رحلة لاديرة صعيد مصر

peter333 · كُتب : [ 12-09-2008 - 02:03 AM ]

مساء الجمال
بصوا بقى يا جماعة احنا عايزين نطلع رحلة يتحكى و يتحاكا عليها الجميع
من الاخر رحلة تكون جامدة مووووووووووووووووووت
الرحلة عبارة عن هنزور اديرة الصعيد بدا من المنيا و حتى اديرة سوهاج
و باذن اللة هنحجز مينيباص او اتوبيس على حسب العدد و نسافر بليل فى حدود 12 صباحا و نرجع تانى يوم بليل او تالت يوم على حسب منظبطها و هيكون فى مبات فى الاديرة بس عايزين نظبطها بحس ان يكونوا يومين اجازة للجميع
بس المشكلة هتقابل الجنس اللطيف فى موضوع المبات
بس رجائى الوحيد هو ان كل واحد يخش و يعبر عن راية بس بجدية
و على اساس اراكم الجدية هنحدد الميعاد و المدة و السعر و المواصلة و كل تفاصيل الرحلة
اسيبكم بقى انا كل واحد يخش يدى راية
سلام و نعمة المسيح معاكم

المصدر: †† ارثوذكس †† - من قسم: البرامج والخروجات الخاصة بالاعضاء

MICKEY · كُتب : [ 12-09-2008 - 10:18 PM ]

اقتباس

بس المشكلة هتقابل الجنس اللطيف فى موضوع المبات

يعني ايه الجملة دي ياجميل مش فاهمها

اما بالنسبة لكل التفاصيل
فهي فكرة جميلة جدا وانا موافق عليها
واتمني اننا نختار ايام السفر في فترة اجازة للجميع

ربنا يبارك حياتك ياجميل وميرسي علي بداية الشغل

ملكه الاحزان · كُتب : [ 12-09-2008 - 10:21 PM ]

يعني يا ميكي ممكن يكون في مشكله للبنات في البيات

أميرة عبده · كُتب : [ 12-09-2008 - 10:28 PM ]

بيتر فكرتك حلوه خالص بس اعتقد مفيش ولا بنت هتطلع انت عاملها للولاد بس ولا ايه

روميوالرومانسي · كُتب : [ 12-09-2008 - 10:32 PM ]

بامانه فكره موووووووووووووووووت
ويارب الكل يشترك فيها
وياريت يا بيتر تكون لحد اسوان ونشوفكم عندينا يارب
ربنا يبارك حياتك

bolalover · كُتب : [ 12-09-2008 - 11:03 PM ]

مـــــوافق
و معاكم
و في اي ايام مش هقول لا

peter333 · كُتب : [ 12-10-2008 - 01:32 AM ]

مسا الخير يا ميكيى على فكرة هو نفس رد ملكة الاحزان يعنى الاديرة قليل لما تلاقى فيها مبيت للبنات
لكن فية حلين اولا ممكن البنات الى موافقة تطلع نظبطها على اساس ان هما يباتوا فى دير راهبات ذى دير العذراء ببنى سويف
او نخلى ها يومين و المبيت يبقى اثناء السفر بليل فى الاتوبيس للكل
او لو فى بنت من المنتدى من الصعيد تطلع جدعة و تستقبل البنات كلهم عندها بس انا شخصيا مش واثق فى الحل دة
و الحل دة رد على الاستاذة اميرة بس انتى وفقى انتى و كل بنات المنتدى و نحجزلكم فى فندق سبع نجوم و لا يهمكم بس انتوا اومروا بس و احنا ننفذ احنا لينا بركة الا انتة
و احب اشكرك يا استاذ روميو على تشجيعك و انا شخصيا موافق بس نشوف اراء بقيت الاعضاء و صليلنا
و بشكرك يا استاذ بولا على تشجيعك
هو دة التشجيع و لا بلاش
ربنا معاكوا جميعا و يدبر لنا الرحلة و كل امور حياتنا يا رب

الناى الحزين · كُتب : [ 12-10-2008 - 04:00 AM ]

يادى النور يادى الهنا
ده نفرشلكم الارض مايه
الشاى يا بت دول بيجولوا انهم دايين حدانا
طب لو رداله اعملوها اكده
واحنا نوريكم الكرم اللى على اصوله
اما بالنسبه للبيات عشان البنات
انا اتبرع واخلى البنات بس يباتوا حدانا فى الدوار
سامع يا ميكى انت وبيتر
يعنى البناويت بس القرع لا

انتوا بس نفذوا الحكايه دى وانا هكون معاكم
وكمان ممكن نسألكم على موضوع البيات ونحجز فى اى دير
بس الكلام ده لو كان فيه رجاله فى كلامهم

MICKEY · كُتب : [ 12-10-2008 - 10:43 AM ]

لا ياحبيبي
ابعد البنات خالص من الفكرة دي
انا مش موافق علي تواجدهم معانا
ولو في بنت واحده هتروح انا مش هرووووووووح

وعلي رأي المثل
ابعد عن الشر وغنيله

أميرة عبده · كُتب : [ 12-10-2008 - 11:28 AM ]

وحياتك يا ميكى برهان اصـــــــلا لو لقيت واحده هتفكر اصلا تطلع رحله لا وأيه تبات كمان وفين فى قلب الصعيد الله انتو بقيتوا فله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة مع الحياة	twaty	المنتدى العام	3	04-28-2011 07:33 PM
رحلة مع الانبا كاراس موضوع متكامل	بنت الراهب الصامت	سير القديسين	7	09-22-2010 03:15 PM
رحلة العائلة المقدسة	فررح	صورة وتعليق	8	10-17-2008 12:53 AM
رحلة العائلة المقدسة	Team Work®	مخطوطات الكتاب المقدس (أطلس)	2	02-20-2008 11:38 AM

		†† ارثوذكس †† > كل منتدايات الموقع > المنتدى الاجتماعى > البرامج والخروجات الخاصة بالاعضاء
رحلة لاديرة صعيد مصر

	تذكرنــي