[modo]

هو في اية في المنتدي دة محدش طايقني خالص كل ما احط موضوع محدش يرد ولا يعبر غي قليل وساعات مفيش اصلا وعلي العموم انا عايزة الغي عضويتي نهائيا من المنتدي بجد انا مضايقة منكوا

المصدر: †† ارثوذكس †† - من قسم: قسم مهرجان الكرازة

[aymonded]

سلام لنفسك يا محبوبة الله الحلوة
نورتي المنتدى كله بوجودك الحلو فيه
أولاً أعذرينا على التقصير الدائم في المنتدى
أأمريني أي خدمة أنا تحت امرك
أقبلي مني كل تقدير بمحبة ، النعمة معك

[الماكس مايكل]

لالالالا محدش طايقك ايه بس
انت منوره معنا
وموش تزعلى ابدا
واسفين على التقصير
وشاركى معنا

[الناى الحزين]

هو حد يقدر يستغنى عنك برضوا
ده انتى عزيزه بجد علينا كلنا
صحيح مش بنظهر كدا
لكن كلنا هنا بنحترمك وبنعزك جدا جدا
لو سمحتى اوعى تمشى وتسيبينا
منقدرش نستغنى عن اغلى اخت لينا
ربنا يفرح قلبك
ومنتظرين مواضيعك ومشاركاتك الشيقه

[Manno2008_2010]

سلام وبركة ربنا ليكي ولكل قريب وغالي عندك يابنت الملك

اقبلي اعتذار الجميع بس قبلهم احب اقولك حاجه مش شرط تستني رد الناس بس صلي ربنا يستخدم مواضيعك في خدمتهم . وبعدين انتي داخله تخدمي ولا داخله تاخدي ردود . اهتمي بأجرتك عند ربنا تخيلي لو الفاعل مستحق اجرته في الأرض عند ربنا بقى هايبقى ازاي . لو اخدتي مجدك من الناس هايقولك قد استوفيتي اجرك . تأكدي ان موضوعاتك خارجه ولها هدف من ربنا ولو لشخص واحد متيأسيش واصبري . وبعدين انا بعتذر لكل الناس اني مبقدرش ارد على كل الموضوعات لأني بشارك من موبايل وبشوفها كلها ع (الأر اس اس)(rss) ياريت تسامحوني . سلام ربنا ليكي ومتسيبش خدمتك بس صلي انها تيجي بثمر بدل ماتهمليها وطوري اسلوبك يمكن برضو يكون مبيرضيش الجميع . سلام ربنا يشمل حياتك

[البوب الجديد]

زعلتى لية دى فترة امتحانات وهتعدى وكل مشرف وكل واحد هيشوف شغلة فى المنتدى ومش لازم نستنى رد على المواضيع فى ناس عندها مواضيع متردش عليها



ملاحظة على شوية ناس فى المنتدى انتوا الاغلبية بترد على مواضيع الناس الى معروفة احيانا لكن احنا كعامل المشرفين الاساسى اننا نرد على مواضيع الناس الجديدة ونشجعهم
هههههههه
وفعلا بدائنا نعمل كدة مع هون هون بدائنا نشجعة لغاية لما هنسيب المنتدى
معلشى يا قمر متزعليش وانشاء الله مواضيعك كلها هتوصل للقمة

[eng_fofa]

حبيبتى متزعليش مننا لان الموضوعات بتبقى كتير جدا
انا عن نفسى برد على موضوعات كتير بتبقى مهمه بس متاخر لانى مش بقدر اتابع كل الاقسام
استمرى معانا وانشاء الله هتلاقى اهتمام من الكل
ربنا يفرح قلبك ياقمر

[البوب الجديد]

يلا يا ستى ابسطى فوفا بتقولك سيبى المنتدى وانتى لو مشيتى انا وراكى

ههههههههههههههه


يلا استمرى معانا ونبقى كلنا ببنادى خدمة للمسيح مش مستنين مقابل

[مانـــوو]

ال تسيبى المنتدى ال

كلنا هنا اخواتك جوه منتدنا الجميل ارثووووووو

اوعى تسبينا

[miro_rook]

لا يا ختي متزعليش
انا اقلك حاجه فعلا لما تلقي تجاوب مع الاعضاء ديه حاجه بتخلينا مبسوطين
لكن احنا لما بنحط موضوع بنحط كخدمه ونوع من انواع المحبه
متزعليش مننا واحنا كلنا هنا اخوات