تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



القسم الادبي لمن يهوى الشعر والنثر وكتابة القصص والتاليف

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


ام مينا

بقلم : مايكل سامي انا كنت بعيد عن الحب وبقول مش عاوز اشوف اراضيه قليل اللي كملوا قصتهم وللأسف محدش شكر فيه

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية MICKEY
MICKEY
ملك الكوميديا
MICKEY غير متواجد حالياً
 
رقم العضوية : 314
تاريخ التسجيل : May 2007
مكان الإقامة :
عدد المشاركات : 8,149
عدد النقاط : 19
قوة التقييم : MICKEY is on a distinguished road
ام مينا

كُتب : [ 05-25-2008 - 03:28 PM ]


بقلم : مايكل سامي


مينا DqB13606.jpg
انا كنت بعيد عن الحب وبقول مش عاوز اشوف اراضيه
قليل اللي كملوا قصتهم وللأسف محدش شكر فيه

هحكيلكم حاجه حصلت ومش مجرد كلام
حبيت وانا في الجامعه حب صادق ولا في الاحلام
لقيت نفسي بحبها جامد جدا وهي حبتني كمان

ابويا قالي ياواد انت لسه بتاخد مني المصروف
متبقاش عامل زي العبيط وتقف قدام اهلها وقفت كسوف
وهما بيقلولك بتشتغل ايه وانت محصلتش حتي خروف

قالي قدامك كليه وجيش وشغل عشان تبقي انسان
وساعتها تتقدم لأهلها ويبقي ليك كيان
ساعتها يوافقوا عليك وانت داخلهم بقلب مليان

قولتوا بحبها يابا حب كبير كبير
دي هي ملكت قلبي وملكت كل التفكير

قالي لو ليك اخت ترضالها بالعزاب
تخرج مع شاب منعرفوش من غير مايدق باب
يعشمها بحب وجواز وفي الاخر يرميها زي الكلاب
تقعد تندب بختها وتشيل الهم والنيله والهباب

الجلالة خدتني وقولتله لا يابا الكلام ده طبعا ميرضنيش
وقمت من قدام ابويا والدنيا سوده كأنها مدهونه ورنيش

قابلتها تاني يوم وصارحتها بكل اللي جوايا
قعدنا نبكي شوية وبدأت تفكر ويايا
قالتلي السكك مقفوله كلها لكن انت دوايا
واتفقنا نأجل قصتنا لحد مالعمليه تتحسن معايا

ودعنا بعض لحد ماتتحسن الظروف
قعدنا نبكي ومن كتر البكي ماعرفناش نشوف
اي امل تاني قدامنا وقلوبنا اتملت بالخوف

خلصت جامعه وجيش وجريت اكلمها من تاني
جوايا فرحه فظيعه هزتلي كل كياني
مش عارف اوصفلكم ساعتها فرحتي ولا شوقي ووجداني
لكن الغريبة سمعت صوت غريب بوداني

طفل صغير بيقولي انت مين ياعمو رد عليا
قلتله انت مين ياللي صوتك مش غريب عليا
ولمس قلبي بمجرد مارديت عليا

قالي انا مينا ابن ماما فلانه انت بقي مين ؟؟؟

ارتعش جسمي ارتعاشة واحد هيموت
وانفجرت دموعي ولساني اصابه السكوت

قولتله انا اللي كنت ممكن اكون اغلي واحد في حياتك
لكن الظروف بعدتنا وفرقتنا بس برضه هحس بأهاتك

قالي تاخد ماما تكملها هي موجوده هنا معايا
قولتوا ماهي زمان كانت موجوده ويايا
وقفلت السكه بسرعه والدمعه بتحفر جوايا
مجري رهيب سار فيه جرحي وشقايا

الي كل من عرف مأساتي يصليلي كتير
وصلوا اني اشوف مينا دكتور كبير
وامه تتهني ومتحسش يوم بألمي المرير

سلام يا أم مينا .. ياذكري ايامي الجميلة

+++++++++++++




التعديل الأخير تم بواسطة MICKEY ; 04-27-2011 الساعة 10:09 PM
رد مع إقتباس
Sponsored Links
بياناتي
 رقم المشاركة : ( 2 )
القطة كيتي
ارثوذكسي فضى
رقم العضوية : 10195
تاريخ التسجيل : Dec 2007
مكان الإقامة :
عدد المشاركات : 3,909
عدد النقاط : 10

القطة كيتي غير متواجد حالياً

افتراضي رد: ام مينا

كُتب : [ 05-25-2008 - 03:36 PM ]


يالهوي ياميكي اية دة يابني انت طيب بجد دمعت بجد صعبة اوى علي ما الي يخدها في الاول ضحك بس بجد صعبة اوى اوى اوى ربنا معاك ويباركك ويفرحك


بس دى جامدة اوى اوى اوى اوى

قالي لو ليك اخت ترضالها بالعزاب
تخرج مع شاب منعرفوش من غير مايدق باب
يعشمها بحب وجواز وفي الاخر يرميها زي الكلاب
تقعد تندب بختها وتشيل الهم والنيله والهباب


رد مع إقتباس
بياناتي
 رقم المشاركة : ( 3 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,328
عدد النقاط : 81

elphilasouf غير متواجد حالياً

افتراضي رد: ام مينا

كُتب : [ 05-25-2008 - 03:57 PM ]


وااااااااااو روعــــــــــــــــــــــ ــــــــــــــــــه يا ميكى
و حته نقد ادبى بقى من استاذ العربى

اقتباس
" الكلمات نابعه من عاطفه صادقه مشتعله
نري استخام الصور المناسبه و القوه فى تصوير المشاهد والذي استطاع ان يجسد الصوره
ويمتع قراء الموضوع"

رد مع إقتباس
بياناتي
 رقم المشاركة : ( 4 )
tony_algamid
ارثوذكسي صانع
رقم العضوية : 9404
تاريخ التسجيل : Dec 2007
مكان الإقامة :
عدد المشاركات : 554
عدد النقاط : 10

tony_algamid غير متواجد حالياً

افتراضي رد: ام مينا

كُتب : [ 05-25-2008 - 05:10 PM ]


لنا بعض التساؤلات التى نريد الإجابة عليها

أولاً :-

هل كان الشاعر فى غيبوبة طوال
الفترة التى تزوجت فيها أم مينا
وأنجبت ولدها مينا ؟؟؟

ثانياً :-

هل وقع الشاعر فى الفحشاء مع
(أم مينا) فكانت الثمرة
هيا (مينا) ؟؟؟

ثالثاً :-

لا هذا ولا ذاك لكن أم مينا
أنجبت (مينا) بالبركة أى حدثت
معها معجزة ؟؟؟

رابعاً :-

فإذا كان السؤال الثالث صحيح
ما الذى يمنعك مستر ساد أن
تعود إلى أم مينا ؟؟؟

فى النهاية منتظرين رد أم مينا
حتى تكشف لنا حقيقة الأمر

















































عزيزى ساد

يتربى فى عزووووو

إلـــــــــغـــــــــاء

رد مع إقتباس
بياناتي
 رقم المشاركة : ( 5 )
مرموره
ارثوذكسي فضى
رقم العضوية : 28
تاريخ التسجيل : Apr 2007
مكان الإقامة :
عدد المشاركات : 4,026
عدد النقاط : 10

مرموره غير متواجد حالياً

افتراضي رد: ام مينا

كُتب : [ 05-25-2008 - 05:20 PM ]


قصة روووووووووووووووووووووووو وووووووووووعه بجد
للدرجادى ممكن ناس تتضحى عشان خاطر ناس بيحبوهم
معنى كلامه انه قطع الاتال بيها نهائيا لدمة سنين طويلة
و هى اتجوزت شخص اخر
بس هل مكنش عرف من اصحابها انها اتخطبت
هل للدرجة دية الشهامة و حبة و فكره انه ممكن يخذلها خلاه يقطعها سنين !
بس بجد هى قصه روووووووووووووووووووعه و ياريت الولاد كلهم يتعلموا من الكلام ده :


اقتباس
قالي لو ليك اخت ترضالها بالعزاب
تخرج مع شاب منعرفوش من غير مايدق باب
يعشمها بحب وجواز وفي الاخر يرميها زي الكلاب
تقعد تندب بختها وتشيل الهم والنيله والهباب

رد مع إقتباس
بياناتي
 رقم المشاركة : ( 6 )
@M@R!N
ارثوذكسي ذهبي
رقم العضوية : 5386
تاريخ التسجيل : Nov 2007
مكان الإقامة :
عدد المشاركات : 8,926
عدد النقاط : 13

@M@R!N غير متواجد حالياً

افتراضي رد: ام مينا

كُتب : [ 05-25-2008 - 09:53 PM ]


الله يا ميكي
قصه حلووه وكلامك جميل اووي
اممم مش عارفه اقولك ايه بصراحه
صلواات القديسين تكون معااك في حياتك
وربنا يفرحك بمينا ويكون دكتور زي مابتتمنى
ربنا يخليك لينا يا ميكي

رد مع إقتباس
بياناتي
 رقم المشاركة : ( 7 )
كيرو رافت
عاشق الرومانسيه
رقم العضوية : 5852
تاريخ التسجيل : Nov 2007
مكان الإقامة : فى بيتى فى الدور الثامن
عدد المشاركات : 9,852
عدد النقاط : 24

كيرو رافت غير متواجد حالياً

افتراضي رد: ام مينا

كُتب : [ 05-25-2008 - 10:03 PM ]


ميكى الرائع لقد تخطيت كل الحدود
انا بجد موش عارف ايه ممكن اقوله انت خليتنى كرهت ام مينا المستعبطه اللى خلتك تشقى وتتعب وفى الاخر جابتلك هديه مكافاه ليك ميناااااااااااااااااااااا
انا موش عارف اقول ايه اسلوبك القصصى رائع وجميل بجد بيماثل اقوى الادباء والشعراء فى اسلوبهم انت عيشتنى مع صلاح جاهين بقلبه الكبير ومريت عليا باالراوى الكبير شاعر الربابه والعود الابنودى العظيم
موش عارف اذا كانت دى قصتك ولا قصتى اكيد المتك زى ما المتنى
لكن انا بجد مبسوط ان فيه لسه راجل مظبوط ضحى بوقته وسعادته علشان يرجع لحبه بس للاسف رجع مصدوم
انا كرهت مينااااااااااااااااا وام ميناااااااااااااااااااااا ااااااا والتليفون اللى عند مينا هو ايه اللى خلاه يرد بس ويدايقك


رد مع إقتباس
بياناتي
 رقم المشاركة : ( 8 )
عماد حسنى
شاعر المنتدى
رقم العضوية : 624
تاريخ التسجيل : Jun 2007
مكان الإقامة :
عدد المشاركات : 9,092
عدد النقاط : 34

عماد حسنى غير متواجد حالياً

افتراضي رد: ام مينا

كُتب : [ 05-25-2008 - 10:06 PM ]


ميكى

انا مش عارف اقولك ايه بجد
اقولك ربنا معاك ويعوضك
اقولك انك كتبت اجمل وارقى المعانى الانسانيه فى مأساه شاب
اقولك بجد بجد انت راجل وشاعر ومخلص
وكل ده له تمن كبير اوى اوى
ربنا معاك
وبجد فوق فوق فوق الرائعه

رد مع إقتباس
بياناتي
 رقم المشاركة : ( 9 )
وردة حزينة
ارثوذكسي ذهبي
رقم العضوية : 8670
تاريخ التسجيل : Dec 2007
مكان الإقامة :
عدد المشاركات : 10,782
عدد النقاط : 28

وردة حزينة غير متواجد حالياً

افتراضي رد: ام مينا

كُتب : [ 05-25-2008 - 10:20 PM ]


ميكى بجد انت ضحكتنى وعيطنى فى نفس الوقت
بس عاجبنى اوى اوى انك دعيت لمينا من قلبك زى ماكنت هاتتدعيلة وهو ابنك
مشاعر صعبة اوى لكن الاجمل انك ارتقيت بالمشاعر الصعبة دة
ميكى جوايا كلام كتير نفسى اقولهولك لكن بجد لسانى عاجز من روعة ماقريت
ربنا معاك يافنان

رد مع إقتباس
بياناتي
 رقم المشاركة : ( 10 )
جيوفاني
ارثوذكسي متألق
رقم العضوية : 120
تاريخ التسجيل : Apr 2007
مكان الإقامة : Alexandria
عدد المشاركات : 339
عدد النقاط : 10

جيوفاني غير متواجد حالياً

افتراضي رد: ام مينا

كُتب : [ 05-25-2008 - 10:35 PM ]


الله عليك يا باشا كلام زي السكر وقافية موزونة علي ميزان حساس الله عليك

رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
العظيم فى مطارنة وسواح القرن الواحد والعشرين !!! manshi55 سير القديسين المعاصرين 18 09-06-2009 08:25 PM
من انا ( 20 ) MICKEY البرامج والخروجات الخاصة بالاعضاء 21 04-25-2009 07:01 PM
من انا ( 7 ) MICKEY البرامج والخروجات الخاصة بالاعضاء 24 02-20-2009 02:38 PM
معجزات القديس العظيم ماري مينا حبيبي ماروجيرافك معجزات القديسين والقديسات 0 06-17-2008 07:49 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 01:02 PM.