[عماد حسنى]

المشاركة الأصلية كتبت بواسطة حنين سنين منور يا عمده حلو اوى اوى من زماااااااااان وانا اقول انت فنان ربنا يعوض تعب محبتك

صدقينى يا هنا انتى اللى منوره الموضوع والمنتدى كله بحضورك
ومتشكر بجد لمشاركتك وتشجيعك ومحبتك
الف الف شكر يا هنا
ربنا والعدرا يكونا دايما معاكى

[emmmy]

حلوة يا عماد -- تسلم ايدك
بس الصورة محتاجة شرح فيها سؤال محير؟؟
ومش مفهوم القصد منة غير عند صاحب التصميم

فكرتها طبعا رائعة جدا والوانها جميلة وفيها لمسة
بس التضرع والدموع والحزن والندم ومحاولة تسليم القلب لربنا
من طفلة قدام شخص الرب يسوع مش مناسبة لان الاطفال مش محتاجين دة

ياترى اية القصد محطتش لية صوة تناسبنا احنا لو كان الهدف التضرع والندم -- لو ممكن شرح احساسك فى التصميم اكون شاكرة جدا

[عماد حسنى]

المشاركة الأصلية كتبت بواسطة emmmy حلوة يا عماد -- تسلم ايدك بس الصورة محتاجة شرح فيها سؤال محير؟؟ ومش مفهوم القصد منة غير عند صاحب التصميم فكرتها طبعا رائعة جدا والوانها جميلة وفيها لمسة بس التضرع والدموع والحزن والندم ومحاولة تسليم القلب لربنا من طفلة قدام شخص الرب يسوع مش مناسبة لان الاطفال مش محتاجين دة ياترى اية القصد محطتش لية صوة تناسبنا احنا لو كان الهدف التضرع والندم -- لو ممكن شرح احساسك فى التصميم اكون شاكرة جدا

صدقينى يا ايمى التصميم لا فيه دموع ولا حزن ولا ندم
مش عارف كل ده جه منين
اما صوره البنت او الطفله فماكنشى غيرها هاينفع فى التصميم
لان التصميم كله بيقول فلتكن مشيئتك
ومش هتلاقى افضل ولا انسب من الاطفال فى الاتكال والتسليم
بعكس الكبار خالص
الطفل لما بيعتمد على ابوه بيكون اعتماد كلى مفهوش اى رجوع وبيكون بتسليم كامل واطمئنان
اما الكبير فللاسف بيقول فلتكن مشيئتك وبيرجع فى كلامه تانى
حاولت اجيب ابسط صوره للتضرع والتسليم فملقتش انسب من الطفله دى
يارب اكون قدرت اعبر بالتصميم عن مفهوم الكلمه على الاقل بالنسبالى
ياريت ياريت اكون زى الطفله فى الاتكال والاطمئنان
وشكرا جدا لردك وحضورك ومشاركتك
ربنا يعوضك

[emmmy]

اولا شكرا على ردك على سؤالى يا عماد
ثانيا انا قلت الاحساس اللى وصلنى فعلا من الصورة وعلشان التصميم بالذات مش بيعرف القصد منى غير صاحبة سألتك
الطفلة ضامة ايدها ومنحنية الرأس ومغمضة عينها اوى تعبيرا عن الخجل ودة علامة التضرع فعلا
الانحناء دة من علامات الخجل من اللة والندم على خطايانا
لو انت هدفك بتعبر عن احساس الاطمئنان والتسليم يبقى الطفلة تكون فرحانة ومرفوعة الرأس وعينها فى عين المسيح لانها طفلة برئية وقلبها كلة نقاء معندهاش حاجة تنحنى بسببها وعلشانها - دة مجرد مشاركة معاك مش معارضة على احساسك

عموما طبعا كل واحد بينظر للامور بحسب رؤيتة انا بس حبيت اوضح القصد
لانك حسستنى انى بعدت اوى عن الصورة كلها بكلامك انا مش شايف دموع ولا حزن ولا ندم مش عارف كل دة جة منين ؟؟
اتمنى اكون وضحت دة جة منين
اسفة حقيقى على التطويل وصدقنى بكل امانة وصدق الصورة حلوة
ربنا معاك

[عماد حسنى]

انتى مابعدتيش ولا حاجه يا ايمى
وانا مش قصدى فعلا
كفايه ان التصميم اثار تأملك وده وحده يكفينى
الف شكر ليكى ولمحبتك بجد