[maged18]

ياريت الكل يشارك في الموضوع ده انا حسيت انه لازم اتكلم في الموضوع ده وقولت اطرحه في المنتدي عشان اعرف منكم اجابة علي الموضوع وهو انا بشوف ان الشباب دلوقت كل فكرهم في حياة العالم مش زي زمان بالرغم ان انا شايف الكنيسة بتواكب عصر التكنولوجيا والانشطة لتوصيل كلمة ربنا بمعني انا بخدم في اجتماع شباب من اجتماعات اسقفية الشباب لما بنقول نعمل رحلة اكتر من نصهم بيكون عاوز رحلة ترفيهية بالرغم من لما كنت في الدراسة لاني انا خريج الان وده من تلات اربع سنين بنكون عاوزين رحلات دينية وترفهية مش ترفهية بس نكلم الشباب عن الاجتماع بقول لينا كذا حجة عاوزين بس يكون ليهم شلة يخرجوا يعشوا حياتهم يروحوا كافيهات كله اللي بيعقدوا عليه بنات تشرب سجائر وطبعا بيكونوا بنات اخلاقهم وحشه وعلي فكره احنا اجتماع معهد خاص وطبعا الكل عارف ان المعاهد الخاصة كلها بلاوي عشان بتكون بفلوس غير الجامعة الحكومة بيكون في شده في اللجان المهم طبعا الموضوع ده الجماعات الاخوانية بتستغل الموضوع ده اوووي وبتشوف البنات اللي عاوزه تعيش فيقوم واحد منهم بتمثيل البطل الفارس اللي يخلي البنت تعشقه من غير ما تعرف وبعد ما يتمكن يظهر حقيقته وحقيقة المخطط واحنا من جهتنا بنعمل كل اللي بنقدر عليه لكن مفيش اي استجابة نفسي اعرف ايه اللي اتغير ليه البنات تفكيرها بقي كده وعلي فكره الولاد كمان كل تفكيرهم ان كل واحد يتعرف علي البنت ويخليها تقع في حبه وبعد كده يسبها ويتعرف علي بنت تانية وهكذا مش مهم عنده انها بنت المسيح اخته في المعمودية وفي الخلاص وهي دي النقطة اللي بتخلي البنت بتلجأ للولد المسلم لانها بتكون بتكرها او بتتجنب الولاد المسيحين مهما لو كان ولاد واحد هو اللي عمل كده لكن بقيت الشباب كويسين لكن بتتجنبهم عشان بيكون عندها احساس ان كل شباب المسيحين اللي معها كده ياريت كلنا نتكلم ونتشارك ونتحاور ونعلق في الموضوع ونشوف مع بعض الحل لان انا شايف انه موضوع بيمس المسيحين اللي بالاسم وانا اسف لو طولت عليكم

المصدر: †† ارثوذكس †† - من قسم: المنتدى العام

[وردة حزينة]

هى المشكله كلها فى الفراغ وغياب دور الاسره هما للى غيرو البنت لانها ميش بتلاقى للى بيدور وراها
والولد عشان عنده وقت فاضى فاهايقضيه فايه غير فى معاكسه البنات والخروج والرحلات الترفيهيه
والحل ممكن فى الكنيسه والاسره
و ميش عيب ان الكنيسه تعمل رحلات ترفيهه بجانب الدنينه وكمان لزم تشغل وقت فراغهم
وبالنسبه لموضوع الحب لو كل واحد حط البنت للى بيضحك عليها ده مكان اخته ماعتقديش ده ميش هايحصل
منور المنتدى يامجدى وميرسى ليك

[eng_fofa]

انت بتتناقش فى قضيه مهمه جدا يامجدى
ورأى ورده مظبوط الاسره عليها عامل كبير
بس المشكله ان الموضوع بقى اكبر من ان الاسره تسيطر عليها لان دخل فيه عوامل كتير جدا
نتكلم عن حاجه حاجه علشان نرتب الكلام
انا من رأى ان اهم الاسباب اللى خلت الموضوع يتدهور بالشكل ده هى البطاله اللى ترتب عليها حاجات كتير جدا
اولها وقت الفراغ الكبير جدا دا غير تأثيره الفراغ ده على الحاله النفسيه بطريقه سلبيه وكمان مننساش تأخر سن الزواج
اى شاب طبيعى نفسه يحب ويتحب ويكون اسره ويستقر لكن مع الاسف الظروف مش بتساعده انه يعمل كده وحتى لو بيشتغل احيانا بيبقى مش ضامن الشغل اللى هو فيه ودا اللى بيخلى شباب كتير مش بتقدر تكمل قصص الحب اللى ابتديتها انا هنا بتكلم عن حاله واحده بس لان فى حالات تانيه بيبقى عندهم الظروف المتاحه للزواج لكن بردو هدفهم التسليه من ورا علاقاتهم مع البنات
اما بقى بالنسبه للبنات
البنت محتاجه تحس بالامان مع الشخص اللى بتحبه ومرتبطه بيه ودا مش هيحصل مع شخص كل هدفه التسليه وتتضيع وقت الفراغ
اما بقى بالنسبه لموضوع الرحلات
اغلبنا ان لم يكن كلنا بيواجهه ضغوط كتير فى الحياه محتاج انه يرفهه عن نفسه شويه علشان كده اغلب الناس بتفضل الرحلات الترفيهه
بس انا اقترح علشان الموضوع يبقى عليه اقبال من الشباب ان الرحلات دى تكون ترفيهه الى جانب انها روحيه
وربنا يبارك فى خدمتكم