[kary_alfy]

الشخص الذي يترك عمله الحكومي ليتفرغ في خدمة الناس و شعب المسيح لا اتخيل انه يعمل كده و اشك ,ولو عمل ليس لي شئن في هذا واما انا فاحترامي و توقيري للاب الكاهن مزال كائن و ان مثل هذه القصص تجعل عين الناس تنحرف عن مكانها الطبيعي,,,,,,,,, شكرا

[كراكيب]

• شكرا لجميع الردود

[vandam_33]

ربنا يعدينا منها علي خير لان كتيرين سيضلوا ولكن الذي يصبر الي المنتهي فهذا يخلص

[نادر شحاته]

الكاهن هو انسان مثلنا وله ضعفاته ايضا ولذلك هناك فرق بين الاحترام والتأليه للكهنه

[كراكيب]

• اكيد طبعا يانادر
  شكرا لمرورك
  

[emmmy]

طيب معلش ممكن اسال سؤال بس
الموقف دة وصلك ازاى يا ميلاد الحوار دة دار بين الاب والبنت والموظف انت عرفتة ازاى ؟
ما هو مش معقول الكاهن هيحكى او الموظف كمان شئ ممكن يسئ ليهم

[كراكيب]

• يعني انا كداب يعني ياايمي ولا شايفاني معراض للكنيسة وبشوه صورتها
  الموضوع ده وصلي عن طريق البنت اللي كانت قاعدة مع ابونا وانتي تعرفيها كمان البنت دي بس انا طبعا مش هقول هي مين
  وعلي فكرة سؤالك مش حلو خالص بجد لانه في اتهام لشخصي بالكدب
  وشكرا للرد
  

[ماروجيرافك]

مع احترامي ليك يا كراكيب ايمي سؤالها كانت عادي مجرد استفسار
وبلاش ترد وانت عصبي
واحده واحده
وبعدين مدام انت شايف انها قالت عليك كداب بترد علي سؤالها لي
اهدي شويه
ايمي خليكي انت اكبر
واياكي تردي وانتي عصبيه
بدل ما اضربكم انتم الاتنين
انا بقول اهو

[emmmy]

حاضر يا ماريو

ميلاد لية كدة دة مش قصدى خالص بامانة بس انا فعلا مصدومة ومتضايقة مستغربة جدا اب كان بيدفع رشوة علشان يخلص موضوع صعبة اوى والاصعب انك تعرض الموضوع علنا على صفحات النت وتسبب عثرة للنفوس وخصوصا البسطاء اللى شايفين الاباء الكهنة دول صورة المسيح على الارض
وبعدين الاب الكاهن اللى مسافر 15 يوم دة وسايب الختم مع السكرتير ولا المسئول مش المفروض انة مجرد بيسد مكان ابونا المسافر وبيخدم الشعب لحد ما يرجع
ابونا اللى سافر دة مش عارف انة ممكن فى اى لحظةيجى حد ويطلبة وبما انة سايب الختم يبقى المسئول اللى اخد الرشوة مش حقة يطلب دة ولا يقبلة ولو رفض انة يعمل طلب ابونا ويخلصة من حق الاب الكاهن اللى دفع الرشوة وسبب العثرة الفظيعة دى يصعد الموضوع وتوصل لسيدنا كمان لان صاحب حق وسيد الموقف لية بقت اسهل حاجة عندنا الرشوة وصلت لحد الكنيسة والبيعة اللى المفروض انها منبع الصواب والنور والحق لكل الناس مش ابونا بس اللى غلط انت كمان يا ميلاد مش كل حاجة تسمعها تقولها ارجوك فكر شوية وشوف تاثير الكلام على اخواتك

عموما عتابى هيكون بينى وبينك
على الاحساس الغلط اللى وصلك
واللى انا مش مسئولة عنة ودى
مش اول مرة على فكرة

[ماروجيرافك]

عموما عتابى هيكون بينى وبينك على الاحساس الغلط اللى وصلك واللى انا مش مسئولة عنة ودى مش اول مرة على فكرة

لا معلش مفيش حاجه اسمها بينك وبينه احنا عاوزين خناقه ونفرح فيكم كلنا ومحدش هيسلك هه
ايمي الموضوع ابسط من كده صدقني هو بس الواحد ساعات بيكون مضايق من حاجه ونفس الوقت بيكون بيرد علي موضوع معين طبعا احساسه ومضايقته كلها بتطلع في الرد معلش
احنا نستحمل بعض امال اخوات اذاي ومش عاوز كلام كتير ماشي
يلي كل واحد علي موضوعه