[عماد الكرام]

كل هذا الحب بتحبنى وانا كل يوم اطعن فيك ...وتهدينى وانا بمل اسمع اليك...مع انى حاسس بيك...وعارفك ناقشنى على اديك ...وكمان حافظنى فى عنيك...وقلتلى بالدم شاريك...وتحت جناحاتى مخبيك......كل مابعدتقربمنى مش عارف ليه...والمحبة دين بيكتر مش قادر عليه...بيحن علية وأنا بهين فيه...يهتم بية ولا مرة اسأل عليه...يدق الباب ولا اشوفه عايز ايه........يسك طريق الضلال وانا امده...يفتح طريق التوبة وانا أسده...وكل مايبنيلى بيت أهده.....أغلط انا ماغلطش...وان غلطت ماتسألش.....مشاعر الناس ماتهمنيش...هو انا كام مرة هاعيش؟...حقك علية آسف لا ماعنديش...الكلام دا عندى ماتلاقيش......دا ان قال يمين آخد شمال...ولا جيت فى مرة لاقيته عالبال.....وبترجع تنادينى؟...وتقول لنفسى اتبعينى...للدرجادى يارب شارينى؟...ومرة احس انى كداب..انا فعلا ماأسوى اللا التراب...ولا استاهل تقف عالباب........وبترجع تنادى ليه يارب؟...نادى على حد عنده قلب ...قلب يشيل كل هذا الحب.............. (عماد الكرام)

المصدر: †† ارثوذكس †† - من قسم: التأملات الروحية والخواطر الفكرية

[الامير الحزين]

كلمات جميلة جدا
شكرا على مجهودك

[nana222]

شكرا موضوع جميل

[menovich]

كلمات روعة بجد ربنا يباركك