[مرمر سليمان]

انا بأختصار كنت مخطوبة وكنت بحب خطيبي قوي وهو بيحبني جدا ولكن في حاجة غريبة حصلت وهي ان الشيطان حب يدخل ويهدم علاقتنا ده لاننا كنا مدخلين ربنا من البداية وكنا بنحضر للجواز ولكن حدث ان في ناس قالتي كلام عليه انا متحملتهوش والناس ده اقرب ناس ليه ولكن للاسف هما السبب وقالولو عني كلام ايضا مش كويس ومع انه عشرني سنة وكنا نعرف بعض قبل الخطوبة ولكن هو صدق الكلام ده لانه برضك من الناس اللي قريبين مني قوي ولكن مش هقول غير ربنا يسامحهم لاني فعلا بحبه جدا وانا بصلي وبتمني انكم تصلوا من اجلي انه يرجعلي والهي يثبت له ذلك والمشكلة دلوقتي هي ان اهلي عايزني ارتبط وانا مش عايزة اظلم حد معايا ومش عارفة اعمل ايه ارجوكم ردوا عليا

المصدر: †† ارثوذكس †† - من قسم: سؤال وجواب

[اللة يرعانى]

وانتى هتظلمى حد معاكى لية يا بتنى ميهمكش كلام ناس طلما انتى وثقة من نفسة خلاص الناس على طول بتتكلم لو هتسمعلهم هتتعبى خلى ربنا هو معاكى وقدامك فى كل شى ويدبر حياتك

ربنا يوفئك

[مرمر سليمان]

ميرسي جدا يا مريم وربنا يعوضك ارجوكي صلي من اجلي

[قلب يسوع]

الاخت المباركه
سلام ونعمة ربنا يسوع تكون معكِ
الرب وحدهُ الذى يفتح ويغلق وفى يده مقاليد الامور ومفاتيحها
من يُرد فيكون والرب لم يامُر
تشدد وتشجع وانتظر الرب
الاخت المباركه ليس افضل من المواجهه الصريحه التى تعالج الامور جزريا وليس جزئيا
فاذا كان قد حدث بينكم موقف ادى الى تفاقم الخلاف وانهيار العلاقه بينكم فلا ينبغى دائما
ولا يجُدى اسلوب النعام وهوا دفن راسها فى التراب حين تواجهه الخطر
ان اقصر الطرق هوا الطريق المستقيم
ان كان الذين يروجون له الشائعات من طرفك ويروجون لكى الشائعات من طرفه كاذبون
فالمنطق يقول ان تجتمعوا سويا خصوصا وانهم اقربائك انتى وهوا وهم حتى تتضح الامور
فاذا تاكد له حسن نيتك واراد الرجوع بنفس صافيه فهذا جميل وليكتب لكم الله السعاده
اما اذا كنتى مُدانه واراد ان يكون كل منكم فى طريقه . فله ذلك ولا تندمى عليه اذا هوا غير قادر
ان يغفر لكى ذلك
لا تبكى على اللبن المسكوب
اقول لكى ان الرب يحصى شعر راسك ومتى سقطت واحده فانها تسقط بامره وهوا الذى سمح لها بذلك
اذا لم يكن زوجك فالرب سيرسل لكى زوجا.. فان الحياه لن تتوقف .. ولكن لكى لا تظلمى هذا الشخص الجديد
يجب ان تعامليه بقلب مفتوح وان تبدئى من جديد بعقل ناضج .. لا تحبى بقلبك .. ولكن احبى بعقلك اولا
ودعى عاطفه القلب جانبا الى ان يتم الارتباط .. فليس من حقك ان تسلمى قلبك كاملا لاحد قبل الارتباط
الرب يفرح قلبك .. ويعطيكى شهوة قلبك
ليكن الرب معكِ

[ay2007]

سلام رب المجد يسوع يكون معاكى
اختى الحبيبه اعرف انك تحبى هذا الانسان كثيرا ولكن هل هو يحبك بقدر الحب الذى تحبيه فان قلتى نعم طبعا فالرد هو من يحب يحب كل شى فى من احب العيوب قبل المميزات وان كان هناك موضوع شائك فانه سوف يحاول بكل الطرق ان يكتشف الحقيقه وممكن يسامح كمان لو واثق فى حبه وبيحب بجد هيسامح وهيغفر طالما متاكد من من يحب اما الانسان الزى يرتبط حتى بالزواج على ان الزواج مشروع زى اى مشروع شغل فيه مكسب وخساره فاكيد هيكبر دماغه ويقول بلاها الجوازه ديه اشوف غيرها متزعليش منى تروح واحده تيجى الف واحده لو هو من النوع ده ورفض يسالك او يحاول يتاكد وهرب فالافضل ليكى انك تنسيه لانه معندهوش ثقه فيك اصلا وياريت تثقى فى ربنا وانت تصلى وقولى لربنا
يارب انت ابويا وصديقى وحبيبى الا مش ممكن يتركنى ارجوك يارب اتدخل فى حياتى انت عارفنى وعارف الشخص اللى بحبه اكتر منى لو هو ده الانسان اللى انت اختارته ليا خليه يرجع وحل يارب انت المشكله مليش غيرك يارب ولو انت شايف انه مش ليا فساعدنى انى انساه للابد وابعت الانسان اللى انت اختارته ليا يارب انت ابويا وانا عارفه اد ايه انت بتحبنى ارجوك يارب ساعدنى ولا تتركنى وثقى ان ربنا مش هيتخلى عنك وربنا يختار الصالح بس المهم لانعاند ارادة الله ولا نطلب ضد ارادة الله نزعل شويه افضل منزعل العمر كله ربنا يبارك حياتك ويكون معاكى مايكون عليكى

[مرمر سليمان]

ميرسي جدا كلامك جميل قوي والرب يعوض تعب محبتك ومن فضلك اذكرني في صلاتك والرب يتدخل ويساعدني

[المتشفع بمارجرجس]

مرسى خالص على كلامك يا ay2007 وربنا يعوض تعب محبتك

[كراكيب]

اكبر غلط انك مترجعلوش تاني لاااااااااااااااااازم تتصلي بيه وتقوليله تتقابلوا وتتكلموا وتتكتشفوا سوا ولو هو فعلا بيحبك هيحس انه محتاج لك ياجماعة الحب ده شيء كبيييير جدا مينفعش يسيبك وميرجعش وميحاولش معاكي مهما كان الكلام اللي سمعوا لاازم تكلميه او تخلي حد قريب منه هو وواثقة في يكلمه لازم لازم لازم

[مرمر سليمان]

ميرسي جدا كلامك جميل وانا جربت كل الطرق بس عايزة اقولك حاجة مش هينفع انه يرجع ونتكلم لانه للاسف جرب يرتبط كتير واتلدع كتير فمعندهوش استعداد انه يعيد مأساه حتي ولو كنت مظلومة من كل ده ولكني انا سايبه ربنا يتصرف لان هو اللي بأيده الحل وربنا يعوض تعب محبتك

[eng_mano]

فى ناس هوايتها فى الحياة انها توقع بين الناس
ياريت اى حد يقولنا كلام عن حد مانصدقش غير لما نتاكد بنفسنا