[manshi55]

الاسم لواء شرطة ن . م . ر على لسان أ / ي . ع
القاهرة

لواء شرطة ن .م .ر سيادته كان يعانى من الشريان التاجى بالقلب وعندما كان بغرفة الانعاش بالمستشفى اتصلت بسيادته للإطمئنان عليه وإذ بالسيدة زوجته ترد فقالت لى : صلوا من أجله " فقلت لها : أنا الأن ذاهب لزيارة سيدنا الانبا مينا مطران جرجا وتلميذ أبونا عبد المسيح المقارى المناهرى لنوال البركة وهاخليه يصلى من أجل سيادة اللواء وممكن يكلمه كمان "ففرحت جداً وقالت ياريت ، واتفقنا انه بعد ساعة اكون أنا وصلت الى الدير وحضرتها تكون وصلت لسيادة اللواء بالمستشفى ، وبالفعل طلبت الرقم فردت هى على فقلت لها إعطى التليفون للباشا . سيدنا هايكلمه الأن " وأعطيت التليفون لسيدنا وبدأ يكلم اللواء ويقول له " قوم روح إنت مافيكش حاجة " (ويشير بيده الأخرى) وقال له " أنا هابعت لك البابا كيرلس وأبونا عبد المسيح " وإذ بابونا بولا يقول له "وإنت يا سيدنا روح معاهم" فإبتسم سيدنا ، ويحكى سيادته ويقول حدث فى مساء هذه الليلة المقرر فيها عمل قسطرة للقلب أن دخل عليه الغرفة القديس العظيم البابا كيرلس السادس وهو يعرفه كويس والقديس العظيم أبونا عبد المسيح المقارى ورآه كثيراً فى الصور وقال الثالث رجل طويل وشيخ لم أشاهده من قبل لكن من الوصف هو سيدنا الأنبا مينا مطران جرجا . وقالوا لى وهم مبتسمين " أنت هاترجع بيتك ما عندكش حاجة خالص مافيش عمليات " .


وبعد دقائق دخلت إحدى الممرضات منفعلة لغرفة سيادة اللواء وهى تقول " يا باشا فيه ثلاثة لابسين أسود دخلوا دلوقت عند سيادتك ، وإنت عارف إنه ممنوع الزيارة نهائى ، أنا كدة هاخد جزاء " فهدأها سيادته وقال لها لا تخافى .


وفى الصباح حضر الأطباء ومنهم الدكتور عادل إمام طبيب القلب وغيره وذلك لعمل القسطرة فوجدوا كل الأجهزة لا تعمل فحاولوا كثيراً وتفشل كل المحاولات وأخيراً قاموا بعمل كونسلتو فوجدوا أن القلب والشريان التاجى فى حالة صحية 100 % ولا يحتاج الى لأى عمليات . أشكر ربنا على معجزاته معنا


بركة صلوات آبائنا القديسن الأنبا مينا مطران جرجا والبابا كيرلس السادس وأبونا عبد المسيح المقارى


فلتكن مع جميعنا أميــــن .

المصدر: †† ارثوذكس †† - من قسم: معجزات القديسين والقديسات

[rozy lover]

بركتهم تكون معانا
ميرسى كتير على المعجزه

[magdy totti]

بركة صلواتهم وشفااعتهم تكون معناا امين
بجد معجزة جميلة اااوى
ربنااا بيعمل الصاالح على طواااال
ربناا يعوض تعب محبيتك
ويباارك حياااتك

[نبيل نصيف جرجس]

شفاعتهم المقدسة تكون معانا كلنا مرسى اوى لحضرتك على المعزة الحلوة دى

[rooney93]

معجزة جميلة
ربنا يباركنا

[manshi55]

ميرسي ليكم يا اخوتى الاحباء
روزى
توتى
نبيل
رونى
على مروركم الجميل للموضوع
وربنا يبارك حياتكم
بصلوات أبائنا القديسين العظماء
والســـــــــواح المعاصرين
البابا كيرلس والأنبا مينا وأبونا عبد المسيح
أميـــــــــــــن