[MICKEY]

الموضوع ده شاغلني بقاله فترة كبيرة اوي

هو موضوع جديد علي المنتدي ويارب يعجبكم
كتير مننا بيحلم احلام غريبة بيكون مش فاهمها
وبيكون محتاج يعرف ليها تفسير



وكتير مننا بيحلم احلام ولما بيصحي من النوم مش بيفتكرها
ويبقي هيموت ويفتكرها ومش بيعرف


انا عاوز قولكم حاجه بسيطة في البداية يمكن بعضكم مش يعرفه
وهي ان الحلم اللي احنا بنحلمه وبنفكره انه طويل اوي
ده في حد زاته مش بياخد اكتر من خمس ثواني

تعالوا ندخل في الموضوع
كل واحد يحكي اخر حلم حلمة هنا
ولو في حد عنده تفسير للحلم ده ممكن ياخده اقتباس
ويتكلم عنه او يفسرهوله
من وجهة نظرة



يالا نشوف كل واحد فينا بيحلم بأيه
وانا اولكم هحكي حلمي اللي حلمته انهاره



الحلم ده بجد شغلني كتير وخلاني اقوم من نومي متعكنن

انا حلمت اني راكب مترو والمتروا كله كان مليان ركاب ومفيش ليا مكان اني اقعد فكنت واقف وفي عيل صغير طول ماهو واقف عمال يضربني برجله في رجلي والخبطة جامده اقوم انا ضاربه علي ايده جامد وهو يكرر الموضوع ده وانا اكرر الموضوع ده لحد مالواد بان في عيونه الدموع جامد اوي وكان عاوز يعيط بس ماسك نفسه وتقريبا كده ياجماعه مختل عقليا انا لما عرفت كده صعب عليا جامد جدا جدا جدا وكنت عاوز ابوسه واصالحه لكن للأسف صحيت من النوم قبل ماصالحه جه حمار تحت البيت ونهق بصوت عالي اوي اوي فزعني من النومه انا مستغرب جدا انا عمري ماضربت حد وكمان بحب الأطفال جامد جدا جدا جدا ازاي ده يحصل

منتظر احلامكم

المصدر: †† ارثوذكس †† - من قسم: البرامج والخروجات الخاصة بالاعضاء

[الناى الحزين]

ههههههههههههههههههه


الحمار هو اللى صحاك من النوم

هههههه



على العموم كويس ان الحمار هو اللى صحاك من النوم علشان تفتكر كل ما تشوف حمار افتكر عمايلك السودا اللى بتعمله فى الناس


شوف يا اخ ميكى كل اللى اقدر اقولك عليه

هو ان عمايلك زى شعر راسك

فاحلامك كلها كوابيس من عمايلك السودا

روح ياشيخ
انشالله متنام تانى

وابقى خلى واحد المره اللى جايه يوطيلك صوت الحمار علشان تعرف تنام

ولا اقولك ابقى دوس على رقم واحد

ههههههههههه

[كيرو رافت]

فكرة الموضوع جديدة جدااااااااااااااااااااااا ااا
يا ملك الافكار والاحلام
لا بجد حلو قوووووووووووووووووووووووو ووى

عموما
انا اعتقد ان كل ده بسبب انك بتنام ومناخيرك عريانه حاول تبقى تغطى مناخيرك علشان الحمل بيذيد جواها وما بتقدرش تستحمل يا عينى بتبقى عايزة تنفجر وتبكى
وكمان هى بتصعب عليك لانها مناخيرك

[اسامه سمسم]

بجد فى حجت كتير لواحد بيحلم بيها ومش بيتكرها فعلا
طيب ممكن اقول خر حلم ليا وحد يفسرهولى
انا فى الول كنت بادخن
لكن دلوقتى الحمد لله بطلت
بس فى الحلم حلمت ان واحد من صحابى
ادنى سيجارة بس وانا روحت واخدها منه
مع العلم انى فعلا مبطل ومش عايز ارجعلها تانى
وميرسى لموضوعك الجميل يا ميكى يا جميل

[MICKEY]

ولا اقولك ابقى دوس على رقم واحد

تحب احكيلهم سر رقم واحد ده ولا بلاش افضحك قدامهم
استر علي نفسك يانااااااااي

++++++++++++

اعتقد ان كل ده بسبب انك بتنام ومناخيرك عريانه

ههههههههههههههههههههههههه ه

[اسامه سمسم]

المشاركة الأصلية كتبت بواسطة mickey تحب احكيلهم سر رقم واحد ده ولا بلاش افضحك قدامهم استر علي نفسك يانااااااااي ++++++++++++

وهو انت تقدر تقول على الفضيحه دى يا ميكى دحنا كنا اطخينا دلوقتى استر علينا ياعمى دحنا صعايده غلبنين

[MICKEY]

ههههههههههه
عشان خاطر عمك اسامه بس واللهي
غير كده
كنت شردتلك

[عماد حسنى]

موضوعك رائع يا ميكى
بس الموضوع اتاخد بهزار وبقى جميل
بس لو اتاخد جد هيكون ملوش حل
افكارك تحفه

[MICKEY]

الموضوع جد جدا ياعماد
يمكن ناي هزر شوية
بس الموضوع بجد جد جدا جدا كمان


ومنتظر احلامكم

[بنت الراعي]

الموضوع حلو اووووي يا ميكي
وفكرته جديده خالص
بس بيتهئ لي الاحلام دي غالبا نابعه من افكار العقل الباطن عند الانسان
او احيانا بتبقي هلوسه هههههههههه بجد
بس عموما انا احيانا كتير بااحلم احلام غريبه وكوابيس واحيانا برده احلام جميله
علي حسب حالتي قبل ماانام او علي حسب يومي كان ازاي
يعني مثلا النهارده حلمت ايه
حلمت ان اخواتي مسافرين وبيقولولي تعالي معانا احسن مانسيبك في البيت لوحدك وانا رفضت وسابوني لوحدي وفضلت اعيط وصدقني صحيت من النوم لقيت دموعي علي خدي
ها تفسر ده باايه بقي مستنيه التفسير