[MICKEY]

بقلم : مايكل سامي

يقطع الحب وسنينه يقطع الحب وبلاويه
سنين عشنا فيه ولما انجرحنا انجرحنا بيه

واحد يحب واحده ويلاقيها بتحب غيره
وبعد ماوهم نفسه انها ليه يلاقي في حضن غيره

واحد يشتاق لحببته اكتر ماهي بتشتقله
وبالتالي يوم ماتشوف غيره الحزن يكوي قلبه

واحد بيحب واحده واتفقوا علي الجواز
وبعد حبه الكبير تسيبه عشان الجهاز

واحد اتفق مع حبيبته انها تستناه لحد مايقف علي رجليه
باعته في اول محطه . بكي عليها ومبكتش عليه

الوان كتير منك ياحب ولكل عاشق لون
صرف دم قلبه علي الكروت اللي كلمها بيها في التليفون
وبخداعك ياحب لينا خليت دموعنا مليا العيون
لا يهدينا ميت برشامه ولا الف كوبايه لمون

نصيحتي لكل عاشق وكل عاشقة
قبل ماتفكر في الحب لازم تفكر في الشقة
وتكون قادر تجيب من جيبك تمن الشبكه

زمن مايعلم بيه الا ربنا وحده الكريم
عالم بالكل وعارف مين طيب ومين لئيم

غلو الاسعار خلي الهم هموم
والواحد مبقاش عارف يستر نفسه بهدمه من الهدوم
يارب حافظ علي عبيدك ومتخليش الحال ده يدوم

المصدر: †† ارثوذكس †† - من قسم: القسم الادبي

[kamel]

غلو الاسعار خلي الهم هموم
والواحد مبقاش عارف يستر نفسه بهدمه من الهدوم
يارب حافظ علي عبيدك ومتخليش الحال ده يدوم
ههههههههههههههههههه
يا أبنى حرام عليك
أحنا فى محطة مصر
ههههههههههههه
ربنا يحنن عليك

[اسامة ثروت]

ههههههههههه قصيدة روعة بجد ميكى وتعليق اجمل من استاذنا الحبيب مستر كامل

[miso]

صرف دم قلبه علي الكروت اللي كلمها بيها في التليفون
هههههههههههههههه مالها الرنات اسهل وتليفون البيت وبابا يدفع
نصيحتي لكل عاشق وكل عاشقة
قبل ماتفكر في الحب لازم تفكر في الشقة
وتكون قادر تجيب من جيبك تمن الشبكه

صدقنى فى ناس دلوقتى مش بتجيب شبكة شكبة حاجة بسيطة بيتوافق بيها يا ميكى الدهب غلى الناس هتجيب منينغلو الاسعار خلي الهم هموم
والواحد مبقاش عارف يستر نفسه بهدمه من الهدوم
يارب حافظ علي عبيدك ومتخليش الحال ده يدوم
ههههههههههههههههه هنطبتر بقى مش الراجل عملكم علاوة اهو اينعم رفع الاسعار بس اسمها علاوة.

الكلام الجد بقى المشكلة فى الحب ان الناس بتحب من غير ما تفكر بالعقل شوية
تحب ولما تقولها طب وبعدين تقول مش مهم بعدين
طب يعم هتجيب منين سبها خلينا نعيش النهارة وبكرة مين عارف هيحصل فيه ايه
ولما يلاقو مفيش فايدة غير البعد يقعدو يبكو
لان من الاول مخططتوش صح
هههههههههههههههه مفترية انا فرايى صح
بس مش افترى انا واقعية اكتر
ميرسى يا ميكى على الموضوع اللذيذ ده.

[aymonded]

ههههههههههههههههه
هههههههههههههههههههه
لا تعليق

[Team Work®]

اية يا ميكي الكلام الجامد دة بجد رائع

[M!SS N@NO]

ههههههههههههه
حلوة يا ميكى
وصفت الواقع الأليم وصف دقيق
كلمات حلوة بجد مفيهاش تكلف ولا تعقيد
ربنا يخدك أأأأأأأأأأأصدى ربنا يباركك

[MICKEY]

المشاركة الأصلية كتبت بواسطة kamel ههههههههههههههههههه يا أبنى حرام عليك أحنا فى محطة مصر ههههههههههههه ربنا يحنن عليك

هههههههههههههه

حلوة منك ياعم كامل
بس مش هو ده اللي بيحصل وده اللي موجود
ميرسي ياحبيبي علي كلامك الجميل ومبسوط اكتر ان اول مشاركه كانت من حبيبي

[MICKEY]

المشاركة الأصلية كتبت بواسطة اسامة ثروت ههههههههههه قصيدة روعة بجد ميكى وتعليق اجمل من استاذنا الحبيب مستر كامل

هههههههههههههه

اضحك ياخويا اضحك
ماهم عم كامل بيهزقني بالزوق وبيقولي روح اشحت بعيد
اهئ اهئ
متشكر يا اس اس علي مرورك

[MICKEY]

المشاركة الأصلية كتبت بواسطة miso الكلام الجد بقى المشكلة فى الحب ان الناس بتحب من غير ما تفكر بالعقل شوية تحب ولما تقولها طب وبعدين تقول مش مهم بعدين طب يعم هتجيب منين سبها خلينا نعيش النهارة وبكرة مين عارف هيحصل فيه ايه ولما يلاقو مفيش فايدة غير البعد يقعدو يبكو لان من الاول مخططتوش صح هههههههههههههههه مفترية انا فرايى صح بس مش افترى انا واقعية اكتر .

كلامك صح ميه في الميه
وهو ده اللي انا عاوز اوضحه واقوله في القصيده
ميرسي اوي اوي لتعليقك الطويل
قصدي الجميل
نياهاهاهاهههاها

وربنا يحافظ عليكي ويخليكي ترتبطي بواحد عنده شقة وشبكه

هنياهاهاهاهاهاهاه