تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



حوار من الاعماق

منتدى مفتوح للحوار مع الزوار والاعضاء فى كل شيء دون تسجيل بالموقع حتى لا يكون به اى احراج لاى شخص ودون التعرف على شخصيته اتكلم من القلب وخرج كل ما بداخلك † من غير ما تقول انت مين هاكون معاك امين †


مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


محتاج مساعدتكم

أنا عندى 25 سنه و فى آخر سنه فى الكليه دايما بهرب من المسئوليه و الضغوط كنت بعرف أعمل كده بس دلوقتى مش عارف.كنت دايما بهرب لجنون الكوره و بعدين

اضافة رد

 
أدوات الموضوع تقييم الموضوع انواع عرض الموضوع

رقم المشاركة : ( 1 )
غير مسجل
Guest
 
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :
قوة التقييم :
افتراضي محتاج مساعدتكم

كُتب : [ 06-23-2012 - 05:45 PM ]


أنا عندى 25 سنه و فى آخر سنه فى الكليه دايما بهرب من المسئوليه و الضغوط كنت بعرف أعمل كده بس دلوقتى مش عارف.كنت دايما بهرب لجنون الكوره و بعدين زودت معاها العاده السريه و فضلت مدمنهم سنين كنت بصرخ لربنا أنه يحررنى و فعلا حررنى من العاده و بعدها حررنى من الكوره وقتها كنت بعرف أشبع بربنا أوى بس كان دايما الدراسه عندى مشكله بهملها و بحاول أهرب منها زى ما قولت عشان كده كنت بسقط بأستمرار بس مكنش ده هاممنى او موترنى.أنا بيجيلى أكتئاب من و أنا فى أولى ثانوى و بأخد أدويه بس مش بأنتظام لما ببقى كويس ببطلها يمكن عشان كده بيرجع ليا تانى المفروض انى أخد ادويه مثبته للمزاج عشان ميجنيش اكتئاب تانى و المفروض انى افضل على الأدويه دى علطول أنا حاليا عندى استعداد انى أعمل كده و أكمل بس أرتاح من التوتر و الخوف و القلق اللى أنا فيه.بس أبتديت أحس أنه العلاج مالوش لازمه بيعالج المشكله ظاهريا بس العلاج الحقيقى عند ربنا بس عاوز أعرف رأيكم فى الموضوع ده أكمل و لا أبطل؟.أنا فى فتره قريت فيها موضوعات لاهوتيه كتير و مقارنات عقائديه الفتره دى جبتلى شكوك كتير و حتى بعد ما ربنا خلانى أعدى الشكوك دى برضه فقدت ايمانى البسيط و بقيت كل حاجه بشك فيها و احسبها بعقلى نفسى أرجع زى الأول فى بساطة الأيمان بس مش عارف.حاليا أنا أى حاجه ليها علاقه بالكليه و بالتعليم عموما بتوترنى لدرجة انه فى امتحانات ما روحتهاش و المشكله الأكبر أنى مبقتش حاسس بربنا و ثقتى فيه و فى حبه ليا بتقل أنا احيانا بشتكيه كأنه هو السبب فى مشاكلى و مرضى و دى أكتر حاجه مزعلانى لأنى عارف أنه فى كل ضيقى بيتضايق و أنه اكتر حد عاوزنى سعيد و سعادتى معاه.معرفش أرجع أحس بيه و أشبع بيه تانى أزاى؟فكرت اصلا انى اسيب الكليه خالص عشان أستريح من ضغط الدراسه بس بحس ان دى فكره هبله خصوصا بعد كل السنين اللى أنا ضيعتها فيها.انا معنديش مشكله لو ضيعت سنين تانى فى الكليه بس انا نفسى اكسب نفسى و صحتى و سعادتى.احيانا بيبقى عندى رجاء و أفكر نفسى و أفكر ربنا باللى عمله معايا و ازاى هو حررنى من ادمان و جنون الكوره و كمان من العاده و ده شىء مكنتش حتى أحلم أنه ممكن يحصل و أحيانا تانى بفقد رجائى خالص و أقول انى هفضل تعبان و مريض كده على طول.حاليا كل شىء مالوش طعم بالنسبه ليا و الدراسه و الأمتحانات بقت رعب بالنسبه لى مع العلم انى بأخد أدويه و مضادات أكتئاب من شهور.بحاول أعتمد على كلام ربنا و حقه المعلن فى كلمته و اتمسك بيه و أمشى وراه بدل أفكارى و مشاعرى و عارف أنه الحق اللى فى كلام ربنا بيحرر و أكيد أقوى بس للأسف أنا دايما مشاعرى هى اللى بتحركنى و معنديش أى تحكم فى مشاعرى أو أفكارى.حاليا أنا برضه بهرب بس للنوم أو الأكل نفسى أتعلم أهرب فى حضن ربنا من ضغوطى و مشاكلى بس مش عارف.أنا خلاص قولت كل حاجه و ربنا يديكم اجابات و ردود تقدر تساعدنى



رد مع إقتباس
Sponsored Links
بياناتي
 رقم المشاركة : ( 2 )
folla
ارثوذكسي مكافح
رقم العضوية : 129445
تاريخ التسجيل : Apr 2011
مكان الإقامة :
عدد المشاركات : 126
عدد النقاط : 37

folla غير متواجد حالياً

افتراضي رد: محتاج مساعدتكم

كُتب : [ 06-24-2012 - 07:58 PM ]


عزيزي... إنت إبن لله .. لكن واضح إن في قيود نفسية مقيداك زي الخوف والإضطراب مما أدى للوصول بك لمرحلة الإكتئاب

بس أنا شايفة إنك دقت الحرية من أمور تكاد تكون هي نقاط الضعف الأساسية التي تهدد معظم الشباب حتى المؤمنين منهم . .. ومع ذلك ملهاش سلطان عليك ومتقدرش تغلبك لأنك حر منها

عاوزة أسألك ... إنت عملت إيه عشان تتحرر من هذه القيود؟؟
وقبل متجاوبني أحب أقولك إنك طلبت بإخلاص
سواء صليت لوحدك أو حد صلى معاك

في النهاية مكانش عندك وسيلة غير الصلاة

إنت بتقول إنك عاوز ترجع لكن مش قادر تروح له
وده بسبب القيود النفسية الناتجة من الخوف والإضطراب

لأن الخوف هو الي بيثبت إن الإنسان منفصل تماماً عن مراحم ومحبة الله الأب

لأنه مكتوب

(لا خوف في المحبة , لأن المحبة الكاملة (حب الرب) تطرد الخوف إلى خارج)

لأنه حينما ينفصل القلب عن حب الرب الأبوي وعشرته تكون النتيجة الحتمية خوف ورعب
ومع الإستسلام لهذه الحالة تتحول مع الوقت لقيود تصعب جداً على الإنسان الرجوع إلى حضن الرب

ولكن يبقى لديك الإرادة برغم تلك القيود

لذلك كل ما عليك هو تفعيل هذه الإرادة
كيف؟؟!!

الإصرار من كل قلبك على التحرر وذلك باللجوء لأحد ليصلي معك ويكون ممتلئ من الروح القدس ولديه موهبة كسر القيود

هذا الشخص سيساعدك في التحرر
لأنه بكسر هذه القيود سيسهل عليك تماماً الرجوع لقلب الله ولموضعك الأصلي الذي فقدته

ولو كنت حصلت على التحرير بدون مساعدة أحد (أقصد بصلاتك الشخصية فقط) فطوباك

تسطيع أن تقوم بنفس الأمر

ليس لي إلا أن أشير عليك بأن تنتفض وترفض خوفك وتطلب معونة الرب لأنه هو حتماً سيحررك

على فكرة إبليس لما إتهزم بسبب تحررك الأول مهانش عليه يسيبك حر ففضل وراك لغاية مقيدك تاني

عشان كده قوم وكرر عليه نفس التجربة
وخليه يدوق الهزيمة تاني

خليه يهرب منك ويعرف إنك حر في المسيح

تأكد أن صراخك سيرعبه

تأكد أن إرادتك ستهزمه

الرب يسمع صراخ المسيكن ولا يرذل تضرعه

هو قال
(روح الرب علي لأنه مسحني لأبشر المساكين .. أرسلني لأشفي المنكسري القلوب.. لأنادي للمأسورين بالإطلاق .. وللمسبيين بالعتق.. لأرسل المنسحقين في الحرية..)

رجاء محبة: لا تشغل نفسك باللاهوت المقارن والفروق العقائدية التي لا تنفع بل تهدم وتزعزع يقينك في الرب الواحد

إن حاجتنا اليوم إلى الإله الواحد لإنه هذه مشيئته
وهذا ما قاله في يوحنا 17

أريد أن يكون الجميع واحد كما إني أنا وأنت أيها الآب واحد ليعرف العالم إنك أرسلتني


سأصلي من أجلك كثيراً ولن أسكت حتى أطمئن منك بأنك رجعت لحضن أبوك السماوي
لأن هذا هو مكانك ومسكنك الحقيقي أيها الأبن المحبوب في الرب

وأرجوك أن تبلغنا في أرثوذكس بخبر تحررك ورجوعك لحضن الآب شهادة للرب
لأن ذلك يقيننا في أرثوذكس

واله المجد وحده قادر أن يفتقد قلبك بالحب الأبوي فتنعم وتطمئن ويملأك من فرح أبدي ومجيد لا ينطق به

....إطمئن....

هذا هو ميراثك وحقك في يسوع المسيح

أطلب وأصرخ له هو سيعطيك فوق ما تطلب أو تفتكر كما فعل معك سابقاً

وتذكر كلماته عندما قال

(لأنه تعلق به أنجيه, أرفعه لأنه عرف أسمي , معه أنا في الضيق, أنقذه وأمجده, من طول الأيام أشبعه وأريه خلاصي)

(تعالوا إلي يا جميع المتعبين والثقيلي الأحمال وأنا أريحكم)

إنت حقك ترتاح وتفوق

حقك تغني وتحلم

حقك تختبر الإنطلاق والفرح الحقيقي

وطالما تعرف الطريق والحل

إنهض بسرعة وإجري لخلاصك

ومتضيعش وقت في الهم والإستسلام

الرب يحفظك

رد مع إقتباس
بياناتي
 رقم المشاركة : ( 3 )
غير مسجل
Guest
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :

افتراضي رد: محتاج مساعدتكم

كُتب : [ 06-26-2012 - 01:22 AM ]


كلامك مشجع جدا عمال أفكر فى أخر جزء فى كلامك حقك ترتاح و تفوق و تحلم و تغنى و تدوق الأنطلاق و الفرح الحقيقى نفسى ربنا يعمل معايا كده فعلا بس أنا حاليا عايش فى دوامة صغر النفس و رثاء الذات و روح الفشل و الكسل و شهوة البطن كهروب مش أكتر.فى تحررى الأولانى كنت بس مواظب على الأعتراف و أب أعترافى بيصليلى و أنا كنت بصلى لدرجة انى مره قولت لربنا يا تحررنى يا تأخدنى و لأنى عارف أنك بتحبنى فأنت مش هتأخدنى و أنا كده و بعد سنين صراع هو مكسفنيش.حاليا برضه أنا بقوله يا تشفينى يا تأخدنى مهما يأست أكيد هيحررنى لأنى فى التجربه اللى فاتت كنت وصلت لليأس من التحرر برضه بس حاليا أنا بارد جدا و مش منتظم فى صلاتى و لا عندى أحساس و حراره فيها.نفسى أتعلم أمشى بالأيمان مش بالعيان و مش باللى أنا حاسه و بفكر فيه بس ده صعب اوى عليا لأنى حد مودى و مشاعرى بتقودنى نفسى برضه أتحرر من كده.بحس أنه الحريه هى أقوى أحتياج عندى كنت متمرد على البيت عشان بدور على الحريه و لما حصلت الثوره فى مصر عشقتها عشان الحريه بس بعدين عرفت أنه الحريه اللى بجد هى فى ربنا بس و الثوره و القضاء على الفساد بيحصل بتجديد ربنا و عمل روحه القدس جوه القلب أنا عشت الأحساس ده لما أتحررت فى الأول بس كان دايما الدراسه و الفشل و الهروب قيد موجود فى حياتى.أتمنى أنك تصليلى و تواظبى على كده لحد ما ربنا يكمل عمله فيا لأنه كل مواهبه تامه و كل عطاياه كامله.لو عندك تعليق أو رد على كلامى المره دى يا ريت أشوفه و شكرا جدا على أهتمامك و تعبك


رد مع إقتباس
بياناتي
 رقم المشاركة : ( 4 )
غير مسجل
Guest
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :

افتراضي رد: محتاج مساعدتكم

كُتب : [ 06-26-2012 - 10:20 PM ]


أشكرك على ردك و أهتمامك كلامك مشجع جدا بس أنا حاليا مليان صغر نفس و رثاء على الذات و روح الفشل و الكسل مسيطر عليا و بحاول أهرب من الضغوط بأى شىء حتى لو كان مجرد الشراهه فى الأكل.أكيد أنا مفيش قدامى غير الصلاه و أب أعترافى لأنهم كانوا برضه وسيلتى الوحيده فى الأول. و يا ريت تستمرى فى صلاتك ليا لحد ما ربنا يكمل تحريره ليا. و أتمنى اجابتك عن سؤالى هل أستمر فى مشوار العلاج النفسى أم أتوقف و شكرا.


رد مع إقتباس
بياناتي
 رقم المشاركة : ( 5 )
غير مسجل
Guest
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :

افتراضي رد: محتاج مساعدتكم

كُتب : [ 06-28-2012 - 06:34 PM ]


طيب أكمل علاج نفسى و لا أبطل؟


رد مع إقتباس
بياناتي
 رقم المشاركة : ( 6 )
folla
ارثوذكسي مكافح
رقم العضوية : 129445
تاريخ التسجيل : Apr 2011
مكان الإقامة :
عدد المشاركات : 126
عدد النقاط : 37

folla غير متواجد حالياً

افتراضي رد: محتاج مساعدتكم

كُتب : [ 06-29-2012 - 05:58 PM ]


عزيزي .. أولاً: أنا بعتذر عن تأخري في الرد لظروف خاصة صعبت علي التواجد في المنتدى

ثانياً : لا تشكرني على أي شئ.. فقط أشكر الرب الذي يسخر كل الوسائل لمساعدتك

وأنا من جهتي أذكرك في صلاتي ولن أسكت حتى أفرح بعمل إلهي في حياتك

بالنسبة للعلاج النفسي اللي بتسأل عليه موجود عند واحد بس (يسوع شافي النفوس)

وأحب أن أشير عليك بشئ أنا متأكده منه إنه هيساعدك
لكن إنت وحدك صاحب القرار فيه

فيه إجتماع صلاة كل يوم إثنين الساعة 7 م بكنيسة قصر الدوبارة وبيكون في نهاية الإجتماع صلاة خاصة لكل شخص محتاج شفاء من أي أمور روحية أو نفسية أو جسدية

كمان إجتماع الجمعة الخاص بأبونا مكاري بالكنيسة المرقسية نفس الأمر

ولكن في كل الأحوال لي يقين أن الرب حتماً سيشفيك وهينتشلك مش بس من عذاب القيود لكن من عذاب البعد عن حضنه

وهترجع لأبوك الحقيقي وهتعيش في حضنه من تاني كأنك مولود جديد تفرح وتتهنى بصوته وحضنه الأبوي

وهفضل أصليلك لغاية متبلغنا بأخبار فرحتك وإنطلاقك لموضع سلامك وأمانك

لكن متنساش دورك يا بطل

إنك تقوم وترفض الإستسلام لصغر النفس والإنكسار

لازم تصر على حقك وميراثك في الحرية والسعادة الحقيقية

متخليش إبليس يكون له حاجه عندك

لازم تصمم إنك تدوسه مش هو اللي يدوسك

ولا تسمحله أبداً إنه يكسر عينك أو يذلك بشئ

متخافش ده طريق شفاء منتظرك فيه حضن المسيح

لكن الطريق ده بيبدأ بخطوة ..

(قرار العودة والرجوع ورفض الإستسلام)

قوم يا بطل وإحنا معاك للآخر
وتأكد إن الرب يسمع صراخك وهو بنفسه سيمسح كل دمعه من عينيك

رد مع إقتباس
بياناتي
 رقم المشاركة : ( 7 )
folla
ارثوذكسي مكافح
رقم العضوية : 129445
تاريخ التسجيل : Apr 2011
مكان الإقامة :
عدد المشاركات : 126
عدد النقاط : 37

folla غير متواجد حالياً

افتراضي رد: محتاج مساعدتكم

كُتب : [ 06-29-2012 - 06:23 PM ]


أنا مصدقاك وحاسة بألمك وعجزك لما بتقول إنك نفسك تنال الحرية لكن مش قادر تتحرك

متخافش.. طبيعي إنك متقدرش تصلي ويكون في فتور .. ما هو ده اللي بيثبت إن فيه قيود

القيد بيربط وبالتالي بيشل الحركة

لكن لما تروح لحد عنده سلطان وموهبة فك القيد هتبقى سهله جداً

هيتفك القيد وبعده تنطلق وتطير زي العصفور في السما

عشان كده أنا وضحت لك طريقين وإنت عليك تختار

وعايزاك تتأكد أن الرب بيعذرك جداً في حالك دلوقتي

هو مش بيدينك ولا بيلومك لأنه عارف إن ألمك وقيدك أقوى منك

مكتوب
إنه يرثي لضعفنا ... ويتألم في كل ضيقنا

مش ممكن يكون نسي العلاقة والعشرة الحلوة اللي كانت بينكم

ده لو إنت نسيت هو مينساش

أنا متأكده إنه بيتعذب لعذابك ولسبب بعدك عن حضنه

إنت أكيد وحشته قوي

وحشته عشرتك معاه وكلامك ومشاعرك الجميله تجاهه اللي بتلذذ قلبه وبتسره

عشان كده هو مستنيك بفارغ الصبر

وفي نفس الوقت قدم لنا الحل بدمه اللي كسر شوكة وسلطان إبليس علينا

عشان كده كل اللي علينا إننا نجري عليه وناخد الحق ده اللي وهبه لنا مجانا

رد مع إقتباس

اضافة رد

مواقع النشر (المفضلة)

الكلمات الدلالية (Tags)
محتاج, مساعدتكم

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محتاج لايدك فى الظلام اشرف وليم الصلوات وطلبات الصلاة 0 11-12-2012 06:35 PM
ربي انا محتاج اليك! اشرف وليم التأملات الروحية والخواطر الفكرية 3 07-04-2010 09:57 PM
محتاج مساعدتكم بسرعة فادي ابن الرب قسم طلبات البرامج 0 05-20-2009 02:36 AM
إلى كل الاعضاء ارجوكم محتاج مساعدتكم medoo_king قسم طلبات الميديا 0 04-11-2009 03:39 AM
اخوكم في الغربة محتاج مساعدتكم johny قسم طلبات الميديا 0 07-09-2008 10:49 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 12:07 AM.