[دودي بوب]

لية بتبكي دي دمعة من عينك تساوي الف دانيا من البشر

لية بتبكي وشايف
الدمعة الحزينة ودم سايل كالمطر
يهوذا جاي علشان يسلم قلب ضمة وعضدة
وحماه
ورفعة من الخطر
خلاص نسيت الذكريات
روح ...وقول للمعجرات
تجي
وتحكي علي اللي فات
اموات تقوم
وايدين تبدد في الهموم
اسال الريح
في السفينة
اسال الناس والمدينة
اسال النازفة الحزينة
كلة راح
ينطق بصوت
واحدة دة الالة
خلاص نسيت
قلوبنا قالت وايا بطرس
مستحيل
اني احنا نبعد عن طريقك
لو قامت الدانيا بجبالها ما راح نسيبك
ونسينا
يوم ما قالوا اني انتوا منهم
قولنا لا منعرفوش
ومرة تانية منعرفوش
في
التالتة قولنا ما شفنهوش
ياخسارة
ياخسارة يامايكل وجرجس
ياخسارة
يامارينا ونرجس
بعتوا اللي باع عمرة عشنك
خنتوا اللي شال حزن اثامك
خساره
ميت خسارة
بلاطس المصنوع بايديك جاي يدينك
والشعب كلة بينطق كلمة
واحدة اصلوبه
اطلقوا اللص بارباس واجلدوة
بلاطس رغم انك كنت تعرف انة
بار
وبكلمة منك تقدر تطلقة وتاخد القرار
بس خفت علي التاج والكراسي
والضلال
والقصة تاني بتتحكي بس بقناع
مليون بلاطس يتولد والحق ضاع
والحكم
واحد اصلبوه
الطريق الجلجثة
والقلوب متغمسة
بدم البرئ
ويسوع
كشاه بدبح
بينتف علية وينطرح
وينضرب وينجرح
ويشيل الصليب
يلا
داويت كل القلوب
المجدلية
السامرية
الاعمي مين خلاه يتوب
مين
اقام ميت ناين
مين اللي داوي المجروحين
مين غيرك غفر الذنوب
انت
الالة فوق الصليب
انت الالة وازاي رضيت
نتطعن تتصلب يتحط فوق جبينك
شوك
انت الالة وازي رضيت
تتهان تتخان وانت ملك الملوك
ازاي يندق
في ايدك مسمار
ازاي رضيت تشرب خل والمرار
ازاي رضيت وانت صانع الكون
البحار
ازاي رضيت كلة دة علشاني انا
ياشمس يلا ضلمي
وابكي بعيونك
واحضني
صورت الغروب
دة اللي بايدك لونك
هو الالة وكونك
جابك
وحطك علمك
تنوري كل الدورب
وانتي ياارض اتزلزي وشق الحجاب
وأسالي
العهد القديم
وأسالي موسي الكليم
وأسالي اسحق وابراهيم
في قلبهم
هتلاقي الجواب
كان لازم يموت علشان اعيش
كان لازم يموت علشان تراب
مايساويش
وادي العذار بيكفنو
وبيدفنوه
وبيتذكروا ايام مكان وياهم
بيمشي
بيتكلم
بينام
بيقوم
بيعلم
بيثبت
خطاهم
بس خلاص تنزل الستارة علي الحكاية
باسواء واسود نهاية
وينطفي
نور المناره
ومات المسيح
وفجأة تنفتح الستارة
ويقوم المسيح
ويشقيق
نور المنار
وييفضل جمبة الجريح
ومفتوح ليك وليا
اعظم هدية
وهبنا
الخلاص
ويشق الفجر الظلام
ويدوس المسيح الشيطان
ويعلي صوت
الايمان
وهبنا الخلاص ببلاش
منقول

المصدر: †† ارثوذكس †† - من قسم: القسم الادبي

[emmmy]

اللة يا دودى كلمات فى منتهى الجمال
مرسى ليكى يا قمر ومرسى اكتر على الامانة

[دودي بوب]

المشاركة الأصلية كتبت بواسطة emmmy اللة يا دودى كلمات فى منتهى الجمال مرسى ليكى يا قمر ومرسى اكتر على الامانة

ميرسي يا ايمي لمشاركتك الجميلة
ربنا معاكي

[nermos1982]

كلمات بجد رائعة للشاعر مفدى صليب والقاؤه فيها اجمل.
ميرسى بجد يادودى على الموضوع الجميل ده. ربنا يباركك يا قمر ويفرح قلبك

[دودي بوب]

المشاركة الأصلية كتبت بواسطة nermos1982 كلمات بجد رائعة للشاعر مفدى صليب والقاؤه فيها اجمل. ميرسى بجد يادودى على الموضوع الجميل ده. ربنا يباركك يا قمر ويفرح قلبك

ميرسي يا قمر لكلامك الجميل
ربنا معاكي

[marmargogo]

كلمات فى منتهى الروعة الرب يبارك حياتك

[دودي بوب]

المشاركة الأصلية كتبت بواسطة marmargogo كلمات فى منتهى الروعة الرب يبارك حياتك

ميرسي لمرورك ولردك الجميل
ربنا معاكي

[bassem8800370]

والقصة تاني بتتحكي بس بقناع
مليون بلاطس يتولد والحق ضاع
والحكم
واحد اصلبوه
الطريق الجلجثة
والقلوب متغمسة
بدم البرئ
ويسوع
كشاه بدبح
بينتف علية وينطرح
وينضرب وينجرح
ويشيل الصليب

كلمات فوق الروائغه بجد يادودى

[دودي بوب]

المشاركة الأصلية كتبت بواسطة bassem8800370 والقصة تاني بتتحكي بس بقناع مليون بلاطس يتولد والحق ضاع والحكم واحد اصلبوه الطريق الجلجثة والقلوب متغمسة بدم البرئ ويسوع كشاه بدبح بينتف علية وينطرح وينضرب وينجرح ويشيل الصليب كلمات فوق الروائغه بجد يادودى

ميرسي يا باسم لكلامك الجميل
ربنا يفرح قلبك

[twaty]

كلمات حلوة اوووى ميرسى يا دودى تسلم ايدك