[twaty]

يعاني الكثير من الناس من مشكلة اصفرار الأسنان ، ويتأذى منها النساء بشكل خاص لأنه يؤثر على جمالهن ، وكما يختلف الناس في لون بشرتهم وشعرهم فإنهم يختلفون في لون أسنانهم كذلك, فتكون بعض الأسنان أكثر اصفراراً والبعض الآخر يصفر مع تقدم السن.

ويمكن للسن الطبيعية أن تصفر لعدد من الأسباب:

- الإصفرار السطحي والذي ينتج عن تعاطي التبغ أو كثرة شرب القهوة أو الشاي أو تناول بعض الأطعمة التي تساعد على صبغ الأسنان كأنواع من التوت إضافة إلى تجمع مادة الكالسيوم حول السن والتي تعرف بالتكلسات.

- الاصفرار الداخلي والذي ينتج عن التقدم في السن أو حصول إصابات أو الاستخدام الزائد للفلورايد أو كنتيجة لبعض الأمراض أو أخذ المضادات الحيوية كالتتراسيكلين في سن مبكرة.

العلاج

1- استخدام السواك.

2-تنظيف الأسنان بمعجون أسنان جيد صباحاََ و مساءََ يومياً.

3- الإكثار من تناول عصير الفراولة فهو يساعد على تبييض الأسنان.

4- تدعك الصفرة بعصير الليمون على قطعه قطن ، و يكرر ذلك يومياََ حتى يختفي الاصفرار.

5ـ تدعك الأسنان المصفرة بمادة بيكربوونات الصوديوم (يتم شراؤها من الصيدلية) .مع عدم الإفراط في استخدامها لأن ذلك يؤثر على سلامه اللثة و الأسنان .

6- تؤخذ قطعة توست أو بقسماط و تحرق تماماََ على النار ، و تطحن جيداََ حتى تتحول إلى رماد ثم يخلط هذا الرماد بنصف ملعقة عسل ، و يدعك بالأسنان تكرر العملية و ستلاحظين نتيجة باهرة جداً العسل مفيد لبياض الاسنان لكن ما يغني أنكم بعدها تغسلون سنانكم بالمعجون فقط لان العسل يسبب التسوس .

المصدر: †† ارثوذكس †† - من قسم: قسم المناقشات الثقافيه والعلميه

[elphilasouf]

وااااااااااااااااااو
موضوع حلو جدا بجد ، ومعلومات مهمه جدا :d
بس أنا افضل أنها تصفر بدل المجهود الى هعمله عشان تبيض
ما عناه مابيضت
ههههههههههههههههههههه
هي أخرها معايا سجنل 2 :d
ههههههههههههه
ميرسي لتعبك ... ربنا يعوضك *

[emmmy]

العلاج

1- استخدام السواك.

يعنى اية السواك دى


2-تنظيف الأسنان بمعجون أسنان جيد صباحاََ و مساءََ يومياً.

دى ممكن دى سهلة هههههههههههه

3- الإكثار من تناول عصير الفراولة فهو يساعد على تبييض الأسنان.

طب هاتى الفراولة وانا اكل بس كدة

4- تدعك الصفرة بعصير الليمون على قطعه قطن ، و يكرر ذلك يومياََ حتى يختفي الاصفرار.

يااااربى اللة يسامحك دا مقدرشى اشربة عصير اقوم ادعك بية اسنانى بيعمل قشعرة يا توتى هههههههه

5ـ تدعك الأسنان المصفرة بمادة بيكربوونات الصوديوم (يتم شراؤها من الصيدلية) .مع عدم الإفراط في استخدامها لأن ذلك يؤثر على سلامه اللثة و الأسنان .

يا نهار ملوش لون كمان دا اللمون ارحم شوية

6- تؤخذ قطعة توست أو بقسماط و تحرق تماماََ على النار ، و تطحن جيداََ حتى تتحول إلى رماد ثم يخلط هذا الرماد بنصف ملعقة عسل ، و يدعك بالأسنان تكرر العملية و ستلاحظين نتيجة باهرة جداً العسل مفيد لبياض الاسنان لكن ما يغني أنكم بعدها تغسلون سنانكم بالمعجون فقط لان العسل يسبب التسوس .

بقولك انا عندى حل احسن اية رايك نسيبها تصفر مالة الاصفر دا جميل هههههههه

[adel9009]

موضوع حلو جدا بجد ، ومعلومات مهمه جدا

[elphilasouf]

المشاركة الأصلية كتبت بواسطة emmmy العلاج 1- استخدام السواك. يعنى اية السواك دى

هههههههههههههههههه
أنتي ديما فضحانه كده يا إيــمـــي
هههههههههههههههه بس معلش أكيد معندكيش اصدقاء من المسلمات السنيات
المهم
السواك أو المسواك خشبه كده بتتقشر و بتتعمل بطريقه معينه تبقي زي الفرشه ننضف بيها السنان ...
ودي في الأصل أكتشاف أو أختراع عربي اصيل علي ما أعتقد ...كام بدل فرشه السنان



وبزات الأخوه المسلمين السنه بيستخدموها لحد دلوقتي ...
ويقال أن في داخلها زيت معين بيساعد علي تنضيف الأنسان
والله أعلم ما مدي صحه هذا الكلام ....

[twaty]

ميرسى بجد على ردودكم على الموضوع
وميرسى يا ايمى على ردك اللى نور الموضوع
بصى يا ايمى كلام فيلو صح معلومة صحيحة عن السواك
وكمان انا كنت اقصد بها عدان التنظيف من وجهة نظرا
زى استعمال الفرشاة وخيط وهى عدان اللى بنشتريها من الصيدلية
علشان الخيوط والعدان التنظيف فى نفس اهمية الفرشاة



4- تدعك الصفرة بعصير الليمون على قطعه قطن ، و يكرر ذلك يومياََ حتى يختفي الاصفرار.
يااااربى اللة يسامحك دا مقدرشى اشربة عصير اقوم ادعك بية اسنانى بيعمل قشعرة يا توتى ههه
5ـ تدعك الأسنان المصفرة بمادة بيكربوونات الصوديوم (يتم شراؤها من الصيدلية) .مع عدم الإفراط في استخدامها لأن ذلك يؤثر على سلامه اللثة و الأسنان .
يا نهار ملوش لون كمان دا اللمون ارحم شوية

بصى يا ايمى يمكن المجون والفرشاة سهل انا معاكى
بس انا بتكلم على الناس اللى عندهم اصفرار جامد فى الاسنان
والليمون حاجة طبيعية مش بتخوف اللى عايز سنانو بيضة
هههههههههههههه
وبيكربوونات الصوديوم دى مادة بتستخدم لتنظيف ومش بتخوف
فى الاستعمال بس مش تستعمل على طول



بقولك انا عندى حل احسن اية رايك نسيبها تصفر مالة الاصفر دا
جميل هههههههه

ههههههههههههه اوك ياايمى بس انا كتيرر بحب الاسنان
البيضة وفى ناس كتير بتهتم ان سنانهم تكون بيضة
ميرسى كتيرررر على ردك الجميل
وربنا يبارك حياتك يارب

[emmmy]

هههههههههههههههههه
أنتي ديما فضحانه كده يا إيــمـــي

ههههههههههههههههههه
بفى انا برضوا اللى فضحاك يا فيلو مااااشى
مرسى للتوضيح بجد بس يععععععععععع دى فرشة وحشة اوى
هههههههههه

مرسى يا توتى اوعى تكونى زعلتى ههههههههه بجد انا بهزر معاكى بامانة موضوع لذيذ وانا هجرب الليمون صديقنى وهبقى اقولك على النتيجة
على فكرة انا اسنانى بيضة مش صفرا ههههههههه بس زيادة بياض مش هتضر عادى زيادة الخير خيرين

[twaty]

المشاركة الأصلية كتبت بواسطة emmmy هههههههههههههههههه أنتي ديما فضحانه كده يا إيــمـــي ههههههههههههههههههه بفى انا برضوا اللى فضحاك يا فيلو مااااشى مرسى للتوضيح بجد بس يععععععععععع دى فرشة وحشة اوى هههههههههه مرسى يا توتى اوعى تكونى زعلتى ههههههههه بجد انا بهزر معاكى بامانة موضوع لذيذ وانا هجرب الليمون صديقنى وهبقى اقولك على النتيجة على فكرة انا اسنانى بيضة مش صفرا ههههههههه بس زيادة بياض مش هتضر عادى زيادة الخير خيرين

لالا طبعا يا ايمى مفيش زعل ولا حاجة
بس انا حبيت اوضح الموضوع مش اكتر
وبجد الليمون حاجة حلوة اووووى الاسنان انا جربتها
اكتر من مرة
منتظرى ردك على الليمون هههههههههههههههههه
وميرسى ليكى يا قمر

[كرستين ص]

موضوع جميل جدا جدا
ربنا يعوضك

[twaty]

المشاركة الأصلية كتبت بواسطة كرستين ص موضوع جميل جدا جدا ربنا يعوضك

ميرسى يا كرستين على ردك اللى نور الموضوع
وربنا معاكى ويبارك حياتك