[MICKEY]

بقلم : مايكل سامي

صحيت من النوم علي التليفون كان عمال يرن يرن

ده مش ميزد ولا حتي كول ده المنبه كان بيزن
-----

طفيته وجريت اغسل وشي ولقيت الميه مقطوعه

قولت افطر اعبال ماتيجي .. اتاري امي علي الطابونه ملطوعه
-----

قولت اتسلي واكوي لبسي لحد ماتيجي حاجه من الاتنين

حطيت الفيشة بتاعت الماكوه ، وقطعت الكهرباء بعد ثانيتين
-----

لبست ومشيت وبقول يلعن تيت تيت تيت تيت

لبسي مبهدل ، وشي معمص ، وشكلي زي العفاريت
-----

دخلت المكتب والكل باصصلي ، مانا شكلي زي الهاربنين

قميص مكسر وش مكشر شعري واقف زي المجانين
-----

قولت ياميكي متاخدش في بالك شوية والوضع يروق

سيبك منهم وشوف شغلك ، ناس تعبانه وعاوزة تفوق
-----

بشغل الكمبيوتر ملقتش الويندوز ، ودمي ولع زي الحريق

لقيت مديري بيقولي شاطر انت متحول للتحقيق
-----

لبسي مكسر ، وشي مكشر ، ناس بصالي ويندوز محروق

مديري بيزعق وعمال يهزق ويقولي دي شركة مبتقش سوق
-----

جالي مكالمة في نص اليوم من شركة محتاجه لغات

قولت الدنيا هتضحك تاني وياميكي انسي اللي فات
-----

زميلي بيقولي شكلك مبسوط متفرحني ياعم معاك

وايه يعني حرقت الويندوز سيبك منه ياعم فداك
-----

قولتله مهما عملت ياماجد انس انسي انا مش هقول

بطل خبث وحيلة ومكر ده انا واد صاحي مش واكل فول
-----

لو عاوزين يحققوا معايا انا مستعد اسيبلهم مكاني

ده انا الف شركة مقدم فيها وكل الشركات تتمناني
-----

عدت ساعه بعد المكالمة ، رحت لقيت مكالمة كمان

نفس الرقم نفس الراجل ، دي حاجه ولا في الاحلام
-----

لقيت بيقولي معلش يامايكل ده تشابه في الأسماء

مش انت اللي مطلوب ده واحد تاني بس سكرتيري جاله غباء
-----

لبسي مكسر وشي مكشر ناس بصالي بكل غباء

مدير بيزعق ماجد بينهق وتشابه كان في الاسماء
-----

خلص اليوم ، ركبت تاكسي ، وقولتله علي البيت علي طول

مديري رفدني ودموعي علي خدي وبنطلوني كان مبلول
-----

السواق كان ماشي بسرعه ، فرامله سابت مانا منحوس

موت خمسة بسبب السرعه ، وياعيني الوقتي محبوس
-----

انا اغمي عليا من اللي شفته ، ماهو يوم خلاني مدبوح

لقيت واحده بتقولي اصحي لحسن ميعاد شغلك هيروح
-----

اتارييني كنت نايم بحلم ، وصحيت منه اعصابي مفزوعه

خايق ادخل اغسل وشي الاقيها فعلا مقطوعه

المصدر: †† ارثوذكس †† - من قسم: القسم الادبي

[nermos1982]

هههههههههههه بامانة زى السكر يا ميكى.ايه يا واد الكلام الجميل ده؟ياخووووووووووووووووووو فى لايكون ده شكلك بجد فى الشغل هههههههههههههه
ربنا يفرح قلبك ياواد ويوفقك فى شغلك وحياتك

[شمعة]

ههههههههههههههههههههههه
حلو اوى يا ميكى وصحى النوم
الحمدللة انة حلم ومش حقيقة
ههههههههههههههه
ومنتظرين المزيد

[Malak sokar]

هههههههههههههههههه



وقعت قلبي بجد بامانة قلت حرام عفرتو كل ماتضحكلة تكشر تاني
ههههههههههه
الحمدللة انة طلع حلم
بس حلم يخوف بجد

ربنا يبعد عننا احلامك
ههههههههه

[جاسيكا]

هههههههههههههههههه
ربنا يسامحك
كل دا وانا اقول ياعينى لا مش معقول حرام
مش جديد عليك يا ميكى
بس حلوة هههههههههه

[kottah_sh]

كلامك حلو ياميكى وموضوعك متناسق
ويارب يطلع حلم
ولو مش اتأكد من حاجه واحده
ان ربنا شايفلك الاحسن


من ترك كل شئ فى يد الله اعتاد ان يرى
يد الله فى كل شئ
تعمل تلمس تريح تنجى
الحبيب يحملك على ذراعيه





بس انت طلعت جامد ياواد ومحدش يعرف
ههههههههههههههههههههه

[kamer14]

هههههههههههههههههههههه يخرب عقلك ايه الاحداث الجامده دى دى بدل نشره الساعه التاسعه ولاايه

منتظرين باقى الاحداث

خلف الاسوار

[miso]

ههههههههههههههههههههههههه ههههههههههههههههههههههههه هههههههههههههههههههههه عسل بجد
ببرافووووووو بامانة ده لو حقيقة كان على نهر النيل وارمى نفسك
ده اليوم متشمع بالشمع الاحمر من اوله
لا بس بامانة حلوة مووووووووووووت اكتب كتيييييييير طريقتك جميلة فالكتابة بامانة

[elphilasouf]

ههههههههههههههههههههههههه
جامده بجد يا مكوكى
اوخيرا لقيت موضوع بعيد عن الكأبه

[كيرو رافت]

ياما حزرتك كتير من النوم من غير غطا
يا ابنى الكوابيس دى مالهاش حل غير انك تتكلفت جوه البطانيه
سعتها بجد هاتكون ميه ميه
ولا ينفع معاك جنان ولا شغل الحراميه
تصدق دا لعب عيال ولا اجدع بلطجيه
عاجبنى قوى كلامك بيفكرنى بعم عطيه
ايام ماكان بيشرب ويهيس ولا اجدع خمورجيه
لا بجد هايل يا ميكى
ربنا ما يقطع عنك الاحلام ابدااااااااا
بس دايما تكون مفرحه موش مفزعه