[amer_wageh]

صلي وخلي ابونا يرفع ذبيحة

[سوسنة 2010]

اشكركم يا احبائى على محبتكم
ربنااا يعوضكم

[سوسنة 2010]

انا جاية اقولكم حاجة يا جماعة علشان كل بنت تأخد بالها

ونستفيد من تجربتى الفاشلة ومتعملشى زيى حسيت ان دة جزء من رسالتى واعتراف بجميلكم ومحبتكم حسيت انى عاوزة احذر كل بنت

بس الاول عاوزة اقول حاجة مهمة اوى انا بشكر ايمن واايمى على حورارهم الرائع ومساعدتهم يااريتنى سمعت كلامكم كان عندكم حق كان عندك حق يا اايمى فى كلامك

العبد بيفضل طول عمرة عبد طول ما هو معندوش ارادة فاكرة لما قلتيلى اوعى تضغطى على الشخص اللى متقدملى علشان يبطل سجاير اوعى تتوهمى ان حبك هيخلية يعمل اللى انتى عاوزاة كان عندك حق يا اايمى يااريتنى سمعت كلامك الانسان اللى معندوش ارادة مهما تعملوا معاة يا اخواتى مش هيسمع - الارادة هى طريق النجاح للتخلص من كل شئ مستعبدنى لكن من غيرها هيفضل الانسان عبد للشئ اللى مسيطر علية

انا فشلت وبعترف انى فشلت يا ايمى انتى وايمن وكل اللى بيقرأ كلامى

اللى مزعلنى انى ضعيت وقتى معاااة وخسرت سنة من عمرى مع انسان لا يطاق دة غير انة كان عصبى وغيور بشكل فظيع وبرضوا بسبب السجاير





احذروا يا بنات احذروا

[سوسنة 2010]

انا سبق وكتبت من مدة تعليق يا ترى ما توفقش علية لية ؟
هل فى مشكلة انا قلت حاجة تزعل حد ولا دة مجرد غلط مجهول
عموما انا هكتبة تانى ولو متمش الموافقة على ردى هعرف انة مرفوض وبقدم اعتذارى
انا حابة بس اشكركم وعلى الاخص الاستاذ ايمن وايمى على محبتهم وكلامهم معايا وجاية النهاردة اقولهم ياريتنى كنت سمعت كلامكم بس للاسف تصورت انى هقدر اغير انسان مدمن سجائر واعمل منة انسان جديد قد اية كنت مخدوعة وموهومة عملت المستحيل قدمت الحب والصبر والتحمل ومأخدتش غير العذاب والعصبية والعناد
انا فشلت للاسف يا استاذ ايمن فشلت يا ايمى
فاكرة كلامك معايا يا ايمى فاكرة لما حذرتينى فى رسالة خاصة فاكرة قلتيلى اية ؟
مسمعتش كلامك مع انة حصل بالحرف الواحد كل اللى قلتية حصل وكل اللى حذرتينى معملوش عملتة لانى كنت فاكرة انك بتبالغى
ارجوكم يا بنات خلوا بالكم من اختياركم لشريك الحياة لان دى خطوة مصيرية محتاجة تأنى وصبر وحكمة واستفادة من تجارب الاخرين وصلاة وطاعة للمرشدين ارجوكم بلاش تنجرفوا وراء مشاعركم
سامحينى يا ايمى انتى واستاذ ايمن لانى مسمعتش كلامكم مع انى انا اللى طلبتة بس انا دفعت الثمن غالى دفعتة من عمرى واعصابى وقلبى وراحة بالى انا عمرى ما هنسى التجربة المرة دى ابدا
خلوا بالكم يا بنات المسيح ارجوكم

[aymonded]

سلام لشخصك المحبوب في الرب
أولاً باعتذر جداً لأني مش شوفت الموضوع خالص، ومش خدت بالي من فتحه نهائي، وياليت لو في اي رد تاني ابقى ابعتي رسالة خاصة لو مش ظهر الموضوع في خلال يوم واحد، لأني من كثرة مراجعة الموضوعات ووضعها مش اكون اخدت بالي خالص من الموضوع، واشكرك كتير لأجل إعادتك الكلمات والكلام مش فيه اي حاجة خالص علشان يتم رفضه، وباعتذر ليكي مرة أخرى، اقبلي مني كل تقدير لشخصك المحبوب في الرب، النعمة معك

استاذتى
تفتكرى انك مافيكيش ولا عيب ؟
كل بنى ادم مهما كانت درجة قداستة لازم يكون عندة ضعف فى حتة معينة .. مافيش حد ف الدنيا كامل.
لكن فى اخطاء ينفع الانسان يتقبلها وحاجات تانية ماينفعش .
فأنتى شوفى لو هو عيبة السجاير - فأنا بقولك ان السجاير دى غالبا بيشربها الانسان من سن صغير بيكون فية مش فى كامل شخصيتة لكن للاسف بتستمر معاة لحد مايكبر ويكون شخصيتة ويبقى لية اتجاهات وشخصية تانى - وممكن يشوف بشخيصتة الجديدة انة غلط لما شرب سجاير لكن ساعتها بتكون السجاير بقت ف دمة ومش قادر يبطلها ويصلح القرار الغلط لكن الشئ الاكيد انة لو رجع بية الزمن ماكنش شربها من البداية.
عشان كدة ماتحكميش علية انة انسان تافة لمجرد غلطة غلطها ايام ما كان غير واعى .
والسجاير فعلا كما اثبت العلم انها ادمان وايقاف التدخين شئ غير سهل بالمرة - الشخص ممكن يبطل الهروين اسهل من انة يبطل سجاير (ودة حقيقى ماحدش يتريق عليا) لكن دة مايمنعش ان التدخين ينفع يتبطل بس بيحتاج حافز قوى وارادة قوية تنبع من داخل الانسان نفسة وليس بتاثير من شخص اخر كالاب او الام او الخطيبة وبأخذ قوة من الله قبل الكل.
فلو الشخص دة مشكلتة السجاير بس احمدى ربنا واتوكلى على الله - احسن من لو كان عندة طبع وحش او عادة اخرى اسوأ او اى شئ (قضى اخف من قضى)
عن نفسى نصيحتى ليكى ...وليكى الحق انك تقبليها او تناقشيها وترفضيها :
اهم حاجة الارتياح النفسى للشخص الاخر والاحساس انك بتحبية وانة قريب منك فى التفكير دمة شبة دمك روحك شبة روحة - ممكن تفهمية من نظرة عنية وهو كمان ممكن يفهمك من غير ماتتكلمى . بيحس بيكى لما تزعلى ويحس بيكى لما تفرحى .. بيعرف ازاى يقولك على عيبك من غير مايجرحك .. بيقدر شعورك ورأيك وبيحترمك .. ممكن يسامحك على غلطة غلطتيها .. بيتقبل اخطاءك بس ينصحك بالصح .. وغيرة
دى الحاجات اللى تشوفيها فية ودى الاهم - لو موجودة فية يبقى اكيد هاتعيشة مع بعض فى سعادة
انما عادة زى السجاير اكيد مع الوقت ممكن يبطلها وربنا يديلة القوة وانتى تساعدية ف انة يتغلب عليها مش ترفضية بسببها -
وهو اصلا اكيد مش مبسوط من نفسة انة بيشرب سجاير واكيد نفسة يبطلها بس مش قادر يبقى مهمتك انك تساعدية
سلام ليكى يااختى

[اريد حبا]

طيب انا مش بشرب سجاير ولا بحبها اصلا هههه بس لاسف مش لاقي عروسة تفهمني هل دة عيب فيه ولا في البنات


الموضوع دة عجبني اوي علشان كدة حبيت ارد عليه


نصيحة اي انسان فيه عيب وعمرة فوق 26 لا يمكن ان يتغير بسهولة الا في شئ واحد بس

انه يحب انسانة لدرجة الجنون وحب حقيقي مش حب جواز ومصالح


والله موفق الجميع صلو من اجلي

[+stranger+]

انتى عملتى الصح متزعليش انك سيبتيه
ومحدش بيتعلم ببلاش انتى اتعلمتى الدرس بالطريقة الصعبة
ونصيحتى لكل انسان انه ميحاولش يوهم نفسه انه هيغير اللى اتقدمله ...لو لاقيت فيه عيب او صفة انت مضيقاك ...اختبر نفسك واسأل نفسك بصدق عن مدى قدرتك على التعايش مع الصفة دى على المدى الطويل ...لو لقيت ان فيه مشاكل هتحصل بسببها سيب الشخص ده .... دى مش ادانة ولا كبرياء فبلاش ضميرك يوجعك ... من حقط تقبل او ترفض اللى يناسبك