تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



الموضوعات الشبابية يتكلم الكثير والكثير عن الشباب وحياتهم فى كل الاعمار

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


اللقاء الخامس لبرنامج الوجه الاخر

غريبةالناس كل الناس وراء كل وش بتلس من تانى وش ويقولة وش خشب وش حديد والف وش وش وش فية رتوش واحسايس مبيزهروش

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية zaza2006
zaza2006
بنت تماف ايرينى
zaza2006 غير متواجد حالياً
 
رقم العضوية : 24995
تاريخ التسجيل : Apr 2008
مكان الإقامة :
عدد المشاركات : 8,861
عدد النقاط : 38
قوة التقييم : zaza2006 is on a distinguished road
افتراضي اللقاء الخامس لبرنامج الوجه الاخر

كُتب : [ 08-18-2010 - 10:44 PM ]


اللقاء الخامس لبرنامج الوجه الاخر 57_1575_1604_1608_15




غريبةالناس كل الناس

وراء كل وش بتلس من تانى وش

ويقولة وش خشب وش حديد والف وش وش

وش فية رتوش واحسايس مبيزهروش

وحاجات لو تعيش او تموت مبيفرقوش

معك ومعايا شى والحقيقة شى عجيب

ازى القلب الى يحب يتولد الكرة فية

وازى رغم الوداعة نخفى بركان غضب

ولما نفرح نطير فى السماء لفوق السحاب

وفى لحظة الحزن يكسرنا ونستخبا وراء الف باب وباب

والغريب والعجيب نرجع وننسا الى كان ولا كانة كان

نرسم بسمة وضحكتنا تعلا تكسر ببان

ونزين وشوشنا ونرجع نلبس وش الانسان

غريبة الناس كل الناس

وراء كل وش فى الف وش وللحقيقة متعرفش


اللقاء الخامس لبرنامج الوجه الاخر lin14.gif


مساء الفل على احلى اعضاء


اللقاء الخامس لبرنامج الوجه الاخر lin14.gif


وحشتونااااااا جدا ده ميعاد اللقاء الخامس لبرنامج الوجه الاخر

اتمنى يكون حلقات البرنامج عجباكم

اما العضوة الرابعة اللى معانا النهاردة

فهى عضوة بجد من خلال لقاءنا معاها

اكتشفنا انها عضوة زى العسل

العضوة


اللقاء الخامس لبرنامج الوجه الاخر avatar32114_2.gif


MRAMER



اهلا وسهلا بيكى يا مرمر منورة برنامج الوجه الاخر

طبعا فالبداية عايزين نتعرف على مرمر اكتر



اللقاء الخامس لبرنامج الوجه الاخر 1_8.gif




الوجه الاخر :اسمك ؟

مرمر:أنا مقدرش أقول أسمي
وفي أعضاء كتير هنا عارفين كدا
بس مرامر حلووووووو
ولا إيه

اللقاء الخامس لبرنامج الوجه الاخر heartbar_2.gif



الوجه الاخر: السن؟

مرمر:17 سنة


اللقاء الخامس لبرنامج الوجه الاخر heartbar_2.gif



الوجه الاخر:مؤهلك؟

مرمر:لسة في ثانوية عامة
تالته ثانوي



اللقاء الخامس لبرنامج الوجه الاخر heartbar_2.gif



الوجه الاخر: ايه هى هواياتك؟

مرمر:بحب أعزف علي الأورج أوي
وبحب أرنم الترانيم بصوتي



اللقاء الخامس لبرنامج الوجه الاخر heartbar_2.gif


الوجه الاخر: مين هو مثل مرمر الاعلى؟

مرمر: من القديسين حبيبتي العدرا
ومن الدنيا بابا


اللقاء الخامس لبرنامج الوجه الاخر heartbar_2.gif


الوجه الاخر: ايه هى صفات شخصية مرمر؟

مرمر:
شخصية بسيطة أوي أوي
مش بحب الكلام الكتير
وممكن أكون ذكية نوعا ما وهادية شوية
بس لما حد يعصبني يبقي أمه داعيه عليه



اللقاء الخامس لبرنامج الوجه الاخر heartbar_2.gif



الوجه الاخر:هههههههه ربنا يستر عليه

وياترى ايه صفات شريك حياتك؟


مرمر: لازم أول حاجة يكون بتاع ربنا يعني مواظب علي الكنيسة والصلاة
يكون كريم يعني لا مبذر ولا بخيل
يكون بيحبني بجد بجد وحنين أوي
وطيب وشهم ويكون مش بيحب السجاير
وكفاية كدا لحسن شكلي مش هلاقي حد كدا
هههههههههههههه



اللقاء الخامس لبرنامج الوجه الاخر heartbar_2.gif



الوجه الاخر: ههههههههه كل دى صفات ربنا يديكى يااختى

طيب ايه هو الحلم اللى كان نفسك تحققيه وفشلتى؟

مرمر:أنا كنت بحلم أني أطلع من أوائل الجمهورية
بس مش عارفة الحلم دا هيتحقق ولا لأ



اللقاء الخامس لبرنامج الوجه الاخر heartbar_2.gif



الوجه الاخر: باذن الله ياقمر ربنا يديكى اللى نفسك فيه
مرمر شايفه ليها اكتر من وجه؟

مرمر: لو قلت لأ يبقي بكدب عليكوا
أنا ممكن يكون ليا وجه أخر بس مش بحبه أبدا



اللقاء الخامس لبرنامج الوجه الاخر heartbar_2.gif


الوجه الاخر: لو ليكى هتكون ايه صفات الوجه الاخر؟

مرمر: يعني صفاته أنه بيغضب بسرعة ومش متفاهم
علشان كدا مش بحبه خالص ونفسي أخلص منه وأعيش بطبعتي


اللقاء الخامس لبرنامج الوجه الاخر heartbar_2.gif


الوجه الاخر: ايه الكلمة اللى نفسك تحذفيها من قاموس حياتك؟

مرمر:الخيانة


اللقاء الخامس لبرنامج الوجه الاخر heartbar_2.gif


الوجه الاخر: لو طلبنا من مرمر امنية تتمنى ايه؟

مرمر:أتمني أني أدخل كلية صيدلة وأن ربنا يحافظلي علي بابا وماما


اللقاء الخامس لبرنامج الوجه الاخر heartbar_2.gif


الوجه الاخر: لو رجع الزمن لورا تحبى تعملى ايه معملتهوش زمان؟

مرمر: كنت حاولت أبقي خادمة في الكنيسة وأشتركت في النشاطات بتاعة الكنيسة
لان دا حلم حياتي اللي بسعي ليه وهفضل اسعي ليه لحد ما أوصله


اللقاء الخامس لبرنامج الوجه الاخر heartbar_2.gif



الوجه الاخر: لو حبيتى توعدى ربنا بوعد توعديه بايه؟

مرمر:أوعده أني عمري ما هعمل حاجة تزعله مني أبدا
وأني هستغل كل حاجة إدهاني بمساعدتة ليا



اللقاء الخامس لبرنامج الوجه الاخر heartbar_2.gif



الوجه الاخر: ايه هو حلم حياتك؟

مرمر:نفسي أحقق مستقبلي وألاقي الإنسان اللي يستاهلني



اللقاء الخامس لبرنامج الوجه الاخر heartbar_2.gif


الوجه الاخر:

دول شوية كلمات شوف تقولها لمين


اسفة

مقدرش استغنى عنك

كان احلى يوم فحياتى يوم ماعرفتك

هنساك


مرمر:

اسفة:لكل واحد زعلته في المنتدي هنا سواء كنت قاصدة أو مش قاصدة

مقدرش استغنى عنك: لحبيبي المستقبلي
ههههههههههه


كان احلى يوم فحياتى يوم ماعرفتك:
واحد أعرفه من قريب

هنساك:
لواحدة أتصدمت فيها



اللقاء الخامس لبرنامج الوجه الاخر heartbar_2.gif


الوجه الاخر: قوليلنا يا مرمر لو كنتى مكان رئيس الجمهورية كنتى هتعملى ايه؟

مرمر: كنت هعمل حاجتين
الأولي: أحافظ علي حق المسيحين هنا وأرحمهم من الضيق اللي شايفينه
تاني حاجة : كنت هشيل وزير التربية والتعليم اللي تعبنا في عشتنا وناوي يجيب أجلنا قريب
ههههههههههههه


اللقاء الخامس لبرنامج الوجه الاخر heartbar_2.gif


الوجه الاخر: ايه معنى الحب من وجهه نظرك؟

مرمر : الحب هو العطاء والتضحية والبذل من أجل الحبيب
زي المسيح ما عمل
ياريت نتعلم منه الحب الحقيقي



اللقاء الخامس لبرنامج الوجه الاخر heartbar_2.gif

الوجه الاخر: هل حبيتى قبل كده؟

مرمر: مقدرش أقول علي اللي كان بيحصل وأنا صغيرة أنه حب
الحب ليه معني كبير أوي لسة ميتفهمش دلوقتي في السن دا
ولكل شئ تحت السماء وقت


اللقاء الخامس لبرنامج الوجه الاخر heartbar_2.gif

الوجه الاخر: ايه الحاجة اللى ممكن تفرق بينك وبين شخص بتحبيه؟

مرمر: لو الشخص دا بيحبني أوي أوي
يبقي اللي يفرق بيني وبينه الموت

اللقاء الخامس لبرنامج الوجه الاخر heartbar_2.gif


الوجه الاخر: ايه اكتر موقف مضحك حصلك؟

مرمر:مفيش أكتر من الموقف اللي أنا فيه دلوقتي دا
صدقيني أقعدت أضحك لما لقيت نفسي الضيف
ههههههههههههه


اللقاء الخامس لبرنامج الوجه الاخر heartbar_2.gif

الوجه الاخر: تدى الالقاب دى لمين من اعضاء ارثوذكس؟

النشيط
مدمن نت
لماح
كاتم اسرار

مرمر:

النشيط؟
هيما
و

kiro0oalex



مدمن نت؟


dodielpop

لماح؟


nermos1982
و
دميانة لطفي


كاتم اسرار؟


الأمير الحزين

اللقاء الخامس لبرنامج الوجه الاخر heartbar_2.gif


الوجه الاخر: لو فيوم خطيبك طلب منك مش تشتغلى هتسمعى كلامه مع انك متمكسة بشغلك جدا؟

مرمر:لأ مش هقدر أسمع كلامه لأن دا مستقبلي ولازم أفهمه دا كويس ولو إعترض يبقي مش بيحبني وبيفكر في نفسه بس

اللقاء الخامس لبرنامج الوجه الاخر heartbar_2.gif

الوجه الاخر: ايه هى الفترة اللى نفسك ترجع من حياتك؟ وليه؟

مرمر:أنا بعتبر نفسي في أحلي أوقات في حياتي
والفترة دي أبتديت من ساعة ما دخلت إبتدائي
أجمل الأوقات بقضيها مع أصحابي ومش بعمل حاجة غير المذاكرة
أه ممكن تكون فترة متعبه لكن الواحد هيحس بيها لما يعديها ويلاقي مشغولياته كتيرة وأصحابه مبقاش عارف يشوفهم زي الأول


اللقاء الخامس لبرنامج الوجه الاخر heartbar_2.gif


الوجه الاخر: عمرك اتظلمتى قبل كده؟ وياترى كان ايه السبب؟

مرمر: بصراحة أتظلمت كتيييييييييييييير
أخرها في نتيجة السنة اللي فاتت
والسبب أن كتييييييييير بيحكموا عليا من غير ما يتعملوا معايا ولا حتي يتكلموا معايا
ودا في حد ذاته ظلم ليا



اللقاء الخامس لبرنامج الوجه الاخر heartbar_2.gif


الوجه الاخر: مرمر شايفة الحياة ازاى؟وايه اكتر حاجة حلوة فحياتك؟

مرمر: الحياة عامله زي المركب لو قودتيها صح هتوصلك لبر الأمان و مش هتعذبك
لكن لومعرفتيش تمشيها ممكن تعاندك وللأسف ممكن تغرقك
وأكتر حاجة حلوة في حياتي أني ألاقي ناس بتحبني وبتخاف عليا ومهتمه بيا
ودا أبتديت أحس بيه أكتر لما دخلت المنتدي هنا


اللقاء الخامس لبرنامج الوجه الاخر heartbar_2.gif



الوجه الاخر: ايه اكتر شىء بتكرهيه فالحياة؟

مرمر: الكراهية والكذب والغدر والانانية
وان حد يهملني
حاجات صعبة أوي
صح؟؟؟؟؟؟؟؟؟



اللقاء الخامس لبرنامج الوجه الاخر heartbar_2.gif


الوجه الاخر: من وجهه نظرك ايه اللى كان زمان موجود حلو ودلوقتى مبقاش موجود؟

مرمر: زمان الحب كان حقيقي وبجد
دلوقتي بعض الشباب مش كلهم هدفهم التسلية واللعب بالمشاعر
وكمان زمان كان في حشمة وإحترام
دلوقتي للأسف الكلام دا إنعدم
مش عايزة حد يزعل مني بس هو دا اللي أنا شايفاه ومزعلني أوي التجديف اللي بنجيبه إحنا علي أسم الله بأفعالنا
ويل لمن تأتي منه العثرات



اللقاء الخامس لبرنامج الوجه الاخر heartbar_2.gif


الوجه الاخر: ايه الحاجة الحلوة اللى استفدتيها من ارثوذكس؟

مرمر: بجد المحبة اللي بين الأعضاء والتسامح
وكل يوم بطلع بمعلومة جديدة منه
ولقيت كمية مواهب ملهاش حل هنا
ربنا يعوض تعبكم كلكم بجد علي كل اللي بتعملوه هنا
وربنا هيكافئ كل واحد علي قد تعبه


اللقاء الخامس لبرنامج الوجه الاخر heartbar_2.gif


الوجه الاخر: ايه الكلمة اللى تحبى تقوليها ل اعضاء منتدى ارثوذكس؟


مرمر:ربنا يخليكوا ليا كلكم يا أحلي وأغلي أصحاب ممكن أقبلها في حياتي
بجد أي كلمة ممكن تتقال ليكم هتبقي قليلة أوي ومش هتوفيكم حقكم
وعايزين ننمي المنتدي أكتر وأكتر بمشركاتكم الرائعة يا أغلي أعضاء في الدنيا


اللقاء الخامس لبرنامج الوجه الاخر heartbar_2.gif



الوجه الاخر: لو حبيت تقولى كلمة لبرنامجنا تقولى ايه؟

مرمر:أقولكم ربنا يسامحكم علي الموقف الصعب اللي أنتوا حطتوني فيه
هههههههههههه
بجد ربنا يعوض تعب محبتكم أنتي ومجدي علي تعبكم الكبير دا




اللقاء الخامس لبرنامج الوجه الاخر heartbar_2.gif


الوجه الاخر : ههههههههههههههه بجد حلقة زى العسل يا مرمر كنتى منورنا ونتمنى ليكى التوفيق فى حياتك ياقمر وتطلعى من الاول وتبقى دكتورة كبيرة ونتعالج عندك ببلاش هههههههه


ولو اى عضو حابب يوجه سؤال ل مرمر يتفضل وهى هتجاوب عليكم



اللقاء الخامس لبرنامج الوجه الاخر qatarw_eNjZvqd3m.gif




الحلقة دى قربنا شوية من شخصية مرمر انتظرونا الحلقة


القادمة مع عضو جديد نعرف عنه اكتر واكتر

اتمنى تكون الحلقة عجبتكم


لو اى عضو حابب يكون ضيف معانا فالبرنامج يبعتلنا رسالة





مع تحيات








اللقاء الخامس لبرنامج الوجه الاخر 20_1582_1578_1605_3.





التعديل الأخير تم بواسطة zaza2006 ; 08-19-2010 الساعة 05:32 PM
رد مع إقتباس
Sponsored Links
بياناتي
 رقم المشاركة : ( 2 )
nermos1982
ارثوذكسي ذهبي
رقم العضوية : 394
تاريخ التسجيل : May 2007
مكان الإقامة :
عدد المشاركات : 8,638
عدد النقاط : 18

nermos1982 غير متواجد حالياً

افتراضي رد: اللقاء الخامس لبرنامج الوجه الاخر

كُتب : [ 08-18-2010 - 10:59 PM ]


لقاء جامد بجد يا نهى ومرمر عضوة لذيذة بجد
ميرسى يا نهى على تعبك وسيبيلى كده شهر ولا شهرين افكر فى سؤال اساله

رد مع إقتباس
بياناتي
 رقم المشاركة : ( 3 )
MRAMER
حبيبة العدرا
رقم العضوية : 32114
تاريخ التسجيل : Jun 2008
مكان الإقامة : أسوان
عدد المشاركات : 4,499
عدد النقاط : 23

MRAMER غير متواجد حالياً

افتراضي رد: اللقاء الخامس لبرنامج الوجه الاخر

كُتب : [ 08-18-2010 - 11:29 PM ]


أولا أحب أشكر نهي ومجدي علي المقلب ههههههههههه قصدي الحلقة الجميلة دي
بجد ربنا يعوض تعب محبتكم وبجد أنا مش عارفة أنا طلعت الكلام دا إزاي


ثانيا أقول لنرمين مرسي ليكي يا قمر علي كلامك الجميل دا ودا شرف ليا أنك تكوني أول عضو يرد علي الحلقة بتاعتي يا قمر
وبعدين هتقعدي شهرين تفكريلي في سؤال
لييييييييييييييييه يا بنتي
ههههههههههههههه
براحتك يا قمر


رد مع إقتباس
بياناتي
 رقم المشاركة : ( 4 )
dodielpop
Thank you lord
رقم العضوية : 105910
تاريخ التسجيل : May 2010
مكان الإقامة : ارض يسوع
عدد المشاركات : 1,033
عدد النقاط : 20

dodielpop غير متواجد حالياً

افتراضي رد: اللقاء الخامس لبرنامج الوجه الاخر

كُتب : [ 08-18-2010 - 11:32 PM ]


ميرسي بجد يا نهي علي الحلقة الجامدة دي ومرمر بجد شخصية جميلة وانا بحبها اوووووووووووووووووي
اصبري بس يا مرمر امخمخلك شوية اسئلة

رد مع إقتباس
بياناتي
 رقم المشاركة : ( 5 )
lovejesus2011
ارثوذكسي متألق
رقم العضوية : 107471
تاريخ التسجيل : Jun 2010
مكان الإقامة :
عدد المشاركات : 1,252
عدد النقاط : 17

lovejesus2011 غير متواجد حالياً

افتراضي رد: اللقاء الخامس لبرنامج الوجه الاخر

كُتب : [ 08-18-2010 - 11:35 PM ]


لقاء حلوووووووو بجد يا مرمورة انتى جميلة و ذكية جدا
و انشاء اللة هاتبقى احسن صيدلانية فى مصر

رد مع إقتباس
بياناتي
 رقم المشاركة : ( 6 )
MRAMER
حبيبة العدرا
رقم العضوية : 32114
تاريخ التسجيل : Jun 2008
مكان الإقامة : أسوان
عدد المشاركات : 4,499
عدد النقاط : 23

MRAMER غير متواجد حالياً

Rose رد: اللقاء الخامس لبرنامج الوجه الاخر

كُتب : [ 08-18-2010 - 11:35 PM ]


اقتباس
المشاركة الأصلية كتبت بواسطة dodielpop مشاهدة المشاركة
ميرسي بجد يا نهي علي الحلقة الجامدة دي ومرمر بجد شخصية جميلة وانا بحبها اوووووووووووووووووي

اصبري بس يا مرمر امخمخلك شوية اسئلة
هئ هئ هئ هئ
ليه يا دودو دا أنا حبيبتك
هههههههههههههههههه

براحتك يا قمررررررررررررررر

رد مع إقتباس
بياناتي
 رقم المشاركة : ( 7 )
zaza2006
بنت تماف ايرينى
رقم العضوية : 24995
تاريخ التسجيل : Apr 2008
مكان الإقامة :
عدد المشاركات : 8,861
عدد النقاط : 38

zaza2006 غير متواجد حالياً

افتراضي رد: اللقاء الخامس لبرنامج الوجه الاخر

كُتب : [ 08-18-2010 - 11:38 PM ]


هههههههههههه شهر ولا شهرين حرام عليكى

رد مع إقتباس
بياناتي
 رقم المشاركة : ( 8 )
zaza2006
بنت تماف ايرينى
رقم العضوية : 24995
تاريخ التسجيل : Apr 2008
مكان الإقامة :
عدد المشاركات : 8,861
عدد النقاط : 38

zaza2006 غير متواجد حالياً

افتراضي رد: اللقاء الخامس لبرنامج الوجه الاخر

كُتب : [ 08-18-2010 - 11:44 PM ]


قوليلى بقى يا مرمر


س 1 ليه مش عايزة تقولى اسمك الحقيقى ؟

س2 لو بقيت خادمة هتعملى ايه فخدمتك؟

س3 مرمر بتعترف بغلطها ولا لا؟


يلا ياستى جاوبى على ما افكرلك شوية كمان

رد مع إقتباس
بياناتي
 رقم المشاركة : ( 9 )
جراح المسيح
ارثوذكسي جديد
رقم العضوية : 113716
تاريخ التسجيل : Aug 2010
مكان الإقامة :
عدد المشاركات : 5
عدد النقاط : 15

جراح المسيح غير متواجد حالياً

افتراضي رد: اللقاء الخامس لبرنامج الوجه الاخر

كُتب : [ 08-18-2010 - 11:47 PM ]


الله برنامج رائع جدا ، انا اول مرة اشارك والبرنامج شدنى قوى بصراحة ، على فكرة يا نهى الاسئلة كانت صعبة قووووى بس عضوتنا الجميلة مرمر كانت قدها وردودها فوق الممتازة اجابتها على قد السوال وفى الجون زى ما بيقولوا بجد تسلموا للمنتدى ، ربنا يخليكم وتعملوا حاجات تفرح قلوبنا ...
لو هااسائل مرمر هااقولها : " لو صادفك الحب ها تتمسكى بيه ولا ها تسبيه للظروف ؟ "


رد مع إقتباس
بياناتي
 رقم المشاركة : ( 10 )
zaza2006
بنت تماف ايرينى
رقم العضوية : 24995
تاريخ التسجيل : Apr 2008
مكان الإقامة :
عدد المشاركات : 8,861
عدد النقاط : 38

zaza2006 غير متواجد حالياً

افتراضي رد: اللقاء الخامس لبرنامج الوجه الاخر

كُتب : [ 08-18-2010 - 11:56 PM ]


شكرا جراح المسيح على ردك نورتنا
عايزينك ضيف معانا قريب

رد مع إقتباس

اضافة رد

مواقع النشر (المفضلة)

الكلمات الدلالية (Tags)
الاخر, الخامس, اللقاء, الوجه, لبرنامج

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اللقاء الاول لبرنامج الوجه الاخر zaza2006 الموضوعات الشبابية 37 09-14-2011 02:02 PM
اللقاء العاشر لبرنامج الوجه الاخر zaza2006 الموضوعات الشبابية 38 09-24-2010 12:51 AM
اللقاء الحادى عشر لبرنامج الوجه الاخر zaza2006 الموضوعات الشبابية 53 09-20-2010 02:40 PM
اللقاء السادس لبرنامج الوجه الاخر zaza2006 الموضوعات الشبابية 40 09-14-2010 11:36 PM
اللقاء الرابع لبرنامج الوجه الاخر zaza2006 الموضوعات الشبابية 60 09-09-2010 02:19 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 10:21 AM.