[مينا11]

انا مش عارف فين الصح من الغلط مش عارف اعمل ايه.
لانى ضعيف البنيه قررت لاذهب لاحدى صالات الجيمانزيوم وطلب منى المسئول البطاقه وفى وسط الكلام حسيت انه كلمنى بغلاسه بس بعد لما ابتدات اتمرن كان بيعملنى كويس و فى تانى مره روحت كان يعملنى كويس ومهتم بيا
لكن المشكله انه بيجى فى مخى انه كلمنى بغلاسه عشان شاف انى مسيحى فاقول ده مبيحبش المسيح يبقى اذاى اتعامل معاه يبقى كده ربنا هيزعل منى ومش هيباركلى فى الاستفاده من الصالاه و اقول هو ان علشان عايز اتمرن اعمل كده فين الصح من اغلط اسيب الصاله واروح مكان تاى ولا اكمل انا صصح ولا غلط
شكرا

المصدر: †† ارثوذكس †† - من قسم: سؤال وجواب

[Team Work®]

حبيبي الغالى ابائنا زمان لما كانوا بيلاقوا فى حد بيضايقهم علشان هما مسحيين بيعملوا بيستمروا فى طريقهم لحد ما بيوصلوا هذا الشخص اللى كان بيكرهم الى محبة حلوة قوى

وشوف انت بتقول اية

بتقول ان تانى مرة على طول بقى يهتم بيك وبيعاملك كويس هو ممكن يكون واخد صورة وحشة عننا لا انت خلية ياخد صورة حلوة بمعملتك الحلوة وكلامك الجميل

وبنعمة ربنا انت هاتكون حاجة وبعدين من اهم الاشياء بلاش تتكلم فى حوار اديان خالص علشان مفيش حد يغلط فى حد

وربنا معاك واستمر

ولو حصل حاجة يبقى غير المكان

[اللة يرعانى]

انا من راى هيما هو بقى كويس معاك خلاص استمر معاة وربنا معاك

[SNoW]

انت المفروض تفرح لما حد يعاملك وحش عشان انت مسيحى لانك كده تبقى مضطهد علشان خاطر المسيح

" طوبى لكم اذا طردوكم و عيروكم و قالوا فيكم كل كلمة شريرة من اجلى كاذبين افرحوا و تهللوا لان اجركم عظيم فى السماوات "

انت مبتعملش حاجة غلط و مش بتسىء للمسيح فى حاجة عشان تضايق كدة
الخطية كلها واقعة على اللى كان عاملك وحش عشان انت مسيحى

متضايقش و متزعلش نفسك

[ماريان]

على فكر يا مينا
المسيح عدوة الشطان بس
مش الناس المسيح بيحب الناس كلها
حتى الى مبيحبوش
وهو الى قال احبو اعداكم
بس خالى بالك منة الراجل دة ادام انت بتقول انة مبيحبش المسحين
ليكون بيحسن معاملتة معاك علشان اانت تقرب منة
ويوقعك فى اى مشاكل
ربنا معاك ده راى ياريت لو غلط ابقو قلولى

[aymonded]

أعتقد يا غالي أن كل تصوراتك مجرد أحساس نفسي فقط ، وتحتاج أن تثق في شخصيتك
وعقدة الشعور بالإضطهاد تسيطر على نفسك جدا ، وذلك بسبب أحساسك أنك ضعيف ، مع أن هذا ليس بصحيح ...
وواضح من كلامك أنك تحتاج أنك تعرف نفسك على حقيقتها وتدرك أنك متميز في أشياء أخرى ، وضعف البنية لا تؤثر على قدرات الإنسان وسمو تفكيره وشخصيته ...

لابد من أن تقيم علاقة حب وثقة في الله ، بصلوات تقدمها لله كي ما تحيا معه في نوره الحلو ...
وشهادة فمك أنك تقول أن هذا الرجل بيعاملك معاملة صحيحة ، وأحساسك لا مجال له من الصحة ...

وبعدين اش عرفك انه مش بيحب المسيحيين !!!
هل قال هذا امامك ، أم انه طرد كل مسيحي عنده أو تكلم بالسوء أو رفضك أو قال عليك كلمة شريرة بكونك مسيحي ، أم مجرد أحساسك الشخصي !!!
لا ينفع أن تظن السوء أو تتوقع السيء ، طالما لا يوجد دلاله على هذا الأمر ...
وبعدين إن كنت رايته تحدث مع أحد وبالصدفة مسيحي أو طرده أو مشاه من الصالة ، ربما بسبب أنه شخصية مش كويسة أو إنسان مناكف أو غير طائع لأوامر التدريب أو مقصر ... الخ الخ ، فهو لا يضطهد المسيحيين ، بل هو يحافظ على صالته ، ومش كل واحد مسيحي يبقى إنسان أمين يستحق معاملة جيدة !!!

عموماً الأهم أنك تحب الكل وتنظر نظرة سليمة للمجتمع ، وتتعلم كيف تحكم على الأمور حكم صحيح دون ظن أو أعتقاد أو مجرد تخمين وأحساس ، ويستحيل الحكم المطلق على كل إنسان مخالف في رأي أو عقدية أنه مضطهد ، ولايمكن نتوقع الأسوأ مع أن يوجد الأفضل ، يا حبيب قلبي هذا كلة مشاكل نفسيه بسبب كثرة السماع عن مشاكل الاضهاد المتغلغلة في عدة أمكان ، ولكن ليس كل ما نتصورة أو نظنه يكون سليماً !!!

أقبل مني كل تقدير بمحبة النعمة معك

[فله]

احنا لوفكرنا بالمنطق دا يبقا مش هنعيش

[مينا11]

انا متشكر جدا على ردكم انا استفدت من كل كلمه اتقالت ات فعلا كنت محتاج اسمع رايكم شكرا

[aymonded]

الله يبارك فيك يا احلى أخ رائع لنا منور المنتدى كله بحضوره الحلو
أقبل مني كل تقدير واحترام لشخصك الغالي جداً يا محبوب يسوع
النعمة معك

[كراكيب]

ايه ياعم انت ليه مصعب الامور هو هيتحاسب عن نفسه وعن خطيته لو كان بيكره المسيح او بيكرهك انت بتتعامل معاه مش لشخصه ودينه لكن لانك محتاج انك تتمرن يعني لما تتخرج لو اشتغلت مثلا في شركة صاحبها مبيحبش المسيح هتسيبها طبعا مينفعش استمر