[merrete]

سالتنى بنتى بعد وفاه امها
ايه هو الموت وليه الناس بتموت
وبيروحوا فين بعد الموت
وليه ساعات الصغير بيموت قبل الكبير
قولتلها الموت ده انتقال
من ارض الشر لسماء الابرار
واللى يموت بيرتاح مش بيفضل تعبان
قالتلى امال بنزعل عليهم ليه ؟؟
وليه بنلبس اسود ونعيط ليه ؟؟
قولتلها اصلهم هيوحشونا
لحد مانروحلهم ونشوفهم ويشوفونا
قالتلى طيب يا بابا هنروحلهم امته ؟؟
قولتلها محدش يعرف
ربنا بس هو اللى يعرف
هو يحدد ويرتب
واحنا بس نسمع ونطيع ونعمل
قالتلى طيب يا بابا لما تيجى ماشى قولى قبلها
عشان عايزه ابعت حاجه لماما فى وقتها
اقولها وحشنى قلبك ووحشنى برضه حضنها
وانى بعتك ليها عشان متبقاش لوحدها
وانت تبقى تسليها فى اكلها وشربها
سكت واستغربت من كلامها
وتهتهت فى ردى ليها
بس ملقيتش غير كلمه حاضر ترضيها
راحت قالتلى اما انا مش هموت دلوقنتى
لسه اكبر شويه عشان اخلص دراستى
واول ما اخلصها هجيلكوا على طول
عشان نحتفل سوا بلمتنا من تانى
ونلعب ونرقص ونسمع اغانى
نزلت من عيونى دموع وبصتلها
وقولتلها ماشى يا قلبى هروحلها
وهنستنى مجيك لينا بعدها
وهنلعب وننبسط وقتها
قالتلى طيب يا بابا بسرعه متاخرش عليها
لحسن تزهق من القاعده وتدمع عنيها
وانا هروح ازاكر واخلص بسرعه
عشان اجى ازوركوا كل يوم جمعه

المصدر: †† ارثوذكس †† - من قسم: القسم الادبي

[كيرو رافت]

قالتلى طيب يا بابا لما تيجى ماشى قولى قبلها
عشان عايزه ابعت حاجه لماما فى وقتها
اقولها وحشنى قلبك ووحشنى برضه حضنها
وانى بعتك ليها عشان متبقاش لوحدها
وانت تبقى تسليها فى اكلها وشربها
سكت واستغربت من كلامها
وتهتهت فى ردى ليها


موش عارف ارد ولا اقول ايه غير ان موضوعك
وكلماتك فى غايه الروعه وقمه التاثير
بجد الكلمات دى فظيعه
قمه فى الجمال
تسلم ايدك واهلا بيكى ميريت فى المنتدى
ومستنيين الابداعات
بجد موضوع تحفه جامد مووووووووت

[دميانة بنت]

بجد موصوع تحفة اوى يا ميريت

[عماد نابليون]

فكرة جديدة بهنيكى عليهاااااااااااا
وموضوع اكثر من ممتاز

وتعبيرات جميلة جداااااااااااااا
اتقالت بئحساس

[merrete]

ميرسى اوى يا جماعه لردودكم وتشجيعكم ميرسى يا استاذ كيرو شكرا يا دودو وميرسى استاذ عماد ويارب فعلا يكون عجبكوا اذكرونى فى صلاتكم

[حنين سنين]

موضوعك حلو يا ميريت




منوره القسم الادبى تعيشى وتكتبى يا قمر

[merrete]

ميرسى يا هنا لردك الجميل

[دموع بالدم]

نزلت من عيونى دموع وبصتلها
وقولتلها ماشى يا قلبى هروحلها
وهنستنى مجيك لينا بعدها
وهنلعب وننبسط وقتها
قالتلى طيب يا بابا بسرعه متاخرش عليها
لحسن تزهق من القاعده وتدمع عنيها
موش عارف انطق ولا كلمة لانى اتاثرت بجد بس تسلم ايدك ياميريت

[الناى الحزين]

قالتلى طيب يا بابا بسرعه متاخرش عليها
لحسن تزهق من القاعده وتدمع عنيها
وانا هروح ازاكر واخلص بسرعه
عشان اجى ازوركوا كل يوم جمعه


لالالالا
بجد مش معقول الفكره والاسلوب والطريقه والكلمات
حاجه جديده مش متعودين عليها
هااااااااااايل بجد
مش عارف اعبر ازى باعجابى عن الموضوع
فى انتظار الجديد والمزيد
ربنا يفرح قلبك

[merrete]

ميرسى يا دموع اوى ربنا يخليكى ويارب يكون عجبك فعلا ميرسى اوى بجد استاذ ناى على كلامك الجميل ده ويارب يكون عجبك بجد