[bolalover]

سلام و نعمة لكل اعضاء منتدانا الغالي ارثوذوكس

انا انهارده جاي اتناقش معاكم في موضوع شوفته و حسيته بنفسي
الاول هعرض عليكم قائمة مخالفات و عقوبات القانون الجديد في المرور كما عرضها ميكي

المشاركة الأصلية كتبت بواسطة mickey قانون المرور الجديد سيتم تطبيقه بداية من شهر أغسطس ويهدف إلى تحقيق عنصر الردع الذي كان يفتقده قانون المرور القديم ، نعرض من خلال الجدول التالي تلخيصا لقانون المرور الجديد في 3 كلمات المخالفات والغرامات والعقوبات..

المشاركة الأصلية كتبت بواسطة mickey **************** المخالفات عدم ارتداء السائق حزام الأمان الغرامات 100 إلى 300 جنيه العقوبات الحبس من 1 شهر إلى 3 أشهر **************** المخالفات استخدامك التليفون المحمول يدويا الغرامات 100 إلى 300 جنيه العقوبات لا يوجد **************** المخالفات السير عكس الاتجاه الغرامات 1000 إلى 3000 جنيه العقوبات لا يوجد **************** المخالفات الانتظار الخاطيء الغرامات لا يوجد العقوبات سحب رخصة القيادة مدة لا تقل عن شهر **************** المخالفات إزالة أو فك الكلابش بمعرفتك الغرامات 200 إلى 1000 جنيه العقوبات الحبس مدة لا تزيد عن ستة أشهر **************** المخالفات ارتكاب أفعال مخالفة للآداب العامة داخل السيارة الغرامات ليس أقل من 300 جنيه العقوبات الحبس مدة لا تزيد عن ستة أشهر **************** المخالفات قيادة المركبة ليلا بدون استعمال الأنوار الأمامية المقررة والأنوار الخلفيةالحمراء أو عاكس الأنوار المقررة الغرامات لا يوجد العقوبات سحب رخصة القيادة مدة لا تقل عن ستة أشهر **************** المخالفات قيادة المركبة في مواكب خاصةمن دون تصريح الغرامات لا يوجد العقوبات سحب رخصة القيادة لمدة لا تقل عن شهر **************** المخالفات عدم وجود مثلث عاكس للرؤية الغرامات لا يوجد العقوبات سحب رخصة القيادة لمدة لا تقل عن شهر **************** المخالفات عدم وجود حقيبة إسعافات أولية بسيارتك الغرامات لا يوجد العقوبات سحب رخصة التسيير مدة لا تقل عن شهر **************** المخالفات استخدام الأنوار المبهرة ليلا الغرامات لا يوجد العقوبات سحب رخصة القيادة مدة لا تقل عن شهر **************** المخالفات عدم استخدام غطاء الرأس الواقي أثناء قيادة الدراجة النارية الغرامات ليست أقل من 100 جنيه العقوبات لا يوجد **************** المخالفات الامتناع عن نقل الركاب (بالنسبة للمركبات الأجرة) الغرامات 300 إلى 1500 جنيه العقوبات لا يوجد **************** المخالفات القيام بطلب اجر أكثر من المقرر (بالنسبة للمركبات الأجرة) الغرامات 300 إلى 1500 جنيه العقوبات لا يوجد **************** المخالفات نقل عدد من الركاب يزيد عن الحد الأقصى المقرر (بالنسبة للمركباتالأجرة) الغرامات 300 إلى 1500 جنيه العقوبات لا يوجد **************** المخالفات نقل الركاب من غير مواقف الانتظار المخصصة (بالنسبة للمركبات الأجرة) الغرامات 300 إلى 1500 جنيه العقوبات لا يوجد **************** المخالفات مخالفة خط سير المركبة الاجرة المحدد الغرامات لا يوجد العقوبات سحب رخصة القيادة مدة لا تقل عن شهر **************** المخالفات السير بالسيارة الأجرة بعطل العداد الغرامات لا يوجد العقوبات سحب رخصة القيادة مدة لا تقل عن شهر **************** ومن اهم ما جاء بقانون المرور الجديد : التوك توك قام القانون الجديد بتقنين أوضاع "التوك توك"، حيث سيتم ترخيصها "أجرة موتوسيكل" ولابد لقائدها أن يكون لديه رخصة مهنية ويتم مراجعة شروط اللأمن والمتانة طبقا لشروط وزارة الصناعة والتجارة ، إلا أن القانون ترك الأعداد والألوان وخطوط السير والأجرة والمواقف للمحافظ ، مع تشديد الرقابة عليه حتى لا يصل "التوك توك" إلى الطرق السريعة وعواصم المحافظات. كما يواجه القانون استهتار السائقين والقيادة برعونة وسرعة جنونية والقيادة بدون رخصة خاصة لمن هم دون السن ، حيث تم تغليظ العقوبة لتصل إلى الحبس غير الوجوبي ، بمعنى ان تكون الغرامة أو الحبس إذا تكررت المخالفة من نفس الشخص. التاكسي وبالنسبة للتاكسي ، أحال القانون سيارات التاكسي التي يزيد عمرها عن 20 سنة إلى ذاكرة التاريخ ، حيث يتم تكهينها أو تحويلها إلى سيارة ملاكي لمنع تعطل المرور بسبب تعطلها في الشوارع وعلى الكباري والأنفاق وتقليل نسبة التلوث وأعطى القانون مهلة 3 سنوات لأصحاب سيارات التاكسي لتوفيق أوضاعهم عن طريق نفس الصندوق والحصول على سيارة حديثة بالغاز والعدادات "الديجتال" ويأخذ صاحبها نفس اللوحة على التاكسي القديم. لن يسمح القانون الجديد بإنشاء مطبات إلا بترخيص من الحي بعد تشكيل لجنة يشارك فيها خبراء المرور ويتم إنشاء مطبات قانونية ذات ألوان مميزة وعلامات تحذيرية ، أما إقامة السلاسل فقد حذر القانون أصحابها بإزالتها على نفقتهم الخاصة مع الغرامة أو الحبس. إشارات ديجيتال وسوف تشهد شوارع الجمهورية طفرة تكنولوجية تتمثل في تركيب إشارات ضوئية "ديجتال" لتخفيف تواجد أفراد المرور بالشوارع ، حيث تقوم الإشارات الجديدة بتصوير السيارات التي تتخطى الخطوط ويتم تحرير مخالفات لها، عقوبتها مغلطة حتى يحترم الجميع الإشارات ويتوقفون أمام الإشارات الحمراء. وأضاف القانون الجديد للمرور إمكانية دفع المخالفات فوريا ، كما أن المخالف يمكنه دفع نصف الحد الأدنى للمخالفة في الحال وتنقضي بذلك العقوبة فورا ، وإذا لم يدفعها فورا حدد له القانون ثلاثة أيام للذهاب إلى نيابة المرور وفي هذه الحالة يدفع الحد الأدنى ، لكن إذا لم يذهب إلى نيابة المرور خلال ثلاثة أيام يكون مصيره محكمة المرور عند التجديد وفي هذه الحالة يدفع الحد الأقصى للعقوبة. تم ربط كل نيابات المرور مع إدارات المرور بشبكة معلومات واحدة ، بحيث إذا اخذ مواطن مخالفة في أسوان تظهر في نفس اللحظة بالقاهرة حيث تم إنشاء غرفة عمليات بالإدارة العامة للمرور. اللوحات المعدنية ولم ينس القانون الجديد اللوحات المعدنية ، حيث أنها غير قابلة للتزوير وبها "باركود" يعمل على الجهاز الذي يحمله ضباط المرور واللوحة مؤمنة مكتوب عليها كلمة "مصر"، فلوحة القاهرة تتكون من 3 حروف و3 أرقام والجيزة 4 أرقام وحرفين وباقي المحافظات تتكون من 4 ارقام و3 حروف ويوجد في كل لوحة حرف يدل على المحافظة لا يعرفه أحد ويوجد أسفل كلمة مصر خط يميز نوع الترخيص أجرة أو ملاكي أو نقل واللوحة لا يمكن تزويرها أو فكها إلا عن طريق إدارات المرور من اجل القضاء على وسائل النصب في المركبات. كما أن القانون الجديد أقر عدم إعادة السيارات التي تدخل مصر بنظام "التربتيك"، كما يلزم المواطنين بالالتزام بالحارة المرورية على الطرق السريعة. نص تعديلات قانون المرور الجيد توضيح كل مخالفة وعقوبتھا سواء كانت غرامة أو حبسا

انهارده و مش انهارده بس لا دا من يوم ما نزل القانون الجديد للمرور المصري
و في حالة تزمد و جهل سائدة في جميع شوارع مصر
كل ما اركب مع سواق تكسي القيه بيسب و يلعن علي القانون الجديد
طيب ليه يا عم
يقولك ال ايه عوزني اربط حزام الامان علطول ولا اشرب ميه ولا اكل في العربية و انا سايق ولا حتي اشرب سجارة ولا اكلم في المحمول بتاعي
و تبص في وش الراجل تلاقيه مضايق جداااا و نازل عليه غضب ربنا بسبب القانون
و يقولك الحكومة دي عايزة تلم فلوس يا عم و كل شوية لجنان و حملات و يلموا في فلوس
طيب يا عم السواق انت ما تبص كده كويس هتلاقي القانون ده قانون عالمي مطبق في كل بلاد العالم
بلاش كل بلاد العالم مطبق في الدول المتقدمة
ايه مش عايز بلدك هي كمان تكون متقدمة
مش عايز الحكومة تكون خايفة علي سلامتك و امانك
بص كده هتلاقي اغلب الحوادث الي بتحصل سببها هو
سواق بيكلم في الموبايل
او سواق ماشي مسطول
او سواق ماشي و هو بياكل ولا بيشرب
او سواق في حاجه مش مظبوطه في عربيته
طيب مش متوقع انه يحصلك حدثة في يوم
الله و اعلم ممكن يحصلك حدثة في اي لحظة
فيها ايه لما تكون مامننفسك و لابس حزام الامان علشان بعد الشر يعني مش يجرالك حاجه
لازم يكون في وعي اكتر من كده
الحكومة بتفرد عليك مبالغ كبيرة في العقوبات و المخالفات و ده علشان انت تلتزم بالقانون
فيها ايه بقا لما تلتزم بالقانون و مش تدفع حاجه ولا تضر
و في نفس الوقت اهو انت بتحافظ علي نفسك و علي الي راكب معاك
بجد لازم يكون في وعي اكتر منه كده و تعرفي كويس ان القانون ده مفيد ليك انت اكتر ما هو مفيد للحكومة زي ما انت فاكر
ده قانون عالمي بيطبق في كل الدول المتقدمة
يعني ممكن تكون دي خطوة من ضمن الخطوات الي طريق التقدم في بلدك
خليك متعاون
و شارك في التقدم
و كفاية جهل و نقض علي شئ صح و سليم
عموما دي وجهة نظر ليا
ياريت اسمع وجة نظر باقي الاعضاء

امضاء
شحات المنتدي

المصدر: †† ارثوذكس †† - من قسم: صندوق مناقشات الاعضاء

[كيرو رافت]

سواق بيكلم في الموبايل
او سواق ماشي مسطول
او سواق ماشي و هو بياكل ولا بيشرب
او سواق في حاجه مش مظبوطه في عربيته
يا ريت يا بولا بجد نحاول نكون منظمين مرة عل نفسنا يا ريت بجد
نفسى احس ان احنا زينا زي باقى بلاد الدنياالاقل
مننا فى الامكانيات وفى حاجات كتير
وقدرت انها تتفوق علينا بشويه نظام
بس فين ومين اللى يعمل كدا

[جاسيكا]

اة بجد الناس كلها بتتكلم فى الموضوع دا
بس انتو عارفين اية السبب ان اللى ممعاهوش رخصة بيسوق العربية وياعالم ان كان بيعرف يسوق ولا لا
وتلاقى واحد عمرة ميتعداش ال 15 سنة وسايقلك عربية سواء اجرة او ملاكى
هو هينظم شوية الدولة لكن بردة هيكون فى حاجات سلبية على قدر ما هو فية حاجات ايجابية كمان

[ELMAGEK]

اولا بولا موضوع جامد
2 واحشنى اوى اوى يعلم المسيح
3 بص يا بوب احنا عايزين نجبر على الحاجة او
احنا كطبع عايزين الحياة السهلة الى بدون قيود تلاقية بيتذمر
على القانون وساعت دفع الاجرة تلاقية بمليون وش
شكرا على الموضوع يا جميل ويارب يتنفذ بجد

[bolalover]

المشاركة الأصلية كتبت بواسطة كيرو رافت سواق بيكلم في الموبايل او سواق ماشي مسطول او سواق ماشي و هو بياكل ولا بيشرب او سواق في حاجه مش مظبوطه في عربيته يا ريت يا بولا بجد نحاول نكون منظمين مرة عل نفسنا يا ريت بجد نفسى احس ان احنا زينا زي باقى بلاد الدنياالاقل مننا فى الامكانيات وفى حاجات كتير وقدرت انها تتفوق علينا بشويه نظام بس فين ومين اللى يعمل كدا

احنا بس شطرين ننقد في الحاجه و نقول مفيش نظام و مفيش و مفيش
و لما يجي النظام نعترض عليه و نقول ده حرام
سبحان الله
شعب غريب بجد
شكرا يا ابو نسب علي الرد الجامد ده و علي مشاركتك

[bolalover]

المشاركة الأصلية كتبت بواسطة جاسيكا اة بجد الناس كلها بتتكلم فى الموضوع دا بس انتو عارفين اية السبب ان اللى ممعاهوش رخصة بيسوق العربية وياعالم ان كان بيعرف يسوق ولا لا وتلاقى واحد عمرة ميتعداش ال 15 سنة وسايقلك عربية سواء اجرة او ملاكى هو هينظم شوية الدولة لكن بردة هيكون فى حاجات سلبية على قدر ما هو فية حاجات ايجابية كمان

يااااااااااه يا جاسيكا موضوع الرخصة ده و السواقة اقل من سن القانوني عايز موضوع لوحده
بجد بقيت اشوف كتير عيال بتسوق عربيات و بيعملوا حوادث بالهبل
بس صدقيني يا جاسيكا القانون الجديد ده هو الي مطبق في اوروبا بالظبط بجد
و سليم ميه الميه
بس احنا الي مش سولام
شكرا يا جاسيكا علي ردك الجميل و الاجابي

[bolalover]

المشاركة الأصلية كتبت بواسطة elmagek اولا بولا موضوع جامد 2 واحشنى اوى اوى يعلم المسيح 3 بص يا بوب احنا عايزين نجبر على الحاجة او احنا كطبع عايزين الحياة السهلة الى بدون قيود تلاقية بيتذمر على القانون وساعت دفع الاجرة تلاقية بمليون وش شكرا على الموضوع يا جميل ويارب يتنفذ بجد

اولا : شكرا يا معلم
ثانيا : و انت بجد وحشني اكتر يا ابو الفداء و نفسي اشوفك بجد و قريب انشاء الله
ثالثا : هو احنا كده يا فادي تيجي مثلا وقت الزحمة الناس تقول مفيش نظام و مفيش و في كوسة و مش عارف ايه
و لما يجي النظام و يبقا قوي كمان علشان الناس تمشي عليه يقولك ده حرام
طيب ما لازم النظام يكون كده و القانون يقول كده علشان سلامتك انت يا جاهل
بجد لو السواق فاهم كويس و مش جاهل هيحب القانون الجديد
شعب ميجيش غير بالعفية و الكرباج

شكرا يا ابو الفداء علي ردك الايجابي و المهم يا نجم
ربنا معاك و انشاء الله اشوفك قريب يا غالي

[marmarsh]

اكيد النا س اللى بتبقى معترضه على لبس حزام الامان او عقوبه السير عكس الا تجاه هم نفسهم بيعملوا الحاجات الغلط دى كلها واتعودو عليها علشان كده هم رفضين الصح

وحكايه شرب السجاير فى المواصلات انا كذا مره اكون راكبه تاكسى والاقى السواق ماسك السجاره وشغاااااااااااااااااااال ببقى نفسى اقوله ياااااااااااااااااعم طفيها بس بخاف يرمينى من العربيه ههههههههههه

ياااااااااااااااااااااااا رب
ميرسى على الموضوع ربنا معاك

[bolalover]

المشاركة الأصلية كتبت بواسطة marmarsh اكيد النا س اللى بتبقى معترضه على لبس حزام الامان او عقوبه السير عكس الا تجاه هم نفسهم بيعملوا الحاجات الغلط دى كلها واتعودو عليها علشان كده هم رفضين الصح وحكايه شرب السجاير فى المواصلات انا كذا مره اكون راكبه تاكسى والاقى السواق ماسك السجاره وشغاااااااااااااااااااال ببقى نفسى اقوله ياااااااااااااااااعم طفيها بس بخاف يرمينى من العربيه ههههههههههه ياااااااااااااااااااااااا رب ميرسى على الموضوع ربنا معاك

مرمر
ده حقك انك تقوليله يرمي السجارة ولا يطفيها لان ده شئ يضرك و ده من حقك لانه شئ مخالف للقانون
خليكي جريئة و متخفيش ميقدرش يعملك حاجه
ولا لازم القانون يكون بالكره علشان يتعودوا علي الصح
و انتي و انا و غيرنا لازم يساعد في تنظيم القانون ده باننا نرفض الغلط لما نشوفه
شكرا يا مرمر علي ردك الجميل و مشاركتك