[menovich]

Refresh Order

الموضوع يختص بأمر refrechالذي كلنا يتعامل معه في اليوم الواحد اكثر من مليون مره ولا احد يعلم ماذا يفعل هذا الامر او يعرف ولكن يعرف بطرقة خاطئه.

لو سألت احد يقوم بعمل refrechللديسك توب او لاي مكان بالجهاز او لماذا تدوس على زر F5 هاتكون الاجابه غربيه جداااااااااااااااا. يقولك اصله بيفرفش الجهاز!!!! او بينعنش الجهاز؟؟؟!!!! او يقولك دا بيفوق الجهاز؟؟ وكمان بيخليه يحمل بسرعة. صح؟ ولا انا غلطان؟

طبعا اجابات غريبة جدا لا تستند الى اى سند علمي او هندسي او حتي منطقي.
اذن ماذا يفعل هذا الامر من الناحية العلميه والهندسية والفعليه, وحتى نعرف الاجابه ونفهم جيدا يجب ان نعود الى الوراء قليلا...... نرجع حوالى 12سنه ... نرجع لايام وندوز 95 لو حد فاكره او اشتغل عليه اصلا.

ايام وندوز 95 مكانش فيه امر refrechاللي احنا عارفينه اصلا. ودا كان بيعمل مشاكل معانا, ومن الامثله على المشاكل دي انك لو مثلا قمت بنسخ ملف من او الى الديسك توب على سبيل المثال ممكن بعد عملية النسخ ماتشوفش الملف يعني النسخ تم ومع ذلك الملف او الفولدر مش ادامك. فيه ايه فين الملف, وكانت الطريقه الوحيده للتغلب على المشكله دي عشان الملف يظهر انك تقفل الصفحه الليي انت فيها وتفتحها تاني, لييييييييييه؟؟ لان اي صفحه بتتفتح بيتعمل لها عمليه Load يعني تحميل واثناء عمليه الــ Load او التحميل بيظهر من تاني كل مكونات الصفحة بما فيها الملف او الفولدر اللي تم نسخه وماظهرش وبالتالي بيظهر امامنا.

وهو ده كان الحل الوحيد للمشكله ايام وندوز95 . وكان في نوع تاني من المشاكل انك مثلا تحط اسطوانه في الدرايف ومايظهرش اسمها او تخرجها وتلاقي اسمها لسه موجود. طب نعمل ايه؟ كنا بنضطر برضه لقفل الصفحه وفتحها من تاني عشان تعمل عملية الــ LOAD لمحتوياتها فبالتالي لو في اي تغيير في المحتويات هايظهر.

وبعدين ظهر وندوز98 ومعاه نفس المشكله. لكن مايكروسوفت حلت المشكله مع الاصدار الثاني من وندوز98 Windows 98 Second Edition انها زودت امر refrechفي القوائم عشان المستخدم اللي بيعاني من ان في ملفات او عمليات بتتم ومابيظهرش تأثيرها نعمل لها refrechعشان تظهر وبمعني اوضح ان امر refrechبيعمل عملية Reload اعادة تحميل يعني لمحتويات الصفحة.

وهو ده مربط الفرس, اظن اننا دلوقت قربنا نفهم وظيفة امر refrechالليي كلنا بيألف في تعرفها.

المشكله الاكبر ان امر refrechامر مش خفيف لان عملية اعادة تحميل محتويات الصفحة مش عملية سهلة ومع ذلك تلاحظ ان معظم الناس والجهاز مهنج او بطئ عشان بيعمل حاجه او بيفتح برنامج او بيقتح لعبه عمال يدوس refrech,refrech, طب ليه هو الجهاز ناقص تقل. وبعدين الامر ده موجه للمنطقه اللي انت بتعمل ليها refrechيعني مش هايعمل حاجه مع البرنامج اللي مهنج الجهاز يعني مثلا واحد بيفتح الوورد والبرنامج بيفتح بالعافية تلاقيه عمال يدوس refrechعلى الديسك توب , طب مال الديسك توب ومال الـ refrechومال برنامج الوورد يا عم الحج.
وبعدين هو الجهاز ناقص تقل عشان تتقله اكتر بأمر اعادة تحميل محتويات الصفحة.

مشكله كبيرة جدا وقعنا فيها بسبب معدومي الخبرة من مدعي المعرفة بأمور الكمبيوتر والناس مظلومه مش فاهمه وكله مشي وراهم.

الرجاء من كل من قرأ هذا الموضوع ان ينشر المعلومه حتي تعم الفائده

المصدر: †† ارثوذكس †† - من قسم: منتدى الويندوز

[إيلي سمير]

أولاًعايز أقول للأخت الخادمه ماريان ماتزعليش على سفر ماما لكن لازم تفرحي إنها سافرت عند حبيبها رب المجد لأن أي أب وأي أم ليهم إبن خادم في منتدي زي منتدى أرثوذكس أكيد أكيد هيكون حبيبه رب المجد يسوع المسيح وبعدين يا أختي هى دلوقت بتطلب من رب المجد علشانك وعلشانكم وعلشاننا وجهاً لوجه بعد كانت هنا على الأرض بتطلب من خلال صلواتها عننا .
وثانياً عايز أشكرك جداً على المجهود المبذول في كل المجالات وربنا يكون معاكم دايماً ويخليلكم دايماً في نشاط روحي وعلمي وترفعوا عننا الصلوات على الدوام

[hany1982]

ميرسى على المعلومه الجميله وربنا يباركك

[besho555]

الله ينور عليـــــــــــك

[menovich]

المشاركة الأصلية كتبت بواسطة hany1982 ميرسى على المعلومه الجميله وربنا يباركك

نورت الموضع بمرورك

شكرا ليك

[menovich]

المشاركة الأصلية كتبت بواسطة besho555 الله ينور عليـــــــــــك

نورت الموضوع

شكرا ليك