[بنت المخلص]

ربى هنام دلوقتى وبكرة هبتدى معاكربى انا من بكرة هبتدى معاك بس هنام دلوقتى ومن بكرة بجد وعد ...وجات العصافير الصبح وصحيت ربى انا هروح اغسل وشى وافطر وجايلك علشان ابتدى معاك وبعد مافطرت جيت ابتدى معاه لقيت التليفون بيرن قلتله طيب خمسة بس ارد عليه وجايةاوعى تمشى ياربى انا جاى علشان ابتدى معاك و روحت ورديت لقيت صاحبى من زمان مش بيكلمنى قعدت اتكلم واتكلم ونسيت انى اديت لحد معاد ، المهم خلص التليفون و روحت للصورة بتاعة ربى ورايح ابتدى معاه .. يوووووووووووووووووووه ثوانى الباب بيخبط هشوف مين وجاى لقيت جارنا عايز مساعدة قولت اروح اساعدة استنانى يارب .. وبعد حوالى ساعة جيت وقولت بقى اروح ابتدى مع ربى ولسة رايح قولت يووووووووووه انا نسيت احلق ذقنى بعدين يقولوا عليا ايه .. سايب ذقنة كدة ليه قولت طيب خلاص خمسة كدة وهاجى وبعد ماحلقت ذقنى قولت اروح بقى وفتكرت انى عندى معاد للخدمة فى الكنيسة وانا رايح لقيت الموبايل بيرن الووووووووو مين اوووووووووووو ازيك عامل ايه واحشنى ، ايه مالك متضايق ليه طيب خلاص خلاص هشوفك بعد الخدمة بس مش عايزك تضايق نفسك خالص .. وقابلتة واتكلمت معاه وخليتة مش زعلان وبعد ما اليوم خلص و روحت على البيت لسة رايح ابص على الصورة علشان اقولة معلش يارب انا تعبت النهرضة .. لقيت الدموع نازلة من عنية بحرقة وقولت انا ليه مازعلتش انى اديت معاد لربى وماجتش فيه ؟ ده انا روحت لصاحبى جرىمع انه لو الموقف ده حصل فيا هتضايق ولو حد اهملنى لمجرد انى طلبت منه طلب هبقى قاعد زعلان .. طيب ليه انا قبلت الوضع ده مع ربى حبيبى اللى فى ضيقي بلاقيه اول واحد جنبى ...اكيد الوضع بتاعنا محتاج تغيير كتيرماتخليش العالم هو اللى ساكن فيك .. خليك انت اللى ساكن فى العالمسيب قلبك يسكن فيه يسوع مش العالموفى الآخر انا بجد بجد ياارب اسف اسف لأنى كنت بدق المسمار واجلدك مع الجندى .. مع انى لما بشوف المشهد ده بقول ازاى الانسان دة قدر يعمل كدة وفجأه الاقى نفسى انا بعمل اكتر منةاسف ياربى

المصدر: †† ارثوذكس †† - من قسم: القصص النصية