[croconile_co]

الي كل من له خبرة في عروض البوربوينت...... أرجو المساعدة.
الشباب عندنا " ملول بطبعه"
و صعب جداً اقناعه بالمشاركة في مهرجانات في الصيف " مثل مهرجان الكرازة "
و بصراحة كده , الموضوع السنة دي مش مشجع وناس كتيرة مش مقتنعة بيه " أو مش حساه "
فكان عندي طلب لآعضاء المنتدي و أرجو أن يحوز اهتمامكم و مساعدتكم
عمل عروض بسيطة بالبوربوينت " يعني معلومة و جنبها صورة "
و تكون من انتاج اعضاء منتدي اورثوزكس هدية لكل الشباب الاورثوزكسي .
لمن يهتم و يريد الاشتراك هذه المواضيع الخاصة بالشباب ( أرجو لمن اختار موضوع و شغال فيه يكتب اسم الموضوع لتوفير المجهود ):
وهذه بعض المواضيع:
1- شعار مهرجان الكرازة 2009
2- شرح لاقسام المهرجان و شروط كل مسابقة ( ممكن استخدام الاسكانر لتصوير الاستمارات الخاصة بكل مسابقة " اختياري ")
3- المستوي الاول - مرحلة شباب جامعة :
أ- الموضوع الأول
ب- الموضوع الثاني
- وهكذا ( ارجو لمن اختار موضوع كتابة اسم الموضوع و من يريد مساعدة بالصور , لا يتردد و انا باذن المسيح حاوفرهاله ) .
و أخيراً سلام المسيح معكم و الرب يقوي كل خير جوانا .. أمين .

المصدر: †† ارثوذكس †† - من قسم: قسم مهرجان الكرازة

[croconile_co]

و آدي موضوعات المستوى الأول مرحلة شباب :
1- كونوا كاملين ( الموضوع الدراسي الأساسي )...............................................ص 12
2- أسئلة حول الثالوث .................................................. .................................ص 16
3- يوشيا الملك .................................................. ..........................................ص21
4- المسيحية حياة معاشة .................................................. ..........................ص29
5- ابني كنيستي .................................................. .......................................ص39
6- المواطنة التزام مسيحي .................................................. ..........................ص47
بس كده
و أنا عن نفسي .. شغال في منهج المستوي الأول من اللغة القبطية - مرحلة جامعة
أنا عارف إن الموضوع ممكن يكون صعب
بس لما يكتمل , ماقدرش اوصفلكم قد ايه حيكون مفرح لكل من يزور هذا الموضوع


س: طب أنا أجيب صور منين ؟

ج: google images هو الإجابة , اكتب اسم الصورة ( و خلي خيالك واسع ) و حتلاقيها أكيد , و لو ملقتهاش اكتبلي الصورة اللي انت عايزها , و بإذن المسيح اجيبهالك .



س : طب اعمل العرض ازاي ؟

ج: الموضوع سهل جداً :

1- افتح برنامج " مايكرو سوفت بوربوينت "
2- اختار شريحة فارغة .
3- قم بادراج insert مربع حوار text box .
4- اكتب المعلومة اللي بتريدها .
5- قم بادراج صورة من ملف insert image from file .
6- اختار الصورة اللي بتريدها و حطها في المكان اللي بتريده بالشريحة .
7- وقم بادراج شريحة جديدة ... وهكذا

ملحوظة :

هناك اشياء يجب مراعاتها في عروض البوربوينت .
1- لو كان العرض سيعرض في مكان مظلم , اوعى تختار خلفيات غامقة ( أو سودا ) , لأنك بكده حتدفع المشاهدين إلى النوم العميق .
2- حاول تعرض المعلومات في نقاط محددة ( 1 , 2 , 3 , 4 ... إلخ )
3- لا تعرض معلومات كثيرة في الشريحة الواحدة ( لا تملأ الصفحة ) .
4- لو اضطررت لذلك , خللي كل نقطة تخش واحدة ورا التاني لكي يتابع المشاهد معك ( حركة مخصصة )
5- لا تبالغ في الحركات المخصصة لئلا تصرف الانتباه عن المعلومة التي تريد توصيلها .
6- اختار صور مناسبة تخدم هدف العرض .
7- يمكنك اتباع تصميم مسبق من البرنامج ( و هناك تصميمات جميلة معدة مسبقاً تحتوي علي خلفيات و خطوط و ألوا ن جميلة يمكنك استخدامها )
8- قم بوضع عنوان الموضوع في أول شريح لوحده , و في تاني شريحة , حط النقاط االرئيسية ( و لو تعمل hyper links يبقى تمام )
9- لو فيه نقطة لا تكفي لشريحة واحدة , قم بو كلمة ( تابع ) بجانب عنوان النقطة في الشريحة الجديدة , كي لا يتوه المشاهد
10 لو بتستخدم أوفيس 2007 , قم بحفظ الملف في صورة يمكن عرضها في أي كمبوتر ( مثل .ppt أو .pot )



س : و كيف ارفع ملفاتي

ج : اذهب لهذا الموضوع لتعرف بنفسك :



احترف رفع ترانيمك وملفاتك معنا بكل سهولة

لو فيه اي استفسار , حاكون سعيد بالرد عليه

و أخيراً ارجو ان تساعدوني و تصلوا من أجل ضعفي .

[maran atha]

ربنا يعوضك,ويساعدك
ممكن تقول لي أية المواضيع
وربنا يدبر وأحاول أعمل موضوع منهم

[croconile_co]

المشاركة الأصلية كتبت بواسطة maran atha ربنا يعوضك,ويساعدك ممكن تقول لي أية المواضيع وربنا يدبر وأحاول أعمل موضوع منهم

ده شرف كبير لي
و آدي موضوعات المستوى الأول مرحلة شباب :
1- كونوا كاملين ( الموضوع الدراسي الأساسي )...............................................ص 1 2
2- أسئلة حول الثالوث .................................................. .................................ص 16
3- يوشيا الملك .................................................. ..........................................ص21
4- المسيحية حياة معاشة .................................................. ..........................ص29
5- ابني كنيستي .................................................. .......................................ص39
6- المواطنة التزام مسيحي .................................................. ..........................ص47
بس كده


و المواضيع موجودة في كتاب مهرجان الكرازة2009 -مرحلة جامعة
متوفر بمكتبات الكنائس

[maran atha]

يا croconile_co
+++++++++
دايما محبتك
عندي طلب صغير
هل هناك موقع مرفوع علية الكتاب ؟؟
ضروري .. ولو تقدر ترفعة أكون شاكر جدا

[croconile_co]

المشاركة الأصلية كتبت بواسطة maran atha يا croconile_co +++++++++ دايما محبتك عندي طلب صغير هل هناك موقع مرفوع علية الكتاب ؟؟ ضروري .. ولو تقدر ترفعة أكون شاكر جدا

مش لاقي لحد دلوقتي , و جاري البحث
أما عن موضوع رفع الملفات .... فححاول
بس أرجو منك اختيار الموضوع اللي عايزه عشان اصوره و ارفعهولك.

[maran atha]

أسئلة حول الثالوث .. موضوع جميل
يارب أكون متعبتكش معايا
ربنا يعوضكم
هل هناك وقت أسلم في ملف الباوربوينت ؟
وهل أضع الملف هنا في نفس الصفحة
ربنا يديم محبتكم
صليلي

[croconile_co]

المشاركة الأصلية كتبت بواسطة maran atha أسئلة حول الثالوث .. موضوع جميل يارب أكون متعبتكش معايا ربنا يعوضكم هل هناك وقت أسلم في ملف الباوربوينت ؟ وهل أضع الملف هنا في نفس الصفحة ربنا يديم محبتكم صليلي

اختيار ممتاز
الله لا ينسى تعب محبتك
و سلم الملف في الوقت اللي بتحبه ( أول ماتخلصه )
اما عن رفع الملف , فقم برفعه على ال mediafire باستخدام الطريقة المشروحة في هذا الرابط

احترف رفع ترانيمك وملفاتك معنا بكل سهولة


وقم بوضع الرابط فقط في هذه الصفحة

و هذه لينكات الفحات التي صورتها لحضرتك

الأولي

الثانية

الثالثة

الرابعة

الخامسة

السادسة ( الغلاف)



و الرب معك و معي

[maran atha]

شكرا لتعبك ومحبتك
وبأذن الله هبتدي فية من دلوقتي
يارب يعجبكم .. ويكون سبب بركة لكثيرين
وهسيبة مفتوح لامكانية تعديلة والاضافة علية
+++
ولكن
هل تحب أن أضيف علية موسيقي أو فيديو كدعم للموضوع ؟

أنا أسف أسئلتي كتير
بس نفسي بجد أقدم حاجة حلوة
ربنا يعوض الكل
أمين

[croconile_co]

المشاركة الأصلية كتبت بواسطة maran atha شكرا لتعبك ومحبتك وبأذن الله هبتدي فية من دلوقتي يارب يعجبكم .. ويكون سبب بركة لكثيرين وهسيبة مفتوح لامكانية تعديلة والاضافة علية +++ ولكن هل تحب أن أضيف علية موسيقي أو فيديو كدعم للموضوع ؟ أنا أسف أسئلتي كتير بس نفسي بجد أقدم حاجة حلوة ربنا يعوض الكل أمين

انا آسف للتأخير في الرد لأن النت مكانش شغال
و بالنسبة للموسيقى أو الفيديو ..... دي حاجة تفرح طبعاً و يا ريت تبقى موجودة في العرض لتدعيمه
و بالنسبة للأسئلة , دي مش حاجة تعتذر عشانها , بالعكس انا بشكرك عليها

بس أنا عندي سؤال :
ازاي بتحط موسيقى او فيديو في العرض من غير ما تحتاج الملفات بتاعة الموسيقي او الفيديو تبقى معاه ( يعني العرض يبقى موجود لوحده , و في نفس الوقت الصوت موجود جوا ملف العرض) لأني لما بحاول اعمل كده , و اشغل العرض من جهاز تانى , ملف الصوت أو الفيديو مش بيشتغل و بيطلب مني توفير ملف الصوت علي الجهاز .

مرة تانية بشكرك , و المسيح يباركك .