[عماد حسنى]

مليون ألف طظ

كرهت الحياه ..كرهت الزيف والكدب والمحاباه
كرهت بامانه كل الحاجات .. كرهت الكره وعشق الذات

كل واحد عايش مطعون .. بيكون القاضى وعامل مظلوم
كل واحد شايف نفسه .. متصور كل اللى حواليه بيغشه

كل واحد وكأنه فى حقيقه .. ومافكرش يوم أنه كدب دقيقه
مافكرش لغيرهُ دمر ايام .. كان بيسرق وبيحرق احلام

كل واحد فاهم انه بيحس .. واللى قدامه للأهانه وبس
كل واحد وعقله مريحهُ .. بس للأسف بإيديهم بيجرحوا

كل واحد وبيعرف يتكلم .. فى تجريح الغير استاذ ومعلم
شىء غريب يشكى بدموع .. ويبقى سبب فى شق الضلوع

كل واحد شايف أنه صح .. ولا عمرهُ يجى على نفسه مره
مع انهُ واضح لنفسه اوى .. بس بيضحك على الناس من بره

كل واحد وبقى له ألف غايه .. يا كسر القلوب يا جنى الضحايا
كل واحد بقى شاطر فى الخداع .. وواهم نفسه انهُ متخان ومتباع

الكل عايش رويات مزيفه .. زى بالظبط الورود المجففه
شكلها حلو بس للزينة .. مفهاش حياه ولا ليها قيمه

ليه ابقى محتاجلك وتبعد
ليه ابقى بندهلك وتسكت
معقوله ماكنتش عارفك
معقوله ماكنتش فاهمك
ده لسان حال الموهمين
المظلومين المصدقين
بعض بعض المجروحين
للى لازم يموتوا وميبقوش عايشين

لا هاكتب مصطلحات ولا أختلق تعبير .. دنيا مليانه بالقرف كتير
لا هاكتب أشعار ولا كأنى فى حصص .. مليون ألف طظ فى دنيا القصص

اصلها مليانه اشكال والوان .. كل الجراحات بمستشفى الأيام
طظ فيكى وفى كل الاحلام .. كرهتك يا دنيا وكرهت الكلام

اسف على المصطلحات والتعميم
التعميم كان لصياغه الموضوع

المصدر: †† ارثوذكس †† - من قسم: القسم الادبي

[وردة حزينة]

حللللللللللوه اوى ياعماد
تعيش وتكتب

[miso]

اممممممممممم كلام كله واقعى

كرهتك يا عالم بكل ما فيك
كرهتك ومبقتش باقية عليك
كرهتك يا عالم حقيقى بجد
كرهتك وكرهى ليك ملوش حد

علشان مبقتش عارف الغلط فمين فينا ولا فالزمن
الجشع صاحى والضمير مكفون
ميرسى على الموضوع

[ماريو عادل]

كلمات رائعه وحقيقيه نابعه من قلب شاعر نابض بهموم الحياه

رائع

[عماد حسنى]

المشاركة الأصلية كتبت بواسطة وردة حزينة حللللللللللوه اوى ياعماد تعيش وتكتب

شكرا يا وفاء لحضورك وردك
ربنا معاكى ويحافظ عليكى

[عماد حسنى]

المشاركة الأصلية كتبت بواسطة miso اممممممممممم كلام كله واقعى كرهتك يا عالم بكل ما فيك كرهتك ومبقتش باقية عليك كرهتك يا عالم حقيقى بجد كرهتك وكرهى ليك ملوش حد علشان مبقتش عارف الغلط فمين فينا ولا فالزمن الجشع صاحى والضمير مكفون ميرسى على الموضوع

شكرا يا ميسو على مشاركتك
ربنا معاكى ويباركك

[عماد حسنى]

المشاركة الأصلية كتبت بواسطة ماريو عادل كلمات رائعه وحقيقيه نابعه من قلب شاعر نابض بهموم الحياه رائع

شكرا جدا يا ماريو
ربنا يخليك ويحافظ عليك
الف شكر لردك

[nermos1982]

معنديش تعليق اقوله .الموضوع بجد جامد يا عماد
ربنا يفرح قلبك ويكون معاك

[عماد حسنى]

المشاركة الأصلية كتبت بواسطة nermos1982 معنديش تعليق اقوله .الموضوع بجد جامد يا عماد ربنا يفرح قلبك ويكون معاك

شكرا جدا يا نرمين ربنا يخليكى ويفرح قلبك
شكرا لردك الجميل

[asmicheal]

مليون ألف طظ

مش ارق فنان اللى يستخدم لفظ زى دة
امال شاعر الصورة واللبانة هيقول اية




كرهت الحياه ..كرهت الزيف والكدب والمحاباه
كرهت بامانه كل الحاجات .. كرهت الكره وعشق الذات

ومين يعنى اللى بيحبها
ثم لو حبينا الدنيا
ووجدنا فيها راحتنا
عمرنا ما هنفكر فى الابدية

كل واحد عايش مطعون .. بيكون القاضى وعامل مظلوم
كل واحد شايف نفسه .. متصور كل اللى حواليه بيغشه



عمر ما فية واحد مطعون بجد
يعرف يطعن غيرة
لان اللى ذاق الالم بجد لايمكن يكون سبب فية
الا لو المة تمثيل





كل واحد وكأنه فى حقيقه .. ومافكرش يوم أنه كدب دقيقه
مافكرش لغيرهُ دمر ايام .. كان بيسرق وبيحرق احلام


كل واحد فاهم انه بيحس .. واللى قدامه للأهانه وبس
كل واحد وعقله مريحهُ .. بس للأسف بإيديهم بيجرحوا


كل واحد وبيعرف يتكلم .. فى تجريح الغير استاذ ومعلم
شىء غريب يشكى بدموع .. ويبقى سبب فى شق الضلوع


كل واحد شايف أنه صح .. ولا عمرهُ يجى على نفسه مره
مع انهُ واضح لنفسه اوى .. بس بيضحك على الناس من بره


كل واحد وبقى له ألف غايه .. يا كسر القلوب يا جنى الضحايا
كل واحد بقى شاطر فى الخداع .. وواهم نفسه انهُ متخان ومتباع


الكل عايش رويات مزيفه .. زى بالظبط الورود المجففه
شكلها حلو بس للزينة .. مفهاش حياه ولا ليها قيمه




فعلا الدنيا اتملت بالورود الصناعية المجففة
من كل احساس وذوق


ليه ابقى محتاجلك وتبعد
ليه ابقى بندهلك وتسكت
معقوله ماكنتش عارفك
معقوله ماكنتش فاهمك
ده لسان حال الموهمين
المظلومين المصدقين
بعض بعض المجروحين
للى لازم يموتوا وميبقوش عايشين



بيتهيا لى الواحد لازم يدرب نفسة يوسع قلبة
ويعذر الاخرين
ولا يكون حساس اوووووووووووى
كدة
دة بالنسبة لعامة الشعب امثالنا
مش لارق فنان




لا هاكتب مصطلحات ولا أختلق تعبير .. دنيا مليانه بالقرف كتير
لا هاكتب أشعار ولا كأنى فى حصص .. مليون ألف طظ فى دنيا القصص




تانى طظ





اصلها مليانه اشكال والوان .. كل الجراحات بمستشفى الأيام
طظ فيكى وفى كل الاحلام .. كرهتك يا دنيا وكرهت الكلام

انت كرهت الدنيا ولا ربنا بيكرهك فيها لتدرك انة ليس لك سوى اللة
اللى يدرك ارق المشاعر
ويلتقط اصغر الدموع

اسف على المصطلحات والتعميم
التعميم كان لصياغه الموضوع


اتاسف عن طظ بس
انما مشاعرك تعبر عن مشاعرنا جميعا