[جناح المسيح]

خايف مره

خايف مره احب واعيش على امل انك تبقى ليا
وارجع من تانى ما لاقيش غير اشواق وجراح وقاسيه

و خايف ابعد عنك اندم انى خسرت انسان بيحب
بس خايف برضه اقرب واعرف ان ده كله كدب

خايف وخوفى معذبنى ليل ونهار علطول ما يسبنى
اصل انا دوقت ياما مرار من اللى ليهم قلبى شددنى

اعمل حاجه واضحه تخلى قلبى يقول ان انت تملى
حاسس قلبى وبتحتاج اى وسيله علشان توصلى

خايف افسر تصرفاتك وعنيك يا حبيبى وحركاتك
على انها حب وحنيه وارجع اشرب مر كاسك

بس بجد بتيجى اوقات بتثبتلى فيها حاجات
انها دايبه وحاسه هوايا وبتشتقلى ساعات وساعات

يوم ما بتجرح تيجى تصالح وانا من قلبى برضه بسامح
واقعد اشوف ايه سبب الجرح انى ببقى ساكت سارح

خايف لو قربت اتكلم حبى يبان فى كل كلامى
وخايف لو سكت اتالم من حبى الصامت فى غرامى

اتجننت احتارت وخايف وبجد بقيت مش عارف
اعمل ايه فى اللى انا حبيتها وبقولك يا قلبى انا اسف

من تاليفى
اذكرونى فى صلاتكم
انطونيوس جرجس

المصدر: †† ارثوذكس †† - من قسم: القسم الادبي