اية يا ارثوذكس
محدش فينا يعنى قالوا اشكرك يااارب انك حافظت علينا ليلة العيد ومسمحتش للعدو يزود معاناتنا واحزانا
ولا احنا مش شاطرين غير فى الشكوى والعتاب لربنا بس
لية بنفتكر دايما احساسنا بتاديب ربنا وعملة لاجل خلاصنا وابدينا وبننسى احساناتة ومراحمة وعنايتة وسترة وحنانة وحبة
ليلة العيد كان فى كنيستين هيحصل فيهم نفس اللى حصل فى الاسنكدرية كنيسة الانبا انطونيوس فى المنيا وكنيسة الانبا ابرام بالفيوم واللة اعلم فين تاااانى لكن ربنا منع دة ومسمحشى بية
اشكرك حقيقى يااارب على عظم مراحمك ومحبتك
اشكرك من اعماق قلبى يا الهى المحب
بحبك يا يسوع بحبك اوى
احبائى --
انا عاوزة اقول حاجة حسيت بيها وتاملت فيها
لية الاحداث دى بتحصل غالبا فى عيد راس السنة والميلاد تحديدا اشمعنى يعنى ؟؟؟؟
مش دة سؤال ممكن نقف قدامة برضوا
اول السنة الجديدة والميلاد بيفكروا الشيطان بتجسد اللة الكلمة ومفيش حاجة تفزع وترعب مملكة الظلام اد فكرة التجسد بدليل اللى حصل لاطفال بيت لحم
وغير كدة احبائنا المسلمين بقى فيهم ناس كتير بتؤمن بميلاد السيد المسيح دلوقتى مكنشى دة زمان بتؤمن بية وبتعترف بية وبتاخد اجازة رسمية معانا كمان ودى ممكن جدا تبقى بداية وشعاع نور لطريق النجاة وعلشان كدة عدو الخير بيحاول يهدم كل فرحة وكأنة بيقول لا اومال انا لازمتى اية هنا انا ملك العالم انا رئيس هذا العالم انا ملك الظلام
احبائى فى الرب يسوع افرحوا بعمل اللة
وياااريت وانا اولكم نفتكر مراحمة وحنانة وسترة وعنايتة وناخد بالنا منها ونشكرة عليها زى ما بناخد بالنا من التجربة والتاديب ومحاولة عمل اللة لاجل خلاصنا وابديتنا
ربنا يعطينا الاستنارة الروحية لنرى ونعاين
مجد اللة فى حياتنا وقوبنا
0000امين0000
مشاهدة صفحة طباعة الموضوع
أرسل هذا الموضوع إلى صديق
يسوع حافظ علينا ليلة العيد
المواضيع المتشابهه
العرض الشجري