[la tristeza y el dolor]

بصى هقولك على حاجه انا مصدقها اوى
الابتسامه الصغيره لكل حد بس فى حدود , بتغير كتير من شخصيتك ادام اللى بتتعاملى معاه , و برضه ممكن تكون تصرفاتك بتعكس انانيه و تكبر وانتى مش حاسه
يعنى ممكن متكونيش متكبره فعلا بس تصرفاتك بتبين كدا يبقى كدا العيب مش منك و لا من اللى ادامك بس انتى تحاولى توفقى تصرفاتك خصوصا مع الناس اللى اول مره تتعاملى معاهم و اللى ميعرفوش مرموره ديه ايه صفاتها

[MRAMER]

مرسي أوي علي نصيحك الغاليه دي
بس أنا عايزة أقولك علي حاجة كمان
الكسوف والخجل بيتفهموا برضو علي أنهم أنانية وتكبر
يعني عندينا في بلدنا إحنا لو شفنا حد من الولاد اللي معانا في دفعتنا لا نبص عليهم ولا نكلمهم وممكن نمشي في شارع تاني لو شفناهم
فيتقال علينا إننا بنات معندهاش زوق وبتاعة مذكرة وبس
والبنات التانية اللي بتعمل كدا تقول علينا أننا بنات شايفة نفسها وبس
إيه رأيك

[la tristeza y el dolor]

كلامك صح , بص خير الامور الوسط , يعنى انتى ابتسامه صغيره للحد المحترم اللى تعرفيه اوى و واثقه فيه , علشان ميقولش عليكى متكبره و فى نفس الوقت علشان هو محترم فمش هيفهمك غلط , و بعدين الكسوف دا اهم حاجه فى البنت , لانه بيدل على احترامها , و بجد انا بحترم البنت الهاديه

[MRAMER]

أولا أنا أسفة أوي علي التأخير علشان كنت بتعشي
ثانيا مرسي علي كلامك الجميل دا اللي غير حاجات في تفكيري

وأنت معندكش حاجة مضيقاك

[la tristeza y el dolor]

هنا و شفا يا مرااااااااامير

انا عندى مشكلتين فى صفاتى انى قلوق و عصبى شويه

[MRAMER]

نمسك مشكلة مشكلة
الأولي أنك بتقلق كتييير
مشكلة القلق دي تتوقف علي الحاجة اللي أنت بتقلق منها
يعني لو حاجة مهمة زي المستقبل و"النتيجة زيي كدا" أو مشاكل عائلية ففعلا دي حاجات تستاهل القلق ولكن في حدود علشان ربنا موجود وإحنا منقوشين علي كفه وهو أعلم بكل حاجة وكل ما يعمل يعمل للخير

[la tristeza y el dolor]

عندك حق طبعا بس انا بنسى كل الكلام دا ساعه القلق او المشكله

بس طبعا ربنا بيبعت تعزيات فى نص المشكله

[MRAMER]

كلنا بنسي الكلام دا في عز المشكلة
وأنت عارف ليه بننساه
بسبب الشيطان اللي بيحاول يبعدنا عن ربنا بالمشاكل دي ويعمي عنينا عن كلام ربنا اللي بيعزينا في كل وقت
بس لازم في الأوقات دي يكون هدفنا هو الإنجيل والصلاة علشان ربنا يبعد عننا الشيطان ويحل المشاكل ويبعد القلق
ممكن كمان في عز المشكلة تروح فاتح الإنجيل من غير ما تقصد صفحة معينه يعني بطريقة عشوائية وثق تماما أنك هتلاقي كلمة تعزية
ودا عن تجربة

[la tristeza y el dolor]

عارفه لما بعمل كدا يا مرموره بشكر ربنا على التجربه و بحس اد ايه هى على اد ما سودت الدنيا جوايا على اد ما هى كانت سبب ان عينيا بتتفتح على امور جمييييييله ربنا حب يورهالى .

[MRAMER]

كلام جمييييييييل أوي يا بندق
ربنا قال إن نسيت الأم رضيعها أنا لا أنساكم
وربنا قبل ما بيحط الإنسان في التجربة بيبقي مجهزله الحل