[مايكل عبد الشهيد]

اهلا بيكم فى حلقه جديده من حلقات المفتش كرومبو

النهارده حصل حاجه غريبه ومضحكه لعضوه فى المنتدي

العضوه ايريني حشمت كانت طبخه وزه عاملاها بالفريك واعده على نار مستنيه الضيوف يجو مش عشان ياكلو ...لا عشان يتفرجو عليها وهى بتاكلها

جالها تليفون وهي رايحه ترد جرس الباب ضرب وعشان هى كانت رايحه ترد على التليفون وافتكرت ان مامتها هى اللى جت على الباب...فتحت الباب وطلعت جري على التليفون

بس الغريبه انها اما رجعت بصت مالقتش الوزه

طيران اتصلت بالمفتش كرومبو وهى بتعيط وقالتله......

الحقنى يا مفتش كرومبو الوزه اتسرقت دانا عماله اطبخ فيها ساعه كان نفسى حتى اكل الجناح الحقنى يا كرومبووووووووو

ولما وصل المفتش كرومبو مع العضو العبقريzezomero الشهير بسحس بومبا

وبعد الفحص اتاكد ان فى تلاته بس من المترددين على العضوه المسروقه واحد منهم هو اللى اكل الوزه وهما.....

1_ العضو اسامة ثروت مدرس الرياضه اللى بيدي درس لأخت ايريني حشمت واللي كان المفروض انه يكون عنده درس فى اليوم ده.....

2_ العضو الماكس مايكل بتاع اللبن اللى بيطلع كل يوم للبيت النص كيلو لبن......

3_العضوه kamer14 جاره العضوه المسروقه اللى كل شويه تنزل تخبط عليها تستلف منها مره ملح او فصين توم او تنزل تاخد منها انبوبه البوتجاز......

ولما سأل المفتش كرومبو الاعضاء قالو.....

1_اسامة ثروت........ولله يا مفتش كرومبو انا كان عندي حصه النهارده واتصلت هنا بالبيت عشان اعتزر بس لاقيت النمره مشغوله وجربت اكتر من مره ولما زهقت قولت انا عملت اللى عليا......اللا قولى يا كرومبو...مش عايز لك درس ...

2_الماكس مايكل.......لا يا معلم كرومبو انا ماجتش النهارده اصل الجاموسه كانت تعبانه وعندها اكتئاب عشان كده ماطلعتش لبن خالص ....اللا قولى يا معلم كرومبو ماتعرفش نمره حكيم نفساوي عشان يعالج الجاموسه دي

لمفتش كرومبو ....طبعا اعرف خش ياسحس

سحس ...لا يا مفتش كرومبو دي مش تخصصي ثم انت عايز ترمينى فى اى مصيبه ليه

3_kamer14 .....لا يا كرومبو انا اقدر اسرق حبيبتى ...دي الغاليا بنت الغالى لا عمرى انشاله يارب ماقدر اكولها ثم انا اعده اساسا هاموت من الجوع وماعنديش اى حاجه اكولها من امبارح اهئ اهئ........يوووووه نستنى دانا سايبه حله الرز على النار....اللا قولى يا كرومبو ماعكش فى جيبك شويه ملح........

لما كرومبو سأل سحس عن اللى سرق الوزه قاله....

سحس....طبعا عرفت اللي سرق الوزه هي اخت ايريني حشمت عشان تعد تاكلها طالما ماعندهاش درس عيب يا كرومبو دانا بومبااا ....سحس بومبا

للاسف سحس ماعرفش مين اللى سرق بس انا عرفت.....

وانتو كمان لو عرفتو اتصلو برقم(زيرو صفرين اربع اصفار))

وادي دقنى لو حد فيكم كسب حاجه
ههههههههههههه

مع تحيات

المفتش كرومبو

المصدر: †† ارثوذكس †† - من قسم: البرامج والخروجات الخاصة بالاعضاء

[kottah_sh]

قمر 14 الطفسه هيه اللى اخدت الوزه
kamer14 .....لا يا كرومبو انا اقدر اسرق حبيبتى ...دي الغاليا بنت الغالى لا عمرى انشاله يارب ماقدر اكولها ثم انا اعده اساسا هاموت من الجوع وماعنديش اى حاجه اكولها من امبارح اهئ اهئ

مش عيب عليكى ياقمر
تسرقى صاحبتك وحبيبتك

[kamer14]

ههههههههههههههههه ايه ده يالهوى هطلعونى حراميه على اخر الزمن لالالالالالالالالالالا برئ يابيه

[ايريني حشمت]

يا خساره تعبي في الوزه اكتر من ساعه بطبخ فيها
و اديني لا طولت جناح و لا حتي ورك فيها يالهوووووووووووووي
لو لاقيت الوزه يا كرومبو حال عليك ورك منها
اذا مااكلهاش حرامي كلها
ههههههههه
بجد حلقه جامده

[اسامة ثروت]

هى لونها محمر كدة وطعمها لذيذ وتحسى كدة انك مبسوطة وانتى بتكليها
معرفش عنها حاجة
بقا كدة ماشى يا مايكل انا هعدهالك لسبب وحد انها وحدة من فريق السحالى يبقا انا كدة هموتها من الجوع بس كان نفسى الضحية تبقا حنان بس معلش بقا

[مادلين بنت المسيح]

مفيش غيرك يا قمر
_kamer14 .....لا يا كرومبو انا اقدر اسرق حبيبتى ...دي الغاليا بنت الغالى لا عمرى انشاله يارب ماقدر اكولها ثم انا اعده اساسا هاموت من الجوع وماعنديش اى حاجه اكولها من امبارح اهئ اهئ........يوووووه نستنى دانا سايبه حله الرز على النار....اللا قولى يا كرومبو ماعكش فى جيبك شويه ملح........

جعانة تروحي تسرقي دانتي بت
مش عيب طب سبيلي الورك ههههههه

[kamer14]

هههههههههههههههههه ايه دة هو كلكو عليا ولاايه اهئ اهئ اهئ

[MICKEY]

حلقة جميلة جدا
اشكرك مايكل علي برنامجك المتميز

[ZEZOMERO]

سحس بومبا يتحدث



انا راى فى الموضوع دا


ان الجاموسة بتاعة مايكل بية هى الى اخدتها علشان هى تعبانة نفسيا

فا عايزة تبقى فلة فا هى الى اكلت الوزة




سحس بومبا
اخطر مفتش فى المنتدى

احترسو منة

[kottah_sh]

ماهو سحس بومب ظهرت حقيقته امبارح
ههههههههههههههههههههههههه هههههههههههه
ههههههههههههههههههههههههه ههه

جااااااااااامد ياسحس