[الناى الحزين]

يسوع موبيله دايما متاح

حاولت تكلم ربنا على الموبيل

انت عارف ان موبيل ربنا هو الموبيل الوحيد اللى عمرك ما تطلبه تلاقيه غير متاح

كتير بنطلب ارقام لناس اصحبنا ونلاقى عندهم الشبكه ساقطه
ربنا عنده فى ملكوته
الشبكه عمرها ما تضعف ولا تقل شرطه

ممكن تكلم واحد صاحبك والبطاريه تفصل عنك ولا عنده
لان مفيش شحن
ربنا دايما كلامه اللى بيشحنا بالطاقه الروحيه عمره ما يخلص ابدا

جرب وابعتله رساله اطلبنى شكرا لربنا
هتلاقيه يكلمك فى لحظتها
وممكن يكلمك بالسعات

كتير بنطلب ناس ونتمى نكلمهم بالسعات
جربت انك تكلم ربنا مره كدا

كتير ممكن ناس تطلبنا ومنردش عليهم
ربنا عمره ما ساب حد الا ورد عليه

ممكن نكلم ناس بس علشان نحسسهم اننا مهتمين بيهم
ربنا دايما بيكلمنا علشان هو فعلا مهتم بينا وبيحبنا

كتير بنرن على غيرنا ونبعتلهم مسد كوول
جربت انك فى يوم تبعت لربنا رنه او كلمه شكر

كتير بنبعت رسايل للاصحبنا واهلنا وحبايبنا
ولو حد بعتلنا رساله من الزوق اننا نرد عليه برساله
ربنا كل يوم بيبعتلنا رساله
جربت انك ترد عليه حتى برساله فيها كلمه شكرا

انت ممكن الرصيد يخلص فى اى وقت فى موبيلك
ربنا رصيده ولا مره بيخلص ورصيده كبير قوى

انت ممكن تستلف من اى حد صاحبك رصيد
ربنا ممكن يديلك رصيده كله لانه بيحبك

انت ممكن تسمع كلمه
عفوا لقد نفذ رصيدكم
ربنا دايما بيقولك رصيدك يوم بعد يوم بيزيد عندى

ياترى ممكن بعد كدا يكون تليفونك انت غير متاح؟

يارب اجعلنى دايما اسمع منك كلمه
رصيدك عندى كل يوم بيزيد

المصدر: †† ارثوذكس †† - من قسم: التأملات الروحية والخواطر الفكرية

[وردة حزينة]

ياااااااااااااااااااااااا اعدراء ياناى ايه التامل الاكثر من رائع ده
بجد بجد اثر فيا جدا
وعندك حق باامانه فى كل كلمه هو بيدى بسخاء ومن غير حساب بس نهتم بيه زى مابنهتم برد على اصحابنا ورسايلهم
روعه روعه بجد
تسلم ايديك
بعد اذنك هاانقله لقسم التاملات الروحيه والخواطر الفكريه

[M@@@NOOOO]

ياترى ممكن بعد كدا يكون تليفونك انت غير متاح؟
يارب متخليش الوقت ده يجى عليا ابدااا
انا ابنك الخاطى واللى دايما كل ما بتوب وبرجع للخطيه من تانى
تيجى انت وفاتحللى حضنك من تانى
ورغم كده مش بقدر حبك اللى ملهوش مثيل ده
يارب نفسى رصيدى ميخلصش وافضل اتكلم معاااك وابقى فى حضنك دايمااا
ميرسى ياناى على التامل الرائع ده
وربنا معاك ويفرح قلبك دايما

[nermos1982]

موضوع بجد رااااااااااااااااائع يا ناى .بجد حلو اوى اوى
ربنا يفرح قلبك دايما بمحبته ويكون معاك

[nana222]

تامل راااااائع جدا
يلمس القلب بسرعه
شكرا لتعب محبتك

[نبيل نصيف جرجس]

يا ناى مش عارف اقولك اية
للاسف تليفون ربنا دايما متاح قدامنا احنا بس اللى مش بنحب نكلمة
بنكسل او بنام على طول او مستكتر شوية تكلم ربنا مستكلف الانسان بطبيعتة يروح ورا اللى بيتعبة ورا اللى بفلوس ومش هيستفاد منة حاجة
ربنا يخليك يا احلى ناى فى الدنيا
موضوع فوق الرائع

[الناى الحزين]

المشاركة الأصلية كتبت بواسطة وردة حزينة ياااااااااااااااااااااااا اعدراء ياناى ايه التامل الاكثر من رائع ده بجد بجد اثر فيا جدا وعندك حق باامانه فى كل كلمه هو بيدى بسخاء ومن غير حساب بس نهتم بيه زى مابنهتم برد على اصحابنا ورسايلهم روعه روعه بجد تسلم ايديك بعد اذنك هاانقله لقسم التاملات الروحيه والخواطر الفكريه

انا اللى بجد بشكرك يا احلى ورده لمرورك واهتمامك وردك

وصدقينى كنت هنزل الموضوع فى القسم ده
بس حسيت انه موضوع لا يليق بالقسم لانه بسيط مش زى المواضيع العملاقه اللى ماليا القسم
اشكرك على اهتمامك وربنا يفرح قلبك

[الناى الحزين]

المشاركة الأصلية كتبت بواسطة m@@@noooo ياترى ممكن بعد كدا يكون تليفونك انت غير متاح؟ يارب متخليش الوقت ده يجى عليا ابدااا انا ابنك الخاطى واللى دايما كل ما بتوب وبرجع للخطيه من تانى تيجى انت وفاتحللى حضنك من تانى ورغم كده مش بقدر حبك اللى ملهوش مثيل ده يارب نفسى رصيدى ميخلصش وافضل اتكلم معاااك وابقى فى حضنك دايمااا ميرسى ياناى على التامل الرائع ده وربنا معاك ويفرح قلبك دايما

مانوووووووو

بجد مشاركتك جميله جدا
واسعدتنى جدا

ربنا يفرح قلبك حبيبى
ومتشكر جدا يا مانوووو

[الناى الحزين]

المشاركة الأصلية كتبت بواسطة nermos1982 موضوع بجد رااااااااااااااااائع يا ناى .بجد حلو اوى اوى ربنا يفرح قلبك دايما بمحبته ويكون معاك

شكرا يا نيرمو على جمال ردك

والرائع فعلا هو ردك لانى مش استحقه

ربنا يفرح قلبك

[الناى الحزين]

المشاركة الأصلية كتبت بواسطة nana222 تامل راااااائع جدا يلمس القلب بسرعه شكرا لتعب محبتك

انا اللى بشكرك بجد من قلبى على كلامك الجميل
وردك الاجمل
ربنا يفرح قلبك يا نانا