[عماد حسنى]

كل ده ليه

العيب فى الدنيا ولا فينا .. ومين بإيديه بيختار خطاوينا
نبعد عن اغلى الناس .. وتنكسر أغلى امانينا

مين يقدر يقولى ...

الهدف فى إيديك وتقول هاتوصل ليه
والامل قدام عنيك وماسك فيه
وتلاقى نفسك مش قادر تكمل
تأجل فى حلمك وتفضل تتأمل ..

ونفضل نعد فى جروحنا .. ومن تانى نكدب على روحنا
ونضحك والحزن مالينا .. ونقول بكره احسن ويجى علينا

وساقيه بتلف وتدور .. تاخدنا وترمينا ف بحور
وبحور ملهاش امان .. تخلينا ننسا العنوان

عنوانا اللى بدأنا بيه .. وننسا كنا عايزين أيه
ونغرق ونقب من تانى .. ونعمل من أحلامنا مبانى

ونمشى واحنا واثقين .. اننا هانعوض السنين
والسنين تنادى علينا .. تجرى وبسرعتها تجرينا

ونقف ناخد نفسنا .. ونلاقينا قدام انفسنا
مرايه ووجهنا فيها .. نستنا ونتفرج عليها

نستغرب ونسأل مين .. ده اللى كان من سنين
ونبص تبصلك العنين .. تحكيلك وصلت لفين

وتمر بيك اللحظات .. دموعك ترد بسكات
وشريط شغال بذكريات .. ياترى اللى جاى زى اللى فات

وعقلك يقولك أرحمنى .. وقلبك يأكد انت مدمرنى
وتفضل ترد على الاتنين .. العقل والقلب وكمان العين

تفضل ترد بأجابات .. والكلمه طالعه ومعاها الأهات
تجيلك حاله وتحس بحاجات .. احساس مليان انفعالات

وفى الاخر تنام تعبان .. وتصحى كانك سكران
وتسال كل ده ليه .. ومتلقيش اجابه عليه

-----------------------------------

المصدر: †† ارثوذكس †† - من قسم: القسم الادبي

[nermos1982]

ونفضل نعد فى جروحنا .. ومن تانى نكدب على روحنا
ونضحك والحزن مالينا .. ونقول بكره احسن ويجى علينا


وساقيه بتلف وتدور .. تاخدنا وترمينا ف بحور
وبحور ملهاش امان .. تخلينا ننسا العنوان


عنوانا اللى بدأنا بيه .. وننسا كنا عايزين أيه
ونغرق ونقب من تانى .. ونعمل من أحلامنا مبانى

بامانة مالاقية كلام ارد بيه يا عماد. موضوعك بجد تحفة
ربنا يفرح قلبك يا عماد ويبعد عنك الاحزان والهموم

[عماد حسنى]

المشاركة الأصلية كتبت بواسطة nermos1982 ونفضل نعد فى جروحنا .. ومن تانى نكدب على روحنا ونضحك والحزن مالينا .. ونقول بكره احسن ويجى علينا وساقيه بتلف وتدور .. تاخدنا وترمينا ف بحور وبحور ملهاش امان .. تخلينا ننسا العنوان عنوانا اللى بدأنا بيه .. وننسا كنا عايزين أيه ونغرق ونقب من تانى .. ونعمل من أحلامنا مبانى بامانة مالاقية كلام ارد بيه يا عماد. موضوعك بجد تحفة ربنا يفرح قلبك يا عماد ويبعد عنك الاحزان والهموم

شكرا جدا جدا يا نرمين على حضورك وكلامك الرائع ده ربنا يفرح قلبك ويخليكى

[رانيا ميلاد]

جميل جدا يا استاذ عماد يا
شاعر المنتدى فعلا انت
شاعر المنتدى و ربنا يفرح قلبك
جدا شكررررررررررررا
على هذا الموضوع

[عماد حسنى]

المشاركة الأصلية كتبت بواسطة رانيا ميلاد جميل جدا يا استاذ عماد يا شاعر المنتدى فعلا انت شاعر المنتدى و ربنا يفرح قلبك جدا شكررررررررررررا على هذا الموضوع

شكرا جدا جدا جدا يا نانا على ردك العسل ده
ربنا يخليكى وينجحك ويحافظ عليكى

[حنين سنين]

وتمر بيك اللحظات .. دموعك ترد بسكات
وشريط شغال بذكريات .. ياترى اللى جاى زى اللى فات


وعقلك يقولك أرحمنى .. وقلبك يأكد انت مدمرنى
وتفضل ترد على الاتنين .. العقل والقلب وكمان العين


تفضل ترد بأجابات .. والكلمه طالعه ومعاها الأهات
تجيلك حاله وتحس بحاجات .. احساس مليان انفعالات


وفى الاخر تنام تعبان .. وتصحى كانك سكران
وتسال كل ده ليه .. ومتلقيش اجابه عليه

امممممممممممم

لا تعليق
لانك مبدع

[عماد حسنى]

المشاركة الأصلية كتبت بواسطة ssweetgirlhana وتمر بيك اللحظات .. دموعك ترد بسكات وشريط شغال بذكريات .. ياترى اللى جاى زى اللى فات وعقلك يقولك أرحمنى .. وقلبك يأكد انت مدمرنى وتفضل ترد على الاتنين .. العقل والقلب وكمان العين تفضل ترد بأجابات .. والكلمه طالعه ومعاها الأهات تجيلك حاله وتحس بحاجات .. احساس مليان انفعالات وفى الاخر تنام تعبان .. وتصحى كانك سكران وتسال كل ده ليه .. ومتلقيش اجابه عليه امممممممممممم لا تعليق لانك مبدع

ربنا يخليكى يا هنا
كتير جدااااااا جدا تعليقك ده
ربنا يفرح قلبك وكل حياتك
نورتى الموضوع بحضورك الجميل

[miso]

مش عارفة اقول ايه بامانة
بس نفسى اعرف برضو اجابة لنفس السؤال
كل ده ليه؟
العيب فينا فعلا ولا فالزمن

[عماد حسنى]

المشاركة الأصلية كتبت بواسطة miso مش عارفة اقول ايه بامانة بس نفسى اعرف برضو اجابة لنفس السؤال كل ده ليه؟ العيب فينا فعلا ولا فالزمن

شكرا جدا جدا يا ميسو
بس العيب ممكن يكون فينا
مش عارف فى مين بالظبط
ربنا يغير الاحول وينهى كل العيوب لو فينا او الزمن
ربنا معاكى ويفرح كل ايامك

[eng_fofa]

وتمر بيك اللحظات .. دموعك ترد بسكات
وشريط شغال بذكريات .. ياترى اللى جاى زى اللى فات


وعقلك يقولك أرحمنى .. وقلبك يأكد انت مدمرنى
وتفضل ترد على الاتنين .. العقل والقلب وكمان العين

صدقنى انا بجد مش لاقيه اى تعليق على الكلمات الجميله دى والاحساس العالى
ميرسى ليك استاذ عماد