في كل وقت كنت بدور عليها ... منتظر هفوه من عنيها
افتح كتاب الاقي صورتها ... امشي في شارع المح خيالها
من غير ما اكلمها ولا حتي اسلم عليها
بقيت اعشق التراب الي تحت رجليها
و يفوت الزمن و عشقي ليها بيزيد غرام
و حبي ليها بيكبر من غير صدام
في كليتي اقف انا بالساعات مستنيها بس تعدي
و لما تعدي بقول يا رب تهدي
احكي و اتحاكا عليها مع صحابي
و كلهم يقولولي اتحرك خليك ايجابي
اقولهم مش قادر لساني بيبقا عاجز
يقولولي هتعيش حياتك كلها بينك و بنها حاجز
اقول يبقا كفايا عليا اشوفها
رغم اني ببقا نفسي اخطفها
سنين تفوت و ايام بتموت
و انا واقف مش محصل حتي برغوت
جت اخر سنة بقيت شحط في رابعة
قولت بقا خلاص مبدهاش هو قرار بلا رجعة
انا اروح اكلمها اقولها يا انسة يا موزمازيل
ممكن تليفونك او حتي الميل
اكيد هتقولي ليه يا استاذ
هقولها اصل انا حالي وحش و محتاس
بحبك و كنت مخبي من سنة تانية كلية
و خلاص قررت اقولك و اعيش في حرية
اكيد هتنبسط بيا و هتقولي هاتلي هدية
و اجيب انا الهدية و هي تنزل شكر فيا
روحت جبت الهدية و استنيت عند الكافيتريا
و هي نزلت من محاضرة الدكتورة فتحيه
و بنادي عليها بصوت واطي
بصتلي و قالتلي انت عادي
قولتلها لالا انا اسمي عبد الهادي
زميلك في الكلية و جيبلك هدية
بصتلي كده بعين مستحيه
قولت اوووبس اكيد دابت فيا
و مرة واحد لقتها بتبرق فيا
و بتقولي روح لماما يا شاطر
طيب اسمعيني و بعد كده هقولك حاضر
انت عيل فايق و شكلك رايق
لالا انا والهي مش طايق
بحبك من زمان و كنت عايش في جنان
و انتي مش حاسه بيا زي ما كون صابع بتنجان
بصحي و بنام علي حلم كله امان
و هوب خت الالم التمام و جبتلي بربع جنيه لبان
و قالتلي انا متجوزة من زمان
و جوزي هيجي يقطعك يا حيوان
متجوزة ازاي يا انسة منال
مش شايف الدبلة في ايدي الشمال
و ابقا مرات الدكتور كمال
البيه كان فاكرها شطارة ... و اخد حتت قلم طيارة
عمال يحب من غير امارة ... و في الاخر ربط وشه بـ دوبارة
و السنة شالها في الكلية ... و البركة في الدكتور ابو عربية
جوز حبيبت القلب المفترية ... الي اكلته المهلبية
هههههههههههه
اهداء الي صديقي / عبد الهادي
دي قصة حقيقة واحد صحبي في الكلية اسمه عبد الهادي في سنة رابعة و بيحب واحدة من سنة اولي و دفعته و عمره ما فكر يعرف عنها حاجه ولا يروح يكلمها ولا يتعرف ولا يسئل عنها ولا الهواء
و بعد الامتحان بتاع يوم الاربع الي فات راح قالها قالتله انا متجوزة
و طلعت فعلا متجوزة الدكتور بتاعنا في الكلية
و حظه الفقر ان الدكتور ده مش بيدي غير لربعة بس اساسا
انا اتوقعله انه هيشيل السنة باذن الله
مشاهدة صفحة طباعة الموضوع
أرسل هذا الموضوع إلى صديق
منال مرات الدكتور كمال
المواضيع المتشابهه
العرض الشجري