى وبيخاف عليا
انا بقدملو رسالة اخلااص مدى الحياه
رسالة تشجيع
لاى انسان فاقد امل او فاقد الثقة فاى حد
بشجعو انو يتشجع وميترددش
رسالة محبة
لكل اعضاء منتدى ارثوزوكس
من اكبر حد لااصغر حد

مجدي:-

رسالة تشجيع
لاى انسان فاقد امل او فاقد الثقة فاى حد
بشجعو انو يتشجع وميترددش

خليكى فاكرة الرسالة دى كويس وطبقيها فحياتك
جاسيكا ازاى عرفتى منتدى ارثوذكس؟

جاسيكا:- كان فى منتدى تانى كنت بدخل فية زماااان
بعدين اتقفل فجيت هنا كان كل الى معانا هناك هنا فقالولى على هنا ودخلت الحمد لله من يومها مسيبتوش واتمنى يفضل اجمل منتدى

نهي:- ايه اكتر حاجة عجبتك فى المنتدى؟



جاسيكا:- المحبة اللى بين الاعضاء بجد مش مجاملة

مجدي:- مين اقرب حد ليكى فى المنتدي؟

جاسيكا:- كتييييييييييييير

منهم
نرمو صافى نهى الامير توتى مارو هنااا كيرو وايمىىىى ومممممممممم
عندى زهايمر ياناس
الى فالزاكرة قولتهم
بس بجد الكل اخوات ليا وبحبهم

نهي:- مين اكتر ناس فى المنتدى بتجذبك مواضيعهم؟




جاسيكا:- كتير برده خايفة انسى حد

مجدي:- ايه هى ايجابيات المنتدى؟

جاسيكا:- الايجابيات كتير

محبة ثقة خوف على بعض
روح الاخوة موجودة بينهم
بيحبو يساعدو الكل
اى حد عندة اى استفسار عن
حاجة بيلاقيلها اجابة
فى ايجابيات كتير

نهي:- تدى الصفات دى لمين فى المنتدى:-
النشيط
المرح
المثقف
المتفائل
الحزين


جاسيكا:- بصى انا بعيدة دلوقتى

لية كدة متاخديش راييى هظلمهم معاايااااااااااا
هقول الى بشوف ليهم مشاركات لما بدخل
ولما كونت بدخل باستمرار
النشيط
كتيررررررررررر
ايمى نهى مجدى توتى تويتى يارب قف بجانبى
امممممممم فى كتيررررر
المرح
ميكى
المثقف
مستر ايمن مستر كامل
المتفائل
كلهم اكيد عندهم تفائل
الحزين
جاسيكا
حزينة ومزعلاكم عارفة هموتهالكم قريب
انا نفسى زهقت منها
ههههههههه
إمضاء /عفريتت جاسيكا

مجدي:- ههههههههه ربنا يبعد عنك الحزن
هل انتى خادمة

جاسيكا:- للاسف لا

نهي:- اختاري 3 اشخاص فى المنتدى تحبى توجهي ليهم رسالة بوجه خاص؟

جاسيكا:-

هيما بشكرك بجد عالمنتدى
مستر ايمن ميرسى لردود حضرتك ومواضيعك الى بتفيدنا
والرسالة التالتة لمخرجين ومعدين ومقدمين وكل العاملين ببرنامج الوجة الاخر
هههههههههههه
اقولهم ربنا يسامحكم عالورطة دى
اللى كنت بعملة فالناس بيتعمل فياااااااااا
اهىىىىىىىء

مجدي:- ههههههههههه اى خدعة

تقولى ايه ل منتدى ارثوذكس؟

جاسيكا:-

اقوله من يوم ماعرفتك وانا ادمنتك وجت ظروفى منعتنى بس هرجعلك تانى
المرسل /عفريتت جاسيكا
ههههههههههه
لا اقوله يارب دايما فتقدم للاحسن طبعا وتفضل اجمل منتدى واجمل مكان نتجمع فى كلنا
اخوات بمحبة دايمااااا

نهي:- هههههههه يا بنتى عفرتى الحلقة ههههههه

طيب تقولى ايه ل برنامجنا من غير عفاريت ماشى هههههه؟



جاسيكا:-

احب اقول واوجة عناية السادة المشاهدين ان ربنا كبير واللى بتعملوة فالناس بيتعمل فيكم ولو بعد زمن هههههههههههههه
اصلى كنت مزيعة سابقة هههههههه
وشكرا لحسن استماعكم
اقصد مشاهدتكم
بعيدا عن الى عملتوة فياااااااااا والورطة الجامدة موت دى طبعا
احب اقولكم انكم برنامج رائع بجد
ومتميز والكل بيستناه
وربنا معاكم يارب ودايما فتقدم
وميرسى كتيرررررر نهى تعبتك معايا عارفة
كنت اكتر ضيفة متعبة
وميرسى مجدى
وربنا يبارككم يارب ودايما يكون معاكم كلكم امين

انا بشكرك جدا يا جاسيكا على وجودك معانا كانت حلقة جميلة رغم انها اتعملت بصعوبة جدا انتى عارفه طبعا اللى حصل شوشو اشتغل فيها كتير بس المهم انها طلعت بالجمال ده بشكرك جدا على محبتك وطولة بالك وبتمنى لك كل خير وابتسامة تملى ديما حياتك وصبر وربنا يحقق لك كل احلامك وتنجحى ونعملك احلى موضوع تهنئة




بعتذر عن عدم تقديم فقرة الافضل وده بسبب عدم الحضور المستمر فالمنتدى علشان كده مقدرناش نحدد مين انشط عضو وانشط قسم وافضل توقيع
باذن يسوع الحلقة الجاية نكون متواجدين معاكم اكتر من كده مع فقرات اجدد
اذكرونا فى صلاتكم

انتظرونا فالحلقة القادمة

من برنامج الوجه الاخر

مع تحيات

TOTIT

ZAZA

المصدر: †† ارثوذكس †† - من قسم: البرامج والخروجات الخاصة بالاعضاء

[الوجه الاخر]

اعتــــــــــــــــــــــ ـــــــذار

الحقلة دى رقم 29 حصل غلطة مطبعية

[miro_rook]

حلقه حلوه جدا من نهي ومجدي ربنا يباركم
وجاسيكا اول مره اتعرف عليها بس الواضح انها انسانه متميزه واضح انها اجتماعيه
ونتمني تواجدها الدائم معانا في الخدمه لان الشخصيه الاجتماعيه اللي زي جاسيكا تقدر تخدم بتميز
ربنا يباركك يا جاسيكا وننعم بتواجدك معانا
وليه سوال

ايه رايك في الخدمه بالمنتديات وخصوصا في ارثوذكس؟

[emmmy]

جاسى حبيبة قلبى منورة القفص هههههههه
يووووة قصدى منورة كرسى المحبة يا قمرى بجد احسنتوا الاختيار يا نهى انتى ومجدى برافوا عليكم
جاسى شخصية لذيذة جدا جدا انا عرفتها متأخر فى الفترة الاخيرة بس وحبيتها جدا هادية وجميلة
بس كنت فاكرة انها منطوية وتقيلة طلعت عسولة وصغنونة كمان ههههههههه اية يا جاسى دة 21 سنة بس زوديهم شوية يلا زى بعضوا
قوليلى بقى يا قمر نفسك تعملى اية لما تخلصى دراسة ؟
ولما بتزعلى وتحسى انك مخنوقة من البيت ومن اقرب الناس ليكى بتعملى اية ؟
اية رايك فى الحب عن طريق النت ؟
اتسلى فى دول لحد ما اجيلك تانى استنينى انا جاية تاااااااااانى

[magdy totti]

جاسى بجد دى من اجمل الحلقات اللى اتعملت وبجد كنتى منورنا ومنورة الوجه الاخر
وكنتى صاحبه الوجه لواحد ربنا معاكى ويحقق كل اللى نفسك فيه

[جاسيكا]

المشاركة الأصلية كتبت بواسطة miro_rook حلقه حلوه جدا من نهي ومجدي ربنا يباركم وجاسيكا اول مره اتعرف عليها بس الواضح انها انسانه متميزه واضح انها اجتماعيه ونتمني تواجدها الدائم معانا في الخدمه لان الشخصيه الاجتماعيه اللي زي جاسيكا تقدر تخدم بتميز ربنا يباركك يا جاسيكا وننعم بتواجدك معانا وليه سوال ايه رايك في الخدمه بالمنتديات وخصوصا في ارثوذكس؟

ميرسى لكلام حضرتك الجميل
اما بالنسبة للسؤال
فدى حاجة جميلة جدا
وبتساعد ناس كتير انها تعرف حاجات اكتر
وتستغل وقتها فحاجة مفيدة ومهمة

[جاسيكا]

المشاركة الأصلية كتبت بواسطة emmmy جاسى حبيبة قلبى منورة القفص هههههههه يووووة قصدى منورة كرسى المحبة يا قمرى بجد احسنتوا الاختيار يا نهى انتى ومجدى برافوا عليكم جاسى شخصية لذيذة جدا جدا انا عرفتها متأخر فى الفترة الاخيرة بس وحبيتها جدا هادية وجميلة بس كنت فاكرة انها منطوية وتقيلة طلعت عسولة وصغنونة كمان ههههههههه اية يا جاسى دة 21 سنة بس زوديهم شوية يلا زى بعضوا قوليلى بقى يا قمر نفسك تعملى اية لما تخلصى دراسة ؟ ولما بتزعلى وتحسى انك مخنوقة من البيت ومن اقرب الناس ليكى بتعملى اية ؟ اية رايك فى الحب عن طريق النت ؟ اتسلى فى دول لحد ما اجيلك تانى استنينى انا جاية تاااااااااانى

قفص

على اساس مستضفين نسناس

ماسىىىىىى


اية الكلام الى مستحقوش دة بس


بطلو مجملاات بقا الله


هاخد مقلب فنفسى كدة


مش هتعرفو تكلمونى بعد كدة


ههههههههههههه

ميرسى عالكلام الجميل دة


مستحقوش بامانة


انتى بس عشان جميلة وقمر


اة صغننة
بس تفكيرى اكبر من سنى
دايما بيقولولى عقلك اكبر من سنك
ههههههههههه
معرفش ميزة ولا عيب بس الحمدلله
على اى حاجة

علفكرة الكل بيفتكرنى كدة

وانا فعلا فبعض الاوقات كدة منطوية بس لو مع حد اعرفة بكون عادى

بالنسبة للسؤال الااول

هقعد فبيتنا عاطلة

زى حال كل الناس

منا قولت فوق بقعد فاوضتى او انزل الكنيسة

3333

حب عن طريق النت

بصى انا من وجهة نظرى شايفاه عادى بشرط يكون فى

صدق وثقة بين الطرفين وصراحة فكل حاجة

اما لو بصيتى لنظرة المجتمع والاسرة

مش بيشجعو الطريقة دى فالارتباط

واغلب المواضيع مبتكملش ممكن تلاقى نسبة النجاح 1%

بس دا رايى

علفكرة يايمى تنورى تانى

حد ينادى عليهاااااااااااااا

نادو عليها متخلوهاش تدخل تانى

ايمىىىىىى

فى حد بينادىىىى

[جاسيكا]

المشاركة الأصلية كتبت بواسطة magdy totti جاسى بجد دى من اجمل الحلقات اللى اتعملت وبجد كنتى منورنا ومنورة الوجه الاخر وكنتى صاحبه الوجه لواحد ربنا معاكى ويحقق كل اللى نفسك فيه

ايوة حلقة كلها عفاريت
بزمتكم فى حلقة اتعفرتت كدة قبل كدة
هههههههههههههه
علشان تعرفو انى مميزة
ميرسى لكلاامك الجميل مجدى
ربنا معاك يارب

[zaza2006]

منوووووووورة ياعسسسل

[elphilasouf]

+ علي فكره للعلم جاسيكا من أعمده ارثوذكس السابقيين ( والمغفور لها أختها نوسه :d ) وهي نجم من نجومه ومذيعه في برنامج سابق ويامه حبست ناس قبل كده كتير
---------------------
+ جاسي /
ياااااااه يا جاسي أول مره أحس إنك أنتي اللي أعرفك من زمان ، أنا حسيت دلوقتي بس إنك رجعتي تاني ، حقيقي كنا مفتقدينك جدا ، مفتقدين وجودك المفرح ديما معانا ،
أنا كنت شاكك أصلا إني أنتي جاسي اللي نعرفها وإتعملنا معاها قبل كده
- أنا نفسي أعرف بس أيه اللي كان سبب أختفائك المفاجئ ( كالمعتاد يعني بس ده كان طويل شويه ) ؟
- وليه كنت حاسس إن جاسي دلوقتي مش هي بتاعه زمان ؟
- وايه اكتر صفات كان بابا بيتميز بيها أثره فيكي جدا ؟
- وليه دائما حاسس إن جواه جاسي قلق دائم ؟ وازاي يتشال ؟؟
- مش ناويه ترجعي البرنامج بتاعك القديم اللي عليه تراب ده

- الحل في نفس الورقه :d -

+

نهي:- لما بتكونى زهقانة بتعملى ايه؟ جاسيكا:- بعيط مع نفسي فى اوضتى وبشتكى لربنا او اخرج وانزل اروح الكنيسة

بسم الصليب عليكي ، العياط مسلي بردو
----------------------------
+ شكرا للبي بي سي قصدي : لمجدي ونهي