يارب يسوع اشكرك على الوقت اللى سمحت ليا بالوقوف قدامك
وبطلب منك تغييير لقلبى من جذوره وانك تفتح عنيى على شخصك ونورك ومجدك
يارب سامحنى لانى كتييييير بحط حاجات تانية مكانك
وبمّلكها قلبى بدالك
ساعدنى اخليك انت وحدك الملك والسيد على كل كيانى
يارب اعن ضعف ايمانى واسندنى لانى محتجالك قوى ومحتاجة حضنك اترمى فيه علشان اتغير وارجع تانى اقعد قدامك واتملى من جمالك
يارب ارجوك سامحنى لانى بزعلك كتيير
لكن يارب انت رحمتك لانهائية
انت بتنادى عليا
وبترجعنى تانى لحضنك وللحظيرة
ارجع اركع قدامك واتملى فى جمالك
لانك انت الوحيد اللى فيك كفايتى وراحتى وفرحى
يارب بشكرك لانك بتحبنى محبة ابدية
ولما بقع بتقومنى بايديك الحنينة
وبتمسح دموعى وتلبسنى حله جديدة
يارب بسالك ان الصيام ده ميكونش مجرد تغييرطعام
لكن يكون تغييييير قلوب ونقاء
يارب الكلمات لا تصف حبك ولاتوفيك حقك
يارب يسوع بطلب منك انك تباركنى
وتحفظ شعبك فى مصر
واذكر يارب كل اصحابى
امين فى اسم يسوع
امين
مشاهدة صفحة طباعة الموضوع
أرسل هذا الموضوع إلى صديق
صلاة من القلب لقلب يسوع
المواضيع المتشابهه
العرض الشجري