[mo73eb]

هو الموضوع حساس جدا خاصة للمتزوجين اللى يعرفوا مدى قوة هذه الشهوة و مدى القوة المضادة لها بالصلاة و الصوم .. هى من وجهة نظرى ليست حرام و كما يقول الكتاب كل الأشياء تحل لكن ليست كل الأشياء توافق ، هى مسألة قوة على الصمود و إن حصلت يبقى نصلى بعدها إن ما تتكررش دون الإحساس بعقدة الذنب لأن لو حصلت هنقول "أمال صيام إيه اللى إحنا صايمينه ما نفطر أحسن " و دى حيلة للهروب من الصيام ،، أعتذر عن إزعاجكم و أعتذر عن إثارة غضب أى معارض .

[bolit]

هو موضوع جديد وجرئ انا علي ما اعتقد انها غلط علشان المفروض ان الواحد في الصيام مايتشغلش بأي حاجة غير ربنا وبيستهيألي ان دي حاجة بتشغل الفكر ذي ما بتقول ثانيا ان في الصيام المفروض ان الواحد يبعد عن الحاجة اللي بيحبها عشان ما يتعودش انه يدي لجسمه احتياجاته كلها فالتعود ده بيجي عن طريق الصيام وفي الصيام المفروض نهتم بالروحيات

[د/ مايكل]

وأنا أول واحد هايأيدك لأني أعتقد أن ربنا مخلقش الإنسان علشان يعذبه علي الأرض ..... لو كان ربنا عاوزنا نعيش أطهار وقديسين كان سابنا عايشين في الجنه أنما طردنا ونزلنا الأرض علشان نعيش فيها وكأننا في الجنه !!!!!!! عجايب .... ولو كان عايزنا نعيش أطهار وكأننا في الجنه طب كان هيألنا الأرض وكأنها الجنه أنما واحد عايش في وسط المجاري وعي أرض مصر المقرفه تطلب منه إزاي يتعيش وكأنه في الجنه !!!! يعني يتعذب مرتين !!!!!! كلام مش منطقي طبعا

[غادة داود]

المعاشرة الزوجية فى الصوم مش حرام لكن فطار لانها مش خطية ولكن الفطار هو اللى خطية كما اخطا ادم واكل من الشجرة و بولس الرسول بيقول الا يمتنعا فى الصوم الا بالاتفاق

[د/ مايكل]

أنا كتبت رد ومظهرش مش عارف ليه !!!!!!!!!

[sozyhany]

سلام الرب مع جميعكم
شهوة خطيه
مثال :- عند اشتهت حواء الاكل من الشجرة التى منعهم الله منهم بمجرد الاكل منها شعروا بانهم عريانيين و تم طردهم من جنه عدن .
و لو طرحنا موضوع الشهوه فلا يطرح فى هذا الموضوع و لكنه يطرح معة موضوع الحب
اما بالنسبه للمعاشرة الزوجية فنحن ما فى حرام او حلال كما طرحت هذا فى موضوعك و لكن عندنا اذ كان صح ام خطا
معاشرة تتم فى الصيام و ذلك بارشاد من الاب الاعتراف او الاب الروحى و نحن ليس لنا قامة الروحيه الواحده ففى بعض منا قد يحتمل و ذلك لقامته الروحيه اعلى و هناك اخرون لا يحتملون .
اسفه على الاطاله

[د/ مايكل]

أنا مش فاهم ياجماعه إيه علاقة أب الإعتراف بعلاقه حميميه جدا بين زوجين !!!!!! أصلا أصلا لو الزوج أو الزوجه أتكلموا عن علاقتهم الخاصه جدا لأي حد ... إسمحولي تبقي قلة أدب .... يعني ايه أروح لكاهن أقوله أنا بنام مع مراتي إزاي !!! أيه الفجور ده .... للأسف للأسف لوثة الحلال والحرام لوثت كل حياتنا .... دلوقت الستات والبنات بتروح تحكي للرهبان في الكلام الوقح ده ... علاقة الزوج بزوجته محدش خاااااااااالص يتدخل فيها والا تبقي علاقه عامه مش خاصه

[الحب المفقود]

العلاقه الزوجيه قدس أقداس وهى مش حرام اثناء الصوم ولكن يجب التعفف عنها وتقليلها للتفرغ للصوم بموافقه الطرفين وليس طرف واحد فقط

[د/ مايكل]

كلمة التعفف تطلق علي السلوكيات التي تأنفها النفس ...... هل علاقة الزوجين من هذا النوع حتي نتعفف عنها ؟؟؟ طب مابلاش جواز أصلا مدام هو حاجه مقرفه كده
وهل الصوم سلوك يشغل الوقت والتفكير حتي نحتاج للتفرغ !!!!!!! نصوم يعني نصوم مش محتاج لا وقت ولا جهد ولا تفرغ والا نسيب بقي شغلنا كمان علشان نتفرغ ونقعد نصوم ونصوم ونكافح ونهد الجبال .... ايه ياجماعه معقدين كل حاجه كده ليه الواحد يبطل أكل يبقي صايم أيه الصعوبه في كده !!!!!!!

[makram2]

انت اثرت موضوع مهم جدا، ولكن لابد من وجود اتفاق بين الطرفين،
اما يكون هناك قدر من الاحتمال عند طرف واحد مع شوية تعفف الموضوع يمر بسلام دون ادنى مشكلة ولكن دون تعسف من طرف على اخر . والرب يكمل كل ضعف