[نسمه الحياه]

الخطوة 1:

لو حاسس إنك مش قادر تتعامل مع وقتك بحكمة، فغالباً إنت مش عارف وقتك بيضيع في إيه بالظبط، لكن الأكيد إنه بيضيع.. إذن، هتكون بداية مناسبة لو ابتديت تلاحظ وقتك ازاي بيضيع بالطريقة اللي تناسبك.
الخطوة:2
لو اتفقنا إنك بتنام 7 ساعات يومياً، هيكون فيه لسّه 119 ساعة باقية في الأسبوع تعمل فيهم كل حاجة، المذاكرة، والخروج، والأكل، والهوايات وأي أنشطة تانية، وأهم حاجة هو تقسيم الوقت، وطبعاً إنت محتاج تشتري ساعة..
الخطوة: 3
فيروس اسمه "التأجيل" غاوي يدخل على النظام بتاعك، يلخبط الملفات ويعطل الدنيا، المشكلة إنه بيقدر يتنكر في أشكال كتيرة زيّّ: (يا سيدي مش هتفرق من يوم)، (وإيه يعني اتأخر، كل الناس بتتأخر)، (مش باشتغل كويس غير على آخر وقت)، وغيرها من الأشكال اللي إنت عارفها كويّس.. نصيحة، نزّل مضاد للفيروسات ولم الدور..
الخطوة: 4
أحياناً بنقدر نحدد الأولويات، ونحط خطط عظيمة، ونبدأ فعلاً في التنفيذ، لكن عوامل التشويش غير المقصودة بتفسد كل ده، عزومة من أصحابك، حوارات عائلية، التليفون، وغيرها.. الفكرة هي القدرة على قول (لأ)، احترامك لأولوياتك وارتباطك بيها هيكسبك احترامك لنفسك واحترام الناس ليك، لكن التنازلات الصغيرة بتفقدنا أحياناً أهداف كبيرة

منقول

المصدر: †† ارثوذكس †† - من قسم: المنتدى العام

[كرستين ص]

موضوع جميل فعلا لازم نحافظ على وقتنا لان الوقت دة وزنة ربنا هايحسبنا عليها وهايسألنا ضيعنا وقتنا فى اية؟
(مفتدين الوقت لان الايام شريرة)

[MRAMER]

بجد موضوع جميل اوي
وينفع لطلاب الثانوية العامه اللي ديما وقتهم زي البخار
نفسي اعرف بيضيع ازاي
دا في ايام كنت اذاكر درس واحد الاقيه خد اليوم كله
يلا ربنا يدبرها ويعطينا بركة في الوقت
وربنا يعوض تعب محبتك يا قمر

[@M@R!N]

حلوووو موضوعك يا نسمه
جميل اوي
ميرسيييييييي

[menovich]

موضوع جميل جدآآآ تسلم اناملك وامانتك

فعلآ يجب تقسيم الوقت وتخصيصة لأشياء مفيدة

الرب يبارك حياتك ويبارك فى تعب محبتك

[حنين سنين]

حلو موضوعك يا نسمه ربنا يبارك حياتك وكلنا نستفيد منه

[zaza2006]

موضوع جميل ومهم جدا شكرا لتعبك

[ادوارد ادوارد ادوارد 3]

تسلم ايدك
ربنا باركك على هذا الموضوع الجميل

[sarah2009]

موضوع رائع
ميرسى

[lovejesus2011]

موضوع جميل جدا و مفيد
ربنا يبارك حياتك