جواك غير براك
والحقيقة بين الأتنين معذباك
لا عارف تكون اللى جوه
ولا قادر تبقى اللى بره
فى حاجه كبيره ناقصاك
من جواك ومن براك
اصرخ ليسوع وقوله محتاج اكون معاك
اصرخ ليسوع وأقوله خلينى ابقى أنا
رجعنى لورا سنه او خدنى لقدام سنه
المهم ماتسبنيش هنا
تعبان بين الاتنين
ماتسبنيش شجرة تين
جوايا مليان بالانين
وبرايا مش عارف لفين
الماضى والحاضر والمستقبل
ملايين بالعلامات ؟؟؟؟
من برا تبان انك قوى
ومن جوه مفيش غير ضعفات
القلب والعقل والخبرة
بقى كله فى صدمات
الخوف والثقه والحيره
بتربطهم شعره وياريتها
لاقيه ع الارض ثبات
الايام مابقتش عاديه
والدنيا مش هى هى
فى حاجه غريبه حاسينها
مع ان الاحساس لحظات
اصرخ ليسوع قوله محتاج اكون وياك
قوله خدنى منى ورجعنى
علشان اطلب ابقى معاك
الحل مش هايكون من بره
ده الحل من جواك
______________
مشاهدة صفحة طباعة الموضوع
أرسل هذا الموضوع إلى صديق
الحل من جواك
المواضيع المتشابهه
العرض الشجري