نفسنا يرجع المنتدى

lovejesus2011 2014/05/09 - 08:48 AM 9,453 مشاهدة 36 رد المنتدى العام

مفتوح

lovejesus2011

2014/05/09 - 08:48 AM · منذ 11 سنة

يا جماعة انا واحدة مسجلة هنا ف المنتدى من 2010 وشوفت ازاى كان المنتدى شغال بجد و كان منور باعضائة و موضوعاتهم بس دلوقتى للاسف بقى قليل خالص لما بشوف حد منهم بيدخل :( اناا عارفة انة اكيد غصب عنهم بس انا كمان بتمنى و بطلب من ادارة المنتدى انها تعمل اى تجديد ف المنتدى ترجع الاعضاء او تجذب اعضاء تاانية زى مثلا اننا نلاقى مواضيع مميزة خاصة بس للاعضاء او مثلا اننا نعمل خاصية ان ممكن نعمل خاصية لايكات للكومنتات و تتبعت تنبيهات بكدة و دة اناا شوفتة ف منتديات تانية دة ممكن يجذب الناس بردوو دة غير انى دلوقتى ف المنتدى فى مشاكل ف الكونتات انا كتبت اكتر من كمونت ف كذا موضوع و ف موضوع كمان شبة الموضوع دة بس للاسف ماظهرش و دة اللى خلانى اكتب رايى ف موضوع مستقل انا اسفة انى طولت عليكم :)

بطاقة الكاتب الموثوق

lovejesus2011

مسجل منذ: 2010 مساهمات: 1,252 الصفة: ارثوذكسي متألق

يتوافق هذا المحتوى مع معايير الموثوقية والدقة. يرجى مراجعة سياسة التحرير والنشر لمعرفة المزيد.

ماروجيرافك

2014/05/09 - 12:52 PM · منذ 11 سنة

في الاول احب اشكرك علي محبتك الكبيرة للمنتدي
وبالنسبة لعدم وجود نشاط في المنتدي ده صدقني في معظم المنتدايات وده لانشغال الاعضاء في الحياة وكمان بقي الاتجاه الاكبر لمواقع التواصل الاجتماعي زي الفيس بوك والتيوتر
وبالنسبة لدور الادارة بنحاول فعلا نعمل اي جديد من نشاطات وغيره لكن مهما عملنا بدون تفاعل الاعضاء يبقي مجهود بدون اي فايدة
ورغم كده بنحاول علي قد ما نقدر وواعزرونا اذا قصرنا في شئ
نتمني حقيقي رجوع ارثو الحبيب بكل اعضائه واحبابه
الرب يبارك حياتك
صلي من اجلنا واجل المنتدي لنشر كلمة الرب

lovejesus2011

2014/05/09 - 05:28 PM · منذ 11 سنة

انا عارفة طبعا ان الادارة بتعمل كل اللى بتقدر علية و اكيد حضرتك عندك حف ف كل اللى قولتة ..انا بس حبيت اوضح رايى :) ربنا معاكوا و يبارك الخدمة و يرجع المنتدى زى الاول و احسن .. :)

ماروجيرافك

2014/05/09 - 05:45 PM · منذ 11 سنة

اقتباس من: lovejesus2011;861459
انا عارفة طبعا ان الادارة بتعمل كل اللى بتقدر علية و اكيد حضرتك عندك حف ف كل اللى قولتة ..انا بس حبيت اوضح رايى :) ربنا معاكوا و يبارك الخدمة و يرجع المنتدى زى الاول و احسن .. :)

نتمني حقيقي يرجع ارثو اسرتنا وبيتنا التاني زي زمان

Team Work®

2014/05/09 - 09:32 PM · منذ 11 سنة

بالنسبه للردود بتاعت حضرتك اللى مش ظهرة ده كان فى اى قسم ولو ممكن ارسال ولو رابط لموضوع واحد الرد لم يظهر فيه

اما بالنسبه لكلامك انتى عندك حق واحنا بنعمل كل اللى نقدر عليه لكن بجد غصب عننا كل اللى احنا فيه الناس مش بقيت تدخل مش عارف ليه

ربنا موجود ونحاول نرجع الناس من تانى

+إيرينى+

2014/05/10 - 06:54 AM · منذ 11 سنة

إنتوا بتراجعوا مشاركة مشاركة

هيبقى فيه حوار إزاى بس

لما تظهر المشاركة بعد يومين تلاتة ؟؟

دا إذا ظهرت

أما أشوف مشاركتى ديه هتظهر إمتى ؟؟

+إيرينى+

2014/05/10 - 06:55 AM · منذ 11 سنة

اقتباس من: +إيرينى+;861464
إنتوا بتراجعوا مشاركة مشاركة

هيبقى فيه حوار إزاى بس

لما تظهر المشاركة بعد يومين تلاتة ؟؟

دا إذا ظهرت

أما أشوف مشاركتى ديه هتظهر إمتى ؟؟

دا المشاركة ظهرت أهو:em19:

طول عمرى ظالماكم :em0300:

Team Work®

2014/05/10 - 05:06 PM · منذ 11 سنة

شوفتى يا ظلمنى

lovejesus2011

2014/05/10 - 06:19 PM · منذ 11 سنة

Team Work®
انا مش فاكرة الموضوع دة حصل معيا ف اى قسم لكن اول مايحصل معيا تانى هبعت لحضرتك اسم القسم و اسم الموضوع بالظبط
سكرا لاهتمام حضرتك و ردك :)

+إيرينى+

2014/05/12 - 04:21 AM · منذ 11 سنة

#10

اقتباس من: Team Work®;861477
شوفتى يا ظلمنى

aymonded

2014/05/12 - 03:02 PM · منذ 11 سنة

#11

هههههههههههههههههههه، عموماً جميع المشاركات (أي التعليق) في أي موضوع بتظهر عادي مش عليها اي مراجعات ما عدا قسم واحد فقط لا غيرلا كل حاجة فيه بتبقى محتاجة مراجعه وهو حوار من الأعماق...

+إيرينى+

2014/05/13 - 04:45 AM · منذ 11 سنة

#12

اقتباس من: aymonded;861496
هههههههههههههههههههه، عموماً جميع المشاركات (أي التعليق) في أي موضوع بتظهر عادي مش عليها اي مراجعات ما عدا قسم واحد فقط لا غيرلا كل حاجة فيه بتبقى محتاجة مراجعه وهو حوار من الأعماق...

:em19:

ممممممممممممممممممممم

إيه حوار من الأعماق دا ؟

بيحكوا فيه عن إيه ؟؟

طب إستنى كدة أما أروح أبص بصة كدة و أشوف الأعماق شكلها إيه :em2300:

aymonded

2014/05/13 - 08:55 AM · منذ 11 سنة

#13

هههههههههههههههههه حوار من الأعماق ان ممكن أي حد من غير ما يشترك في المنتدى يدخله ويكتب مشكلته من غير ما يكون معروف لحد... علشان كده القسم مفتوح للجميع بس كل حاجة بتتراجع فيه علشان بس مش يكون فرصة أن حد يكتب فيه اي حاجة وخلاص وحتى الردود تكون متراجعه فيه للتفريق بس بين الرأي الشخصي وفرض الرأي كأنه تعليم أو إرشاد صحيح وسليم...

aymonded

2014/05/13 - 09:01 AM · منذ 11 سنة

#14

قوانين قسم حوار من أعماق

1 - هذا القسم مفتوح للجميع بلا استثناء، وللكل مطلق الحرية أن يضع مشكلته كيفما شاء، وبأسلوبه الخاص.
2 – يُمنع منعاً باتاً حوار الأديان أو حوار العقائد المختلفة أو نشر إحداها أو الحديث عن أحد المخالفين للكنيسة أو التهكم على أي سياسة، سواء محلية أو دولية.
3 – الرجاء الالتزام بالإنجيل أو الإرشادات الآبائية عند وضع الردود ولا توضع أي ردرود تحتوي على آيات خارج الإنجيل أو الإيمان المسيحي عموماً.
4 – الرد غير قاصر على شخص معين فللجميع الأحقية أن يشتركوا في الرد معبرين عن رأيهم الشخصي مع ملاحظة:

أ – عدم التسرع في الرد على المشكلة دون قراءة الموضوع الرئيسي بكل دقة وتأني شديد.
ب – حينما يوجد ردود سابقة ينبغي قراءتها جميعاً وبدقة وبكل صبر حتى لا يتم وضع كلمات مكرره ( لأننا سنضطر أن نحذفها )، وحتى لا يوضع كلام أو رأي بعيداً عن المشكلة.
ج – علينا أن نفرق ما بين الرأي الشخصي والإرشاد الخاص والإرشاد العام ولا نخلط الأمور ببعضها البعض.
د – ينبغي عدم الإصرار على رأينا الخاص وكأنه صحيح وملزم لأنه كان نافع لي أو لغيري ممن أعرفهم، فما ينفع شخص قد لا ينفع آخر، وما ينفعني ويُفيدين أنا على المستوى الشخصي قد لا يفيد الآخر !!!، فينبغي وضع أي رد في إطار الرأي الشخصي فقط لا غير حتى لو كان صحيح ومن كتب آبائية وكنسية، إلا إذا صدر من أب روحي حقيقي وصلت له هذه المشكلة ويعرف أبعادها ويُجيب عليها في إطار شخصية صاحب المشكلة وما يتناسب معها ...

هـ - هناك موضوعات قد تم الانتهاء من الردود وختمها وسوف تقوم الإدارة بغلقها والاكتفاء بالردود فيها، فلا ينبغي أن يصرّ أحد على فتحها والتعليق عليها.

5 – من حق واضع الموضوع أن يقبل أو يرفض ما يُكتب له من ردود ومشاركات، دون إهانة لأحد أو برد غير مناسب على أحد، وهو غير ملزم أن ينفذ كل ما كُتب من توجيه أو إرشاد، بل ما يتناسب معه هو فقط، وحسب رؤيته الخاصة ورؤية أبيه الروحي بعد عرضها عليه والتأكد من أنها تناسبه شخصياً وتتفق مع حالته الروحية والنفسية وحسب إمكانيته الشخصية ...
6 – لإدارة المنتدى الحرية في حذف الموضوع أو الردود في حالة عدم توافقها مع قوانين المنتدى، أو لا تتوافق مع الرد على الموضوع، أو هناك إرشاد – في الرد - لا يتناسب مع المشكلة أو الحوار الرئيسي، فقد تكون صحيحة فعلاً وعلى المستوى الشخصي لكاتبها، إنما ممكن أن تتعب صاحب المشكلة وتسبب له نوع من الإحباط أو الربكة في حياته الشخصية.
7 - ليس من حق أي أحد الشكوى من تصرفات الإدارة من فتح أو إغلاق أو حذف الموضوعات أو الردود إلا لو كان هناك خطأ ما أو الاستفتسار عن سبب الحذف.
8 – كل ما يكتب من ردود يعبر عن الرأي الشخصي للكاتب وحده فقط دون أدنى مسئولية على طاقم إدارة المنتدى من أي نوع.

ماروجيرافك

2014/05/13 - 06:58 PM · منذ 11 سنة

#15

اقتباس من: +إيرينى+;861497
:em19:

ممممممممممممممممممممم

إيه حوار من الأعماق دا ؟

بيحكوا فيه عن إيه ؟؟

طب إستنى كدة أما أروح أبص بصة كدة و أشوف الأعماق شكلها إيه :em2300:

ها اية اخبار الاعماق طلع فيها اية يا خوفي منك

الموضوع التالي قوانين المرشحين للإشراف

الموضوع السابق أفضل من عصافير كثيرة“