[me&er]

اولا بالنسبة لموضوع الخروج الشباب مع البنات
دة حاجة ان اى اتنين بحبو بعض لازم هيخروجو مع بعض ومش هتعرفى ترفضى او هو يرفض علشان هو عايز
يشوفها وهى تشوفو وبردو مهما قولنا وعدنا اى اتنين بيحبوا بعض لازم هيخرجوا مع بعض


الموضوع بتاع الصداقة انا من رائى الاتنين لان صديقك مش هيخسرك وحبيبك مش هيضحى بيك

وشكراااا ليكى على الموضوع الجميل دة

[بناتيت]

ميرسي ليكي يا احلي جونير انك فتحتي الموضوع المهم جدا دة وانا رايي اني لايمكن هاخرج مع حد قبل الارتباط بدون معرفة الاهل وثانيا مش هاقدر اجاوب علي السؤال التاني لان احيانا الحب بيدوم في حالة الارتباط وفيه صداقة مش بتدوم وممكن يحصل العكس

[roma_malak]

الموضوع موش عبيط بالمره
بالنسبه لسؤالك الاولانى انا من رأيى مينفعش البنت تخرج مع شاب قبل الارتباط لان كده هى
بتكون اديتله حق هو موش يستحقه وبعدين هو ممكن يفكر فيها انها زى ما خرجت معاه خرجت مع غيره
وهيبدا شك
طب وعلى ايه وجع الدماغ طالما انتى واثقه فى نفسك وعارفه ان انتى موش بتعملى حاجه غلط
يبقى موش تدى حد فرصه يتكلم عليكى لان الناس بطبيعتها موش بتبطل كلام فبناقصها
وبعدين هو لو فعلا بيحبك وبيخاف عليكى عمره ما هيقبل لحد يتكلم عليكى
ولازم تفتكرى ديما ان الراجل الشرقى من طبيعته وهى اصلا غريزه فيه
بيحب البنت اللى يتجوزها يكون هو اول واحد فى حياتها وديما بيقنع نفسه بكده واحنا كبنات مسيحيه تعرف ربنا لازم نكون قدوه لغيرنا علشان تحافظ على نفسها

اما السؤال التانى فبيتهيألى الصداقه تدوووم وخصوصا مع اصحاب بيحبوا بعض وخصوصا لو كانت بين ولد وزميله او بنت وزميلتها لان الصداقه بين بنت وولد موش بتدوم لان طبيعة البنت بتتجوز وليها بيتها وحياتها وجوزها
لكن الحب دائما ذكرى جميله ويمكن للصداقه ان تتحول لحب ولكن الحب لا يتحول الى صداقه عارفه انى اتكلمت كتيير بس ده رايى

[samo1984]

المفروض انة الخروج غلط لانة بيترتب علية مشاكل
وممكن الموضوع فى الاخر ميكملش
ام الصداقة دى حظوظ صدقينى يا كان
شخص صادق ام شخص مخادع وفى الحلتين
احنا ممكن نعيش من غيرة

[amgad nagy]

الموضوع جميل مش عبيط ولا حاجة أولاً : هو غلط طبعاً الخروجات بين الولد والبنت علشان طبعاً دة بيشوه منظر البنت بس للأسف كلنا عارفين كدة بس عادى كله بيخرج وبيعيش.
ثانياً : الصداقة طبعاً هى الى بتعيش أما الحب يعيش فى حالة واحدة وهى الجواز بس ممكن بعد الجواز نبص نلاقى الحب أتغير مش عارف ليه ممكن يكونوا عايشين قصة حب قبل الجواز ميه ميه وبعد الجواز حاجة تانية مش عارف ليه مع أن فى ناس أعرفهم أتجوزا ومكانوش بيحبوا بعض قصدى يعنى مكنش بينهم علاقة حب ودلوقتى عايشين أحلى قصة حب ياترا ايه السبب.
موضوعك جميل أوى أوى شكراً ليكى.

[hard_age]

يليق ولا يليق
كل واحد يختار براحتة
ميرسى لتعبك

[bebo_coach]

اولا انا بشكرك على الموضوع الجميل والجواب فى السوال (انا من رائى انو غلط لانى مينفعش بنت تخرج مع حببها من غير خطوبه
علشان مظرها قدام الى هيجى يخطبها) مرسى على الموضوع الجميل

[lolaemo]

الله على الاسئلة الجميلة ياجونير
السؤال الاول غلط طبعا الخروج بس فى عائلات عادى بالنسبة لها انها تسيب بنتها تقابل وتخرج يقولو طالما قامنا احسن من انه يبقى من ورانا
السؤال التانى طبعا الصداقة هى اللى بتدوم بس مع اللى بيحصل دلوقتى الاتنين مش بيدومو